زفوني ابملابس موت واهل الموت رادوني وانه البس عليه ايلوگ ثوب المای والعفه اوشرف متروس لعیونی جبان المایرید ایعیش بین الوادم ابغیره.... حرامی الباگ دیرتنا سیاسی اویعرف السیره.... حرامی اویندل الدیره..... بیت الملک لمن طاح من ذلت نواطیره...... دین الله علیمن هیچ بلله امشبگ ابحبلین..... مایحتای اسولف وین هوه الزین یعرف زين اسولف وین .... ........... انه اوروحی متصافین بس الخالف السانی.... اشمگله اصبر علیهم گال همه اعیال واحد کض گفه الثانی..... یرید ابصوتي اسولف کون کلشی العنده ویگوله...... وانه اسکت من الیدرون ویگولون عنی افکاره مجهوله...... راحت روحی بس الموت والموت انگلب بلوه... مرض واتراب گاع الله الگبل تزهی او غدت شلوه..... لو چیلت اخو التفاگ تفاگ الیهد ویهدم الخوه..... ............ طاح اکتاب الله ابدیرت العمیان یاهو الیگعد ایفسره... انسحگ کلشی ابسلفنه الیوم حتی اشوارب الفقره.... الوكت خله الكديش ايگول انه او انه ونشوفه.... حتی النهر لو ینباع باعه اوهدم اجروفه.... باع النخل والفلاح والبستان بی صارت الف خوفه.. ............. المبادء والقیم عد ناس قله او طاحو ابچف ناس.... تحچی ابغیرت العباس بس ماتعرف العباس..... الجاهل سهله جاهل هذا بلوه الیعرف ویحرف..... والاکثر سدر بلدیوان گاعد علجمع یشرف...... مشت حمدتنه واحمیدان وامضیف الشهم سلمان..... هسه امطیره ظلت عود تحرص گمگم الدیوان.... سعیدابشاره العموری2021........... 582 views21:32
