2020-09-20 10:20:33
[ ماميت ] 1442
ماميت الذبحوك ميتين
يالمن ذهب وناس من طين
الحرية بسمك طالعه .. يارحمة الله الواسعه
ــــــــــــــــــــــــــــــــــــــــــــــــــــــــــــــــ
ماميت او عايش تضل .. تترَفع بخُلودك
وإلي احرگوا خيمة ستر .. حارگهم ابوجودك
يلي على رمضه طحت .. ماخلصت سِجودك
يالمستحلهم بالصبر .. ما وصلوا الحدودك
تعيش افكرهم دفعت الباب
وانته بضميرك صمت ابو تراب
بدمك عَرشهم قالعه .. يارحمة الله الواسعه
ــــــــــــــــــــــــــــــــــــــــــــــــــــــــــــــــ
كل ضنهم ابگطع النحر .. كلشي انتها ابمماتك
شگد غشمه لا ماحسبوا .. و ابموتتك حياتك
يلأذنة فوگ الرمح .. فوگ الرمح صلاتك
انته الخُسين الحيدري .. من طه كل صفاتك
رب العرش من تَمم الدين
خله الشفاء ابتربت اِحسين
خل تسمع الماسامعه .. يارحمة الله الواسعه
ــــــــــــــــــــــــــــــــــــــــــــــــــــــــــــــــ
يارحمة الله الواسه .. وبابَ نجاة الإمه
ياطلسم بعين المجد .. محد گدر يفهمه
كل الحافر بصدك محي .. لاكن بقيت القمه
كل همهم يعود الصنم .. وكسر الصنم كل ههمه
رادوا ابذبحك رجعت ألات
لاكن صحت للذله هيهات
مدحور كلمن راجعه .. يارحمة الله الواسعه
ــــــــــــــــــــــــــــــــــــــــــــــــــــــــــــــــ
وياك خطينه العهد .. من الرحم والاصلاب
من بعد فرزخ سيدي .. نشتم هوئ الحضرة الهاب
مو كل خشب نگصد .. بابك فلا رد طلاب
الهاذه للسبب هايم انا .. وللمارضه هواي اسباب
انه بخصالك عقلي مفتون
و البشر خلها شمايگولون
كاس المواجع جارعه .. يارحمة الله الواسعه
ــــــــــــــــــــــــــــــــــــــــــــــــــــــــــــــــ
ما ماشي اني بأي درب ..بس دربك الماشيته
كل شي اليخص بالگلب .. عن الاهل ضميته
يحسين يانبض عشگ .. و أول محب حبيته
أنته الوحيد ابهل البشر .. و سط الگلب خليته
اشمادارت الدنيه يمحبوب
انته الوحيد الوسط الگلوب
كل اليضدك رادعه .. يارحمة الله الواسعه
احمد سلمان السعيدي
ــــــــــــــــــــــــــــــــــــــــــــــــــــــــــــــــ
573 viewsedited 07:20
ا
