خواطر بنوتة 🎀

2020-08-11 17:37:27 تميل رغماً عن أنف الثبات الذي تدّعيه، وتهتز ثقتك بقوتك لتنهار في كسرٍ من الثانية لتصبح مع الأرض التي تقف عليها سواء.
بينهم تضحك رغم البؤس الذي يعتريك..
بعد كل لحظة ونسٍ ورغم ضجيج الأصوات التي حولك يأتيك منادٍ من داخلك موبخاً: ما أوقح قلب الدمية الذي لديك! أتضحك وكأنك سليم الدواخل!
أنسيتَ أنك لا تنتمي إلى هنا؟
لستَ أهلاً للفرح، قم إلى حزنكَ يرحمكَ الله..
كالصفعة..
برهةٌ من الزمان.. ثمّ الكآبة
مجدداً..

ما أشدّ حرصي على امتلاء الأشياء، سواءاً كانت أواني أو بطاريات.. لكنّي عجزتُ عن ملء فراغ روحي.. فشلتُ في الأهم حتى توهمتُ بأنه لا توجد روح بالأصل!
الطريق صعبة في محاولات ايجاد ذاتك الضائعة في هذه الحياة اللعينة، بضجتها وصخبها وسوءها ونُقّادها ومتصيدين الأخطاء والشامتين، والكثير من مشجعي اللا تقدّم.. بقيادة نفسك الأمارة بالعُزلة.

#إعزاز باز کردن / نظر دهید

2017-10-03 13:31:07 لاوضه وماطايقه اشوف زول، عمو عمر وماما زينب ودوني المقابر كم مره..

بعد 15 يوم عمو يوسف قال لي انتي بقي ماعندك غيرنا وانا ح اعقد ليك علي علي ولدي ..عشان مافي زول يتكلم والناس تعرف انو عندك ظهر وسند..انا طبعا اتصدمت وعرفت دا انو دا اكيد تخطيط خالتو مني خلاص وصلوني الحد، حاولت امسك اعصابي قلت ليهو لو انطبقت السماء مع الارض انا مابعرس ولدك ولا انتظرتو ذاتو يرد علي، جريت شلت مفتاح شقتنا وطلعت

إلى اللقاء في الحلقة القادمة باز کردن / نظر دهید

2017-10-03 13:31:07 #مريم

الحلقة التاسعة:
الساعه 6 جانا عمو عمر عشان يرجعنا انا وسمر من المدرسه انا في الطريق بضرب لناس بابا عشان اشوفهم رجعوا ولا لا وبلقي تلفوناتهم مغلقه وبقيت مقلقه
عمو عمر: يامريم هم في البحر الشبكه بتكون كعبه عشان كدا ماتقلقي
انا: هم قالو كلها 3 ساعات وبرجعوا يعني مفروض يكونو وصلو البيت او في الطريق
عمو عمر اصر اني امشي معاهم البيت لحدي ما يتاكد من انو ناس باب رجعوا وصلنا بيت ناس عمو عمر وانا وسمر طلعنا غرفه سمر..وبعد لحظات سمعنا صوت جوطه جرينا نزلنا لقينا عمو عمر بقول لا حوله ولاقوه الا بالله ومنهار وماما زينب بتبكي انا بقيت ما مستوعبه في شنو وخلاص الدنيا ظلمت في وشي اساسا قلبي كان مقبوض من الصباح وحاسه باحساس مامفهوم ..
عمو عمر : يا مريم ناس ابوك عملو حادث ونحن ماشين عليهم وانا ذاتي ما عارف اي تفاصيل بقيت مصدومه وحسيت بنفسي اتشليت يالله تكلوني وركبنا كلنا العربية واتحركنا.. عمو عمر شغال تلفونات عشان يعرف الحادث وين اتصل عليهو عمو يوسف وقال ليهو تعال في شارع النيل وصلنا شارع النيل ولقينا الدنيا والعالمين ملمومه اسعاف وشرطه جريت نزلت من العربيه عشان اعرف في شنو شفت عمو يوسف وعلي ولدو بسال فيهم مافي زول داير يرد علي .. جوني عمو عمر وماما زينب بقوا حاضنني وببكوا وعمو عمر بقول لي قالوا المركب الكان فيهو ناس ابوك غرقت ومافي زول نجاه.. انا تاني ما حسيت بشي صحيت لقيت نفسي في المستشفي وجنبي ماما زينب وسمر بقيت بصرخ ومافي زول قادر علي.. و عمو عمر حما الدكتور يديني مهدي تاني ..بقي بس حاضني ويقرأ لي في قران قال لي لازم تبقي قويه عشان تشوفي امك وابوك واخوانك قبل الدفن احمدي ربك انهم اتلقوا في ناس لحدي هسي ما لاقين جثثهم الكلام دا بقي ذي الحلم بالنسبه لي وما قادره استوعبوا ساقوني ومشيت البيت...بكي وكواريك وناس كتيره وانا لسه ماقادره استوعب اول زول جاء علي حبوبتي حضتني وبقت تبكي اول مره اشوفها حزينه كدا دا كلو وانا لسه مامصدقه بعد شويه سمعت اصوات عربيات الاسعاف ماما زينب مسكتني وحمتني اطلع من الاوضه بقيت بس بسمع في بكاء الناس وانا لسه ما مصدقه وماعارفه بره الحاصل شنو بعد مسافه جاء عمو يوسف قال ليهم نادوا مريم خلوها تجي تودع اهلها.. ماما زينب بقت سايقني وعمو يوسف سايق حبوبه دخلوني الصالون والمنظر الشفتو ما اتمني زول يشوفوا 4 جثث معقوله ديل ماما وبابا معقول ديل اخواني يالله يارب ثبتني عمو عمر قاعد بقرا في قران قام جاء وبقي يقول لي ديل شهداء اوعك تبكي مسكني مع ماما زينب وفتح اول جثه يالله دا بابا حبيبي بعدما شفتو خلاص حيلي برد وبقيت ما قادره اقيف..ماما زينب فتحت الجثه التانيه وبقت حاضنه الجثه وبتبكي عرفت انو دي ماما ...قوموا ماما زينب وطلعوها بره عمو عمر جر لي كرسي وقعدني جنب ماما بقيت بس حاضنها يالله معقوله اكون حاضنه ماما وهي ما تحضني معقوله ياحبيبتي ياصديقة عمري انا تاني ما ح اشوفك يالله ياربي انا عمري ما افترقت عنهم ليه ما اخدتني معاهم ..موقف لايحسد عليهو احد واحساس مافي اي كلام بقدر يوصلو ليكم.. وللمره التاني اصحي والقي نفسي في المستشفي موصلين لي درب وسمر راقده جنب بقيت بحاول اتذكر، اتذكرت منظر الجثث واخر حاجه كنت حاضنه ماما.. فكيت الدرب وبقيت بصرخ سمر صحت بصواريخي و جرت نادت الدكتور وجات بوراهو ماما زينب..
ماما زينب: ماممكن يامريم تكوني كدا لو استمريتي كدا مافي حل غير يدوك حقنه منومه تاني خلي ايمانك قوي ، هسي هم محتاجين لينا ندعي ليهم،و انتي اكتر واحده هم محتاجين لدعاك.رجعوني البيت وجابو لي شيخه قران بقت بتقرا لي حتي انا فعلا رقت حبه وبقيت ببكي مع الناس

الليله تاني يوم للبكاء لكن الناس بتتونس وبتضحك وبتاكل والمستلمه البيت خالتو مني ولا حتي حاولت تصتنع الحزن قدامي انا بقيت ما طايقه زول بس قاعده في الاوضه معاي ماما زينب وسمر وصحباتي بمشوا وبجوني حبوبه تعبت ورقدوها في المستشفي..

الليله الخامسه، ماما زينب جابت شيخه تعمل ختمه قران اصلو ما فارقتن هي وسمر حبوبه طلعوها لكن بقت ما بتتكلم مع زول بس ماسكه سبحتها وبتبكي.
حادث ناس بابا دا كان حدث هز كل الخرطوم لانو المركب دي اتوفي فيها كمية من الدكاتره الكانو مشهورين ب انسانيتهم وحبهم لمساعده الغير عشان كدا الحدث دا اتداولتو كل وسائل الاعلام جو كتير من الصحفيين عشان يقابلونا ويكتبوا تفاصيل عن حياة ماما وبابا الموضوع دا ضايقني جدا لانو ما كان عندي رغبة اتكلم عن حاجه والوجع الجواي مكفيني وزايد.. الحسم الموضوع دا عمو عمر بعد كل الصحافه عننا
اما ناس عمو يوسف بقوا قاعدين رسمي وشعبي هو واولادو، بعد اسبوع البيت بقي يفضي شويه شويه ..عمو يوسف واولادو وخالتو مني في ضحكهم وونستهم ذي كأنهم الناس الماتو ديل ما شافوهم قبل كدا..انا كنت بس بعاين ليهم وما هاميني البعملو فيهو دا خلاص بطني طمت منهم.. ماما زينب كلو يوم بتجي تمر علي وسمر شبه قاعده معاي بترجع بيتهم بس تنوم وبتجيني من الصباح.. انا بس قافله علي ا باز کردن / نظر دهید

2017-10-03 13:28:46 #مريم

الحلقة الثامنة:

انا وصلت تامن وجبت نسبه عاليه وكان هديه ماما وبابا لي لاني بحب الرسم والديكور وجايطه ليهم البيت انهم اشتروا شقه جنب بيت عمو عمر سجلوها ب اسمي وعملوها لي مرسم وطبعا انا والتيمان سكنا هناك سكنه..التيمان ديل ماعندهم علاقه بالرسم لكن بعشقوا الموسيقي وعاملين ازعاج ما ليهو اخر في البيت عشان كدا عملو ليهم اوضه كاتم صوت وبقينا طول ما ماما وبابا في الشغل نحن قاعدين في الشقه دي اي زول في جوطتو..انا معديها رسم وسمر بما الشقه في شارعهم كانت ساكنه معانا رسمي هي ومحمد اخوها هي عامله فيها مصممه ازياء ومحمد اتلم مع التيمان وعامل فيها فنان بالجد كانت احلي ايام ولاننا كنا في اجازه طويله معظم يومنا مقضينو في الشقه دي هي كانت 4 غرف.. غرفه للمرسم واحده بتاعت موسيقي وماما وبابا فرشوا باقي الغرفتين غرفه ليهم وغرفه للتيمان واساسا انا الغرفه الفيها المرسم كبيره عاملين لي كنبه كبيره كنت برقد فيها مرات كتيره كنا بنبيت فيها بقت عالمنا الخاص البنمارس فيهو هوايتنا حتي ماما وبابا بقوا متعودين عليها وعلي اللمه الحلوه البتحصل لانها قريبه من عمو عمر لما نكون بايتين فيها ماما زينب وعمو عمر بجوا طوالي نتعشي مع بعض واخر ونسه وضحك.

مرت السنين وماما اهلها لسه مقاطعنها بالرغم من محاولاتها هي وبابا انو يحسنو العلاقات.. سافرت كم مره مؤتمر تركيا وكان بتزورهم بس جدو كان عنيد جدا وحبوبه قابلتها مرتين من غير علم جدو اي نعم ما راضيه لكن قلب الام ..ماما حكت عليها عننا لكن برضو تاني بقي مافي تواصل بينهم.
انا الليله كان اخر يوم لي في الامتحانات امتحنت IG الهي الشهاده الثانويه الانجليزيه بقيت بت كبيره وماما وبابا كانو بوعوا فيني كيف انو استفيد من تجربتهم بتاعت الطب في لندن وكانوا واثقين من اني ح اجيب نسبه تدخلني احسن جامعه في لندن لانو مستواي كان ممتاز وهم اجتهدوا معاي جدا وثقتهم فيني دي هي الكان مصدر قوتي وكانو مستنين نتيجتي بفارق الصبر ..وبمناسبه اخر يوم في الامتحانات بابا كان عازمنا كلنا بر كلم حبوبه وعمو يوسف واولادو وعمو عمر واولادو كانت لمه حلوه مع انو خالتو مني واولادها لا يطاقو ، علي الولد الكبيردخل الجامعه بالتلتله ومشهور بقصصو انو بتاع بنات وما ليهو في الجامعه والتيمان بالرغم م انو مستواهم كان كويس لكن التفكك الاسري العايشنو اثر عليهم ورفضو القرايه بعد سنه ثامنه واشتغلوا مع ابوهم في السوق وبقوا نسخه منو
انتهت الليله بخيرها وشرها ونحن في الطريق اتصل راجل الجيران علي بابا وقال ليهو في حراميه نطو في بيتنا وهم بلغوا الشرطه وصلنا بيتنا لقينا عربيه ال 999 والجوطه والجيران ملمومين المهم ما لحقوا يسرقوا شي وهربوا قبل ما الشرطه تجي.. ماما حلفت ما تبيت في البيت الا بابا يجيب بتاع سكيورتي ويعلي حيطه الشارع لانها واطيه ..دخلنا البيت ماما فضت الخزنه الفي البيت كانت فيها دهبها كلو واوراق وحبه قروش بختوها احتياطي في البيت مشينا الشقه مسمينها مريم غاليري � ماما ختت الدهب والقروش والاوراق في غرفتهم في المخزن بتاع سريرهم .. الكلام دا كان يوم الخميس بليل قالت لبابا يوم الاحد تمشي تاجر خزنه في البنك وتخت الحاجات دي فيها المهم الحاالشركه برمجنا بيها باقي الليل وتاني يوم كان الجمعه اجباري الفطور مع حبوبه بابا كان محافظ علي عادات جدو وما غيرها.
بعد الفطور عمو يوسف قال لبابا التوكيل جاهز بابا قال ليهو ايوه عم عثمان كلمني امبارح انو عملو بابا مضي علي الورق سريع سريع ونحن واقفين وطوالي طلعنا...ما كنا عارفين دا شنو ونحن في الشارع بابا حكي لماما انو دا بيت الخرطوم2 يوسف داير يبيع البيت محتاج لسيوله في الشركه ولما لقيت امي واقفه معاهو ما حبيت اعترض وخصوصا اني مامحتاج لقروش عشان كدا عملت ليهم تنازل من نصيبي ماما ابدا ما اعترضت وقالت ليهو ان شاءالله بس ما يضيع القروش ذي القبلها وانتهي الحوار علي كدا
رجعنا الشقه وبابا والتيمان مشوا الجامع لصلاة الجمعه بعدما رجعوا لبسو وطلعوا كلهم ، بابا وماما عندهم صديقتهم دكتوره كانت عازمهم رحله نيليه غداء والتيمان اصروا يمشوا معاهم انا كان عندي احتفال في المدرسه بمناسبه انتهاء الامتحانات عشان كدا ما مشيت معاهم عمو عمر جاء ساقني انا وسمر ودانا المدرسه للاحتفال

إلى اللقاء في الحلقه القادمة باز کردن / نظر دهید

2017-10-03 13:26:08 #مريم

الحلقة السابعة:

استقرينا رسميا في السودان كنا كل سنه بنمشي لندن ضمن الاجازه.. ماما وبابا من اول ما نزلنا بدوا شغلهم وبقي عندهم اسمهم في السودان ومن اشطر الدكاتره ومتفاهمين جدا.. انا واخواني عشنا في جو بتاع حب وحنيه وبنخاف علي بعض بيتنا كان عباره عن راحه نفسيه للكل حتي جدو بقي معصور علينا شديد ومن الشغل كل يوم بابا بغشاهو يجي يتغدي معانا ويتونس حتي بعد داك يمشي البيت حبوبه ما محتكه بينا بتختصرنا انا واخواني دايما لكن علاقتها مع بابا حلوه جدا و بابا لما يوصل جدو بدخل بسلم عليها وياخد قعدتو معها
نحن كنا بنمشي البيت الكبير يوم الجمعه بس.. جدو مابفطر لو ما اتلمينا كلنا حواليهو مني ما لاقيه طريقه تعمل مع ماما مشاكل لانو ماما ماادتها فرغه لي اي احتكاك ماما حياتها كلها مكرسها لينا ولبابا ولشغلها وما محتكه الا ب عمو عمر وماما زينب متذكرينهم ؟؟؟
ديل اطيب ناس بعد جدو انا عرفتهم عمو عمر صديق بابا الانتيم قروا من الابتدائي للثانوي مع بعض افترقوا للجامعه بس.. عمو عمر قرا اداره اعمال في جامعه الخرطوم وسافر حضر في امريكا عندهم سمر ومحمد سمر من نفس عمري تقريبا فرقنا شهور ومحمد اصغر مننا ب 3 سنين

ماما زينب بت اهلو لعمو عمر وجمعتهم قصه حب من الثانوي.. وعرسوا بعد ماما وبابا بسنه وبالجد ناس كدا مافي زيهم هم ساكنين في الرياض لكن دخلونا كلنا في مدرسه واحده عشان كدا علاقتي بسمر قويه جدا.. بس سمر بتقرا منهج السوداني وحتمتحن شهاده سودانيه وانا بقرا منهج بريطاني وحمتحن شهاده انجليزيه.. ماما وبابا كان حلمهم انا اقرا في لندن وابقي دكتور زيهم.

بعدما تمينا 3 سنين في السودان جدو اتوفي الله يرحمو وخلق فراغ كبير لينا... وجدو كان راجل حكيم وكتب وصيتو بكل حكمه عشان ماتحصل مشاكل من بعدو.. البيت الكبير اصلا ب اسم حبوبه وقرر انو املاكو تتوزع بالشرع بعد وفاتو مباشره لكن ما تحصل اي شراكه بين يوسف وبابا

فعلا دا الحصل بالنسبه للشركه بابا اتنازل لعمو عشان اصلا هو دا ما مجالو وبالمقابل بابا اخد نصيبو قروش بعدما باعوا باقي القطع والبيوت الخاليها ليهم جدو في بيت واحد بس في الخرطوم2 دا الما باعو ولا قسمو لانو دا كان موجر لشركه وقروش الايجار كانت دي هي مصاريف البيت الكبير من زمن جدو..لما عمو يوسف قال البيت دا ما يتباع بابا وافق طوالي عشان تكون دي مصاريف حبوبه

بابا بنصيبو اشترك هو وعمو عمر وعملو مستشفي وكمان برضو عملوا فندق بابا كان مسؤل من النواحي الطبيه هو وماما، وعمو عمر هو الماسك الاداره وداير الشغل كلو والحمدلله امورهم ظابطه جدا وشراكتهم ماشه فل الفل ومافيهم زول طمع في حق التاني بالعكس كانو متفقين وباربحهم بطوروا في شغلهم واي واحد فيهم عمل ليهو كم استثمار تاني حاجات انا ماكنت عارفها عرفتها موخرا
في المقابل عمو يوسف امورو ماشه بالعكس الشركه كل يوم ماشه في خسائر ،و ضيع تعب وجهد جدو العملو في سنين بتهورو وكل مره يبيع حاجه ومافضل ليهو غير بيت حبوبه الكبير والبيت الموجر وحبوبه صارفه عليهم وبكدا مني بقت حقدها علينا زايد كل مره

إلى اللقاء في الحلقه القادمة باز کردن / نظر دهید

2017-10-03 13:23:37 #مريم

الحلقه السادسة

بعد مرور سنتين من زواج بابا وماما ظهرت انا علي وش الدنيا �وكان فرحه ماما وبابا ما بتتوصف لانو بكدا حسوا بحبهم قوي اكتر وانهم كان محتاجين للجو الاسري بسبب بعدهم من اهلهم
خلال السنتين دي اهل ماما رفضتو اي تواصل بينا وبيهم وانا كنت الحاجه القدرت تخفف عليها رفض اهلها ليها.
اما في السودان كانت جدو عامل ضجه بقدوم اول حفيده بت ليهو لانو عمو يوسف عندو ثلاثه اولاد علي الكبير وحسن وحسين التوام لحدي الوقت دا حبوبه ومني ما لاقين فرصه في ماما لانو ماما ما استقرت في السودان كانت بتجي هي وبابا اجازه بالكتير شهروكانت متجنبه مني نهائيا اي نعم بنزلو في البيت الكبير لكن عندهم جناحهم الخاص بيهم.. وجدو ما كان مدي لحبوبه فرصه ل اي حاجه وكمان ماما كانت بتحترم حبوبه جدا وحبوبه ما لاقيه حاجه تمسكها علي ماما.
فضل الحال دا علي كدا وبعد 4 سنين ماما جابت توام ولدين احمد وامجد وبعدما تموا سنتين جدو مرضو كتر وبابا قرر انو ينزل السودان يستقر عشان يكون قريب من جدو
نزلنا السودان وجدو فرح فرح ماعادي قعدنا شهر في البيت الكبير وبعد داك رحلنا بيتنا طوالي الهو في المنشية في نفس الحي بتاع بيت جدو اساسا جدو اشتري الارض دي من بدري وقسمها النص بينا وبينا عمو يوسف وبني لكل واحده فيهم فيلا طبق الاصل وسجل لي اي زول ب اسمو.. جدو كان ضد انو يسجل حاجه ب اسم اولادو وقال الورثه تتوزع حسب ما ربنا امر بس الفلل دي كانت بمثابه هدية الزواج ل اولادو... طبعا مني موضوع الفلل دا ما كانت عارفهو ولانها كانت مستقله عمو يوسف وبتقلع منو القروش اول ب اول ، حبوبه وجدو ما وروها بالحاجه دي لانها اساسا مستقره ومستلمه البيت الكبير هي واولادها ولما نحن رحلنا بيتن هي النار ولعت فيها وعملت مشكله للرب سماء وحبوبه وجدو ياداب وروها بانو البيت اللصقنا بتاع عمو يوسف عشان تهدا لانو جدو بقي ما حمل جوطه ومشاكل وكفايه عليهو يوسف الجايط ليهو الشغل
بس مني فرحتها ماتمت لانو عمو يوسف فاجأ الكل انو باع البيت دا اول ماعرس دخل في مشروع مع صحبو وصحبو غدر بيهو ..جدو الموضوع كان بالنسبه ليهو عادي لانو عارفو متهور لكن مني بقت ذي الكلبه السعرانه وبقت تشوف العمي ولا تشوفنا نحن

الى اللقاء في الحلقة القادمة

https://telegram.me/E3zazyat باز کردن / نظر دهید

2017-10-02 13:30:41 #مريم

الحلقه الخامسة

اما في تركيا الحال كان اسوأ من ما في السودان.. اسره ماما اسره تركيه عريقه جدا وعندهم عادات وتقاليد وممنوع يتزوجوا من بره العائله جدو احمد اوغلو رأس مالي كبير وحبوبه ناهد اوغلو من نفس عائلتو عندو ولد وبتين اصغرهم فرح مدللة العيله لكن خبر زواجها خلق مشكله كبيره وجدو وحبوبه رفضو رفضا باتا وجدو هددها لو عارضتو حيمنعها من الجامعه وحيعرس ليها ود عمها الاساسا معروف هم لبعض من زمان

الخبر نزل علي بابا ذي الصاقعه واتاثر جدا لما مرض وماحكي لزول غير لجدو وجدو حنا عليهو جدا لما شاف حبو لفرح قدر شنو وانو كيف اتاثر لدرجه انو مرض ،واقنع بابا انو يخلي فرح ما تعارض اهلها عشان ما يمنعوها تتم الجامعه وتوافق تتخطب ل ود عمها لحدي ما يلقوا حل للمشكله دي
فعلا بابا اقنع ماما بالكلام دا عشان علي الاقل يقدر يتلاقوا في لندن تاني ويكملوا جامعتهم لحدي ما يحلوا مشكلتهم وفعلا دا الحصل..

بعد إجازتهم انتهت رجعوا جامعتهم وبعد نقاشات بينهم وصلوا لقرار انهم حيعرسوا ويختوا اهل ماما امام الامر الواقع لانو مافي حل غير كدا.. وضربوا كلموا جدو النصري جدو الطريقه ماكانت عجباهو لكن كان بفكر في مصلحه ولدو فقام قال ليهم ماتعرسوا في لندن تجوا السودان وانا ح اعمل ليكم احسن عرس مادام كدا كدا حتعرسوا وخططوا مع جدو انهم في اجازه السمستر يجوا السودان عشان يعملوا العرس ..وفعلا دا الحصل وحبوبه طبعا الكلام بتاع رفض اهل فرح دا ماكانت عارفاهو هي ياداب لمن عرفت انو اهل فرح مرطبين لقت ليها حاجه تتبوبر بيها قدام الناس وصنت شويه المهم جدو عمل لبابا وفرح عرس جميل جدا وحبوبه ماكان عايز تبين قدام الناس اي حاجه وعامله انها مبسوطه بالعرس.. اما مني الغيره عايزه تقتلها بالرغم من انها جابت ولد وهسي حامل في تيمان لكن برضو ماقدرت تنسي حقدها علي بابا وكان بتشيل وتتوعد انهم ما حتخليهم يتهنوا مع بعض
بابا وماما بعدما تمو اسبوع في السودان قرروا يسافروا تركيا يواجهو اهل ماما ويقعدو اسبوع في تركيا حتي يرجعوا لندن لجامعتهم ، وصلو تركيا وماما كانت حتموت من الخوف لكن بابا كان بقويها وصلو البيت ولما دخلوا الكل كان مصدوم من وجود بابا ولما ماما قالت ليهم اتزوجنا جدو قرب يقتلها وطردها من البيت وقال ليها من الليله انا اتبريت منك الكل ما كان رضيان لكن امها كانت حنينه وبتبكي علي بتها واختها واخوها كانو بحبوها جدا وماكان فارق معاهم فرح تزوج منو لكن مابقدرو علي جدو

ماما طلعت من بيتهم وهي كلها حزن حتي بابا كان متاثر وحاسس بالذنب قعدوا تاني يومين في تركيا ولما مالقوا تجاوب من اهل فرح رجعوا لندن وبمرور الايام وانشغالهم بقرايتهم بابا قدر يرجع لماما ابتسامتها ونساها كل المرت بيهو ووعدها بعد ما يتخرجوا يحاولو يصالحو العلاقات مع اهلها تاني

الى اللقاء في الحلقة القادمة باز کردن / نظر دهید

2017-10-02 13:20:30 #مريم

الحلقة الرابعة

بابا وصل لندن ونزل جامعتو واتعرف علي فرح الهي ماما �فرح بت جميله من اسره تركيه مسلمه هي وبابا كانو في نفس الدفعه نشاءت بينهم صداقه جميله لمده سنه وبعد كدا اتحولت صداقتهم لحب ، كانو سند لبعض في الغربه وطموحهم وطريقه تفكريهم المتشابهه خلتهم متفاهمين جدا وكانت علاقتهم مضرب المثل لكل الحوالينهم ولما وصلو سنتهم الاخيره في الجامعه قرروا انو يتزوجوا بعدما يتخرجوا ويستقروا في لندن ويواصلو تخصصهم ويحققو طموحاتهم الكلام دا كان في اجازه الجامعه المنها حينزلوا سنتهم الاخيره
اي واحد فيهم رجع لبلدو عشان يفاتح اهلو في موضوع العرس ويتموا مراسم زواجهم قبل ما ينزلو الجامعه
بابا لما رجع السودان وفاتح جدو وحبوبه ابدو اعتراضهم وخصوصا حبوبه قامت وقعدت وعملت عمايل لانها خاته ل بابا واحده في راسها الهي سماح بت جيرانهم بت صحبه حبوبه امها وحبوبه نفس المستوي والطبع والحركات ومخططين للعرس دا ليهم زمن وحبوبه نهائي ماكان عامله حساب انو بابا ممكن يحب واحده وكمان ما من بلدو
اما جدو رغم اعتراضو لكن كان زول متفاهم وبياخد وبدي في الكلام وبابا قدر ياثر عليهو لانو جدو وبابا علاقتهم حلوه شديد مع بعض وجدو في فتره بابا بقرا في الجامعه كان كل فتره وتانيه بسافر يطمن عليهو وعارف اصحاب بابا ومنهم كان بعرف فرح وكان معجب ب احترامها ومعرفتها بالدين والتزامها لكن برضو ماكان خاتي انو بابا يعرس تركيه..
المهم بعدما عرف انو بابا مصر علي فرح اقتنع وبقي واقف في صفو اما حبوبه نار وشعللت في البيت ومني كمان حقد منها كانت بتملا راس حبوبه ضر ل بابا كدا بس عشان ما حباها، لكن جدو حسم الفوضي وقعد اي زول في علبو ذي ما بقولوا ، وحبوبه بكدا وافقت بس خوفا من جدو لكن بينها وبين نفسها نهائي ماكان مقتنعه وبقي عندها خطط انو ما حتخلي الزواج دا يستمر كتير.

الى اللقاء في الحلقه القادمة باز کردن / نظر دهید

2017-10-02 13:09:13 #مريم

الحلقة الثالثة
انا مريم عمري 17 سنه عندي اخوين توام اصغر مني ب 4سنوات بابا اسمو محمد النصري دكتور مخ واعصاب.. وماما اسمها فرح احمد اوغلو دكتوره قلب ما تستغربو في كلمه اوغلو دي ايوه ماما تركيه مسلمه وحكايتها هي وبابا دي براها قصه في حد ذاتها
بابا من اسره مرموقه في الخرطوم ابوه رجل اعمال ناجح وامو بت عم ابوه اتزوجوا زواج تقليدي وجابو ولدين الكبير يوسف والاصغر محمد الهو ابوي ..عمو يوسف زول من صغير مابتاع قرايه ومدلع ياالله تم الثانوي ورفض الجامعه وطوالي جدو شغلو معاهو ولما حس بيهو طايش و ما مسئول عرس ليهو بت اخوه اسمها مني اتربت معاهم في البيت قال احتمال بعدما يعرس ويعمل اسره يعقل ويبقي قدر المسؤولية، لكن مني دي هي اساسا كان بتحب بابا وبابا ما كان عندو ليها شي..

بابا من يومو شاطر وبحب القرايه وكان مصدر فخر لجدو ، وامو بتتباهي بيهو في اي حته بمناسبه وبدون مناسبه، بابا اتولد في لندن بالصدفه جدو كان عندو شغل وحبوبه اصرت تسافر معاهو وكانت حامل في الثامن لما وصلت هناك تعبت ورقدت مستشفي والدكتور منعها من الحركه وولدوها اول ما دخلت التاسع.. وبابا بكدا اخد الجنسية البريطانيه وبعدما كبر حبوبه اصرت تدخلو مدارس نظام انجليزي نظام ولدها مولود في لندن وكدا.. المهم بابا كان ناجح في قرايتو وبعدما كبر وجاء وقت يخش الجامعه اصر انو يقرا طب في لندن وجدو واقف لانو واثق منو زول مسئول وبحب القرايه ، حبوبه الموضوع بالنسبه ليها كان موضوع فخر ما اكتر من كدا انها ام الدكتور خصوصا انو عمو يوسف ما دخل جامعه

بابا وعمو يوسف فرقهم 5 سنوات بابا حضر عرس اخوه علي مني واتوكل سافر للجامعه لكن مني بقي عندها كراهيه اتجاه بابا من ماعرست يوسف لانها كان نفسها تعرس بابا ولما جدو عرض عليها تعرس يوسف فكرت ولقت انو بابا ما معبرها واحسن ليها تعرس يوسف علي الاقل تضمن مستقبلها لانو القروش العند جدو النار ما بتاكلها عشان كدا وافقت وحبوبه ماكانت معترضه لانو عارف يوسف مامنو رجاء، اخير مني منهم وفيهم وعلي اقل مني اتربت علي يدها..مني عارفه مصلحتها كويس عارفه حبوبه مراه صعبه قالت اخير تكسبها تسمع كلامها وتسايرها لحدي ماتبقي الكل في الكل

الى اللقاء في الحلقه القادمة باز کردن / نظر دهید

2017-10-02 13:02:38 #مريم

الحلقه الثانية

صحيت علي صوت التلفون بضرب عاينت للساعه اتخلعت معقول انا نمت الوقت دا كلو رديت علي التلفون معقول بس يامريم تقلقينا كدا.
انا: معليش والله ياعمو عمر وصلت مرهقه وطوالي نمت واساسا الوقت كان متاخر وماحبيت ازعجكم .
عمو عمر: مافي مشكله يا مريم حمدلله علي سلامتك وخلي بالك من نفسك وفي اي لحظه محتاجه لي اي حاجه تضربي لي مافي حاجه اسمه وقت متاخر تاني
انا: حاضر ياعمو عمر اكيد ح اعمل كدا .
عمو عمر: هاك خالتك زينب عايزه تتكلم معاك.
انا: ماما زينب حبيبتي والله انا كويسه عارفها خايفه علي ماعايزه اديها فرصه تقلق علي واشيلها همي اكتر من ماهي شايلاهو
ماما زينب: طيب حبيبتي خلي بالك من نفسك ولازم كل يوم تدخلي بمكالمه فيديو عشان اطمئن عليك.
انا: حاضر يا ماما زينب من عيوني.. سمر خطفت منها التلفون يا زفته والله اشتقت ليك شديد قطعتي لي راسي وبدت تنق هسي كان في داعي تسافري قبل الجامعه ب اسبوعين اساسا متعوده علي نقه سمر خليتها تمت نقتها قفلت منها مشيت استحميت وصليت ونزلت تحت كان الوقت وقت غداء مشيت اكلت ورجعت غرفتي طوالي
حاسه روحي مخنوقه نفسي اصرخ نفسي اتنفس شويه نفسي افضفض الجواي قمت طلعت دفتر من شنطتي وقررت اكتب ايوه اكتب عشان اتنفس شويه واحكي ليكم قصتي ايوه احكي ليكم انتو انتو الناس الما بتعرفوني ولا انا بعرفكم ماداير احكي لزول بعرفو لاني اطعنت من اقرب الناس لي في عز وجعي
انا مريم البت الحياتي اتغيرت 360 درجه في ثواني مريم العمرها ماشالت هم حاجه وهسي بقت شايله هم نفسها براها مريم البقت وحيده في لحظات بعدما كانت عايشه في وسط عائلة اقل ما يقال عنها عائلة مترابطه محبه لبعضها ما بتعرف فيها منو الابو ومنو الام عائلة كل افرادها اصحاب بعض وكل حنيه الدنيا دي فيهم اااااه اللهم لا اسالك رد القضاء ولكن أسألك اللطف فيه

الى اللقاء في الحلقه القادمة باز کردن / نظر دهید