#بعد_خيبة ولمن عزيز علينا يطعنا بنقع بعديها طوالي من غير ما | ✍ٲدمــ Edmanــﮩـاڼﮨ💝
#بعد_خيبة
ولمن عزيز علينا يطعنا بنقع بعديها طوالي من غير ما نقبل ونعرف هو منو لانو شده الألم بتكون واضحه ومعروفه من الناس القراب علينا ، من الناس الوثقنا فيهم وأديناهم كل إهتمامنا ، بس ياهم زاتهم القلنا عليهم إنهم أغلي حاجه عندنا ومستحيل يتغيرو ، عمينا على عيونا وعلى أغلاطهم لأنهم هم... كانو الجزء الحلو في حياتنا ، يااخ كلمه كانو دي زاته ما خيبة ، كانو ويا ريت لو ما اتغيرو وما عملتو فينا كل دا ، لانو الخيبه منهم بتغيرنا انحنا كمان ، شوف نفسك انت اتغيرته لي اي درجه ، بارد ، وما بفرق معاك شئ ، حتي الناس بقيت بتبعد عنهم عشان الخيبة ما تتكرر.. وبتبقي الخيبة خوف ، خوف من انك تدي ثقتك تاني ، وخوف من العلاقات ، من حاجات كتيرة الزول بمنع نفسو منها لانو ب الجد ما بقدر يعيش نفس الشعور مرتين.. حاجه كدا بتموت فينا بتقتل اي رغبه جوانا ، اي ضحكة واي شئ حلو في حياتنا بتتشوه ، وبنبقي باقي حياتنا بنفتش في نفسنا الضاعت وبنتخبط .. بنتوه وما بنلقانا ~ وتبقي الخيبه ضياع ~ وبعديها بتحاول ترجع لي نفسك الفقدتها بتحاول ترجعا ليك ، بتحاول انك تكون انت قبل ما تطعن ، اول ما تقوم وتبدأ أول خطوه ياها دي الصعبه ولو إتخطيتها الباقي ببقي هين..بس إنت كيف تتخطاها ، كيف تنسى وتجدع اي شئ وتتعافى وكيف بتقدر تنسى العملو فيك مع انو ما بتنسى بس بنحاول نكذب على نفسنا.. يااخ انتو ما خليتو فينا حاجه ضيعتونا وما عارف كيف مواصل حياتك يااخ انا حتي خايف عليك انو الدنيا دي ترجعا ليك على أوجع ، حتبقي الحكاية مسألة وقت ، وقت عشان تنسى ومع انك ما حتنسى ، ووقت عشان الجرح يطيب ، ووقت تااني عشان تقدر تسامحهم وتسامح نفسك ، مسألة وقت وما كل شئ حيرجع لي مكانو ، حتتغير فيك حاجات ، بس بتكون قوى ، وبتتحمل اي صدمة تانية بتتحمل وبتتعلم تداوى نفسك ، انت قوي حتي وانت مجروح وحتي وانت بتحاول ، انت قوي لانك متحمل ولسه حتتحمل ما دي الحياه اصلا كدا ° خليك بخير وما توري جروحك لي زول ، لانو حيضغط عليها ويزيدا ليك وإنت الفيك كتير
