في جُملة انقالت قِدامي عِمرها ما غابت عَن بالي: " أنا مُمكن بوس حدا ما بحبُّه.. بس مُستحيل عِمري أمسك إيدُه! " حسيت مِن حكيه أنو فعلاً الإيد.. أصدق شي بيعبّر عن الحُبّ.. مِتل كتير تفاصيل.. متل.. لمّا تكون ماشي مع رفيقك فيلمس ضهرك بتلقائية.. كِرمال يبعدك عن السيارات.. أو إنه لمّا يحضنك يلّي عم يسلم عليك.. يطبطب عليك.. أو يمسح دموعك بإيدُه وإنت عم تبكي على شِي وجعك.. أو لمّا تكون رايح عَ موعد مُهم ومرتبك فاللي رايح تقابله يشدّ ع إيدك لمّا يسلم.. فتهدا نينا لاكور كتبت جملة بتقول: مَسحَ الدموع من على وجهي، لقد استخدمَ يديه لقد كان يُحبُّني حُبّاً شديداً هدول الخمس أصابع بيعبروا بطرُق كتيرة مو بس بالكتَابة.. إلُن لغة خاصة مو الكلّ بيعرف يستخدما.. شي بيشبه: لما يكون القَلب في كفّ الإيد. 413 viewsجِـنـان, 11:44
