تحت خانة الأنجازات لازم نكتبو كم مرّة تعشّمنا و طلع عشمنا مش ف | مدرعنة،إيّش .

تحت خانة الأنجازات لازم نكتبو كم مرّة تعشّمنا و طلع عشمنا مش في محلّه، و كم مرّة أمَنا بشي و صدقناه و طلع سراب، و كم مرّة سعينا في الأتّجاه الغلط، و كم مرّة عدا جهدنا هباء، و كلّ مرّة مسكنا في حد رخانا، و كل مراجاة ما جش بعدها اللي نبوه، لمّا خذا غيرنا حاجتنا، و لمّا ما لقينش لمن نعدو و عجزنا و أنهكتنا قلّة الحيلة، و لمّا سامحنا و نحن نقدرو نشيلو و لمّا تصرّفنا بعقل و حكمة في حاجات يستاهلن بكاء و صراخ، و لمّا سكتنا و في كلام حاصل في رقبتنا و خانقنا و خاطرنا نحكوه، لمّا قعدنا برواحنا و ما قدرنا نحكو لحد، و لمّا قسينا علي أرواحنا و تغاضينا علي جروحنا و درنا اللي مفروض يندار مش اللي خاطرنا نديروه، كلّ ليلة ما رقدنش فيها من التفكير و كلّ خيال حام علينا و كلّ شخص غادرنا و كلّ حاجة سمحة راحت من يدينا و كلّ حلم ما تحققش خلّنا أبطال الحكاية كلّها..