روايــات ادرينالين ♥😍💖🔥

2019-10-16 18:34:48 #مجنوني26
الاخييييييرة
بقلم:فاطمة ابراهيم

طول الطريق وانا ببكي على قدر ما بتناقش معاهم بحبهم يوووخ امي انتي بتستهبلي الببكي شنو وانتي بكرة تطلعي كمان
سجمي يعني امي فاكراني ببكي اشان بأيرة جبتبها وارمة يا أمي
ابوي أي الله يعين صاحب النصيب
وقفتا من البكا يعينو على شنو يا ابوي
مجتبى يعينو على الجنان والتصرفات الطفولية
مجنون انت يا سجم
مازن اصلو ما فتح خشمو غريبة ما من عوايدو عيان ولى شنو وصلنا البيت لا أتكلم معاي لإ قال شي طلعت غرفتي لا اتصل أو رسل في الواتس وانا بقيت ما قادرة انوم ارسل ما برد لي وما قاعد نتصادف نهائي وانا الفار بدأ يلعب في عبي ياربي بكون ما بحبني يالله عملت شنو انا ثلاثة يوم لا سال لا أتكلم معاي وانا عيوني ما جفت نهائي وما بأكل زي الناس وطول الوقت بفكر فيهو وسمعت انو هيسافر بعد شهر جنيف وانا دخلت في حالة شبه نفسية وما لاقية زول افضف ليهو ومجتبى مشغول مع بحث التخرج ابوي بطلع الدوام من الصباح يا حليلك يا فدوى
يوم قاعدة في الغرفة وقافلة علي الباب
امي توونة افتحي الباب عايزاك في موضوع
موضوع وسريع فتحت الباب
امي انتي عارفة انك حبيبة أمك وابوك وعارفة انو البت مهما كان غلاوتها عند أهلها لابد من تأسس بيت براها
سجمي امي احكي بدون الغاظ في شنو
امي مازن أتقدم لابوك واهنا وافقنا وحارسين ردك
ياخ ما مصدقة وأي هطير من الفرح
امي اقول مبروك
وانا ساكنة على أساس اني خجلانة
امي مبروك وحضنتني
عدت الأيام وحدود للعرس وفدوى وحسام وشذى وشهاب كلهم رجعو من شهر العسل
يومي بتتكلم انا ومازن بالساعات
لحد ما جاء يوم العرس وكان أحلى يوم بعمري وانا في الكوافير
مازن مجنونتي مشتاق ليكي
انا هانت كلها ساعات وشوقك يخلص
مازن انا شوقي ليك طول العمر ما بيخلص ربنا يخليكي لي واسعدك
ويخليك لي
للآن ما قلت بحبك أو أي كلمة غيرها ليهو بس هانت شأن اطلع الجواي
وجات الساعة 8 وطلعت عسل انا ما مصدقة روحي ياخ ولا مازن اححححي انا من حبيبي طلع قرررررض ياخ واتزفينا أحلى زفة حتى أحلى من حق فدوى وحسام كانت زيجة مميزة وكل أهل مازن جو من الرياض حضرو العرس
شهر العسل مشينا جزر المالديف ياخ دا حلم عمري
ونزلنا في فندوق فخم مجرد ما وصلنا اتكرفست زي الورقة مازن جاء قعد جنبي ومسك أيدي اوعديني يا توونة ما تخليني في يوم ومهما اتناقشنا نكون مع بعض وما هتزعليني
صراحة من نهاية الزعل ما بوعدك
مازن عايز يحضني دموعي جرت مسح لي الدموع بحبك مجنونتي وبحب دموعك وكل شي فيك
وانا بعشقك مجنوني صراحة ما عارفة قلتها كيف المهم قلتها وخلاص
عايزين تعرفو حصل للباقي شنو
شذى وحسام جابو يوسف الصغير وعايشين مع امي وابوي وحبوبة جات قعدت معاهم
اما فدوى وشهاب جابو بنوتة تقول للقمر أنزل وانا اقعد محلك وساكنة في الطائف
ونسمة اتزوجت خطيبها ومجتبى اتخرج بجيد جدا وخطب اسيل

كفاية ياخ نرجع لروحنا انا ومجنوني جبنا بنوتة قرررررض وسميناها فاتن ومجنوني يومي بزيد اهتمامو وفاتن اتعلمت جننا وحارمانا النوووم فديتك يا صغنونتي واستقرينا في جنيف مع الأهبل أقصد باقي عمري مجنوني ..........
مع السلامة مع تحياتي باز کردن / نظر دهید

2019-10-16 18:34:38 #مجنوني25
قبل الاخييييرة
بقلم:فاطمة ابراهيم

ووصلنا الخرطوم متأخرين لمن نمت في العربية مازن يا جدادة انتي اصحي قربنا فتحت عيوني لقيت نفسنا في الخرطوم سجمي متين وصلنا
مجتبى وانتي فاضية اشان تعرفي عاينت ليهو بس وسكتا ما فيني حيل ارد ليهو وصلنا البيت قريب للصباح اتصدمت دخلت البيت ماشاءالله جنس ناس نايمة طوالي راجعة عايزة اطلع حسام ماشة وين يا بت ماشة بيتنا مجتبى حمار النوم شالها خلوها تمشي عليكم الله ونفتشها الصباح شبه صاحية ونايمة وما قادرة ارد مازن بضحك بأعلى حس عندو يوم ما سمعتو بضحك بالطريقة دي غايتووو لكن عجبني ياخ حسيتو ضحك من قلبو على جوطتهم امي صحت حمدالله وصلتو متين زي ما شايفين البيت ملان اتصرفو ودي مالها ماسكنها كدا مجتبى شالها حمار النوم وقالت إلا تطلع تمش بيتهم بس عليهو غير الشماتة ما عندو شي امي سندتني وطلعتني غرفة فدوى الظاهر غرفتي ملانة واتجدعت كراع في السرير كراع في وش فدوى صحيت الصباح على صوت فدوى يا عواليق لمي رجليك ديل من وشي وما تنسي انا عروس واليوم عرسي رفعت راسي عاينت لها يعني شنو لو عرسك لزتني وقامت نزلت البيت جايط ومليان ضيوف ولبسنا وطلعنا انا وفدوى اشان نمش بيت ناس نسمة وشذى برضو هناك اتصلت لمازن مازن يا اهلين بمجنونة قلبي تصدقي مشتاقة ليك احححححي يا قلبي عندي كلام كتير بس الوقت ماف بطل غزل هسا وتعال لينا بالعربية بالباب الخلفي انا وفدوى منتظرين شأن توصلنا بيت ناس نسمة مازن طيب مسافة السكة جاء ركبنا ووصلنا وطول الطريق بعاين لي بمراية العربية شايفاهو بس عاملة رايحة وفي بيت ناس نسمة لقيت شذى نايمة ولا جايبة خبر الدنيا يا عفنة الناس مشغولة شأن عرسكم وانتي بتشخري شذى لازم اشخر واحسس نفسي ملكة ليوم ياخ ونسمة تخدم فيهن ساي وانا بقيت الثلاثة صراحة هلكانة وما بقدر اساعدها مرت الساعات كأنها ثواني ومشينا الكوافير كانو حاجزين في نفس الكوافير فدوى اسلامي وشذى مفتوح وبدو ليهم الاثنين في وقت واحد اشان لازم ثمانية يكونو الاثنين جاهزين وانا ونسمة بنتونس ولبسنا سوا عدا اليوم وما حسينا بحاجة لغاية ثمانية جات جنس عربات وصفافير من الكوافير لغاية ما وصلنا الصالة الصالة تسوي كدا من الزينة والإضاءة ومجتبى جايب الجيش حقو وكلهم لابسين طقم طلعو حلوين بجد والفنان طه يالله ياخ فرحت اكتر من العرسان ورقصت رقيص لمن الله غفر لي الحفلة انتهت والجرتك برضها كانت في الصالة وما هيرجعو البيت لانو كل ناس البيت في الصالة حتى حبوبة مرة ابكي ومرة اضحك ومشينا كلنا المطار اشان نودعهم لأنهم كانو حاجزين لشهر العسل حسام وشذى ماليزيا وفدوى وشهاب دبي بعد بكاي دا كلو ما نسيت جني اسمع هنا يا شهاب تزعل البت دي ما هيحصل ليك كويس شهاب بشيلها في نن العين وانتي يا رمة اوعي تزعلي اخوي شذى وانا ما بتعرفيني اخوك بس صاح وحضنتها وبديت ابكي وعاينت لحسام أوع تفكر تزعل صحبتي وبس سمعت صوت المضيفة البتفول التوجه إلى صالة المغادرة مبسوطة ليهم ودموعي جاريات لمن غادرت الطيارة واهنا في المطار مسكت حبوبة وبكيت جنس بكا لهسى ما عارفة انا بكيت بالطريقة ديك ليه وكلنا اتحركنا على البيت. ... باز کردن / نظر دهید

2019-10-16 18:34:28 #مجنوني24
بقلم:فاطمة ابراهيم

امي جد كويس والله ان شاءالله نفرح بيك قريب مازن أن شالله يا عمتو وشغال يعاين لي ساي وانا اتوترت على الآخر وبقيت أكل ضفوري صعبة ياخ مجتبى عقبال نتخارج من المجنونة دي موووتخلف مجنون انت وكمان بس قاعدة ليك في البيت دا زي شوكة السمكة لا تقدر تبلعها لا تقدر تطلعها مجتبى على الأقل تشتغلي حبشية لينا في البيت رفع ضغطي صراحة امي وعايزة ابكي الدموع دي ما عارفها بخليها متين ومازن يعاين ساي حسام دا ما زمنكم هسا بكرة لازم نمشي السوق بدري كلمي فدوى يا توونة انا كلمت شذى ما مهم يا سجم دا كلو عشان عايز تعرس تتفرعن علينا هانت اصلا وتخارجنا طيب هكلمها وطلعت عروسة الموسسم وفدوى تضحك لآخر ضرس اجلي لي ضحكك دا هسا بكرة ماشين السوق شأن تشترو الشنط انتي وشذى وانا فدوى وانتي ماشة وين اجي كيف ماشة وين ماشة مع شذى نكرتيني خلاث واشان منو شهاب صاح ماشي خلي ينفعك خروفك دا وطلعت خليتها فدوى توونة توونة ولا اشتغلت بها عملت فيها زعلانة ولاقيت مازن في الطريق مجنونتي وحياتك مشتاقين بقيتي زي الحاجة السمحة ما بتشوف وشك دا لا حاجة كعبة طيب زح من وشي مازن بهظر معاك ياخ معقول بس ياخ أحلى حاجة لمن أزعل ويراضيني يالله مازن عامل ليك مفاجأة امشي غرفتك وشوفي مفاجأة شنو يا مجنون مازن امشي وهتعرفي يالله مهبب شنو الرمة دا ومشيت فتحت الغرفة دباديب وعلب شوكلاء بصراحة انبسطت شديد وبديت اعاين في كل الحاجات وجنس هداية وبسيت لقيت ورقة مكتوب عليها 7 قدر ما حاولت ما فهمت قلت اسالو مازن أفهم شنو من سبعة دي مازن فسريها زي ما عايزة ما هكلمك مفاجأة لمن يجي وقتو رفع حواجبو وطلع خلاني في حيرة من أمري حركة الحواجبو حقتو دي مكسرة اضلاعي عديل عدا اليوم وانا بفكر في سبعتو دي ثقيل خلاث لو كلمني البحصل شنو يعني أصبح الصباح صحيت بدري اشان السوق اتحركنا بعد الفطور طوالي ومشينا سقنا شذى وكانت معانا خالة شهاب الكان جات يوم عايزين يتقدمو وقربت تكتلني بهجمها الخرافي دا من شوفتها عرفتها احححي انا من المغصة تقول اقول لها شحمانة كدا لشنو قلت عيب يا تتونة وصلنا السوق بعد سلة روح اشترن رجعنا البيت والتعب هيكتلني وتاني بكرة الحنة حقت حسام الفي البلد شكلي هموت على بال ما يتنيلو ويعرسو جاتني رسالة من مازن وانا شدة ما نعسانة عين فاتحة عين مغمضة مجنونتي ما تتعبي حالك كتير انا خايف عليكي وانا ولا واعية لكلامو ورديت بطيب وشالتني نومة وانا حاضنة التلفون يرسل ماف رد من الصباح جاء دقا باب الغرفة بسم الله دل منو البجي زي الزمن دا مشيت فتحت الباب مازن أي مازن انتي كويسة مجنونتي ليه مابتردي على رسائلي وقفت قلبي يا شيخة وكان ظاهر عليهو التوتر انا كويسة انا كنت فترانة نسيت نمت مازن طيب ما تكرريها هموت بسببك انا حسيت نفسي عايشة عالم تاني إحساس جميل يووخ مازن اجهزي يا توونة العربية في الطريق ماشين النيل الأبيض أشان حنة حسام العاملاها حبوبة ساعة وانا جهزت والعربية جات ووصلنا النيل الأبيض تقريباً الساعة أربعة حبوبة مجهزة كل الحاجات والبيت ملان ناس وعملو ليهو الحنة وبالجد كان أحلى يوم ورفضنا نبيت أشان العرس بكرة وحبوبة رجعت معانا تاني اشان تحضر العرس وودعنا ناس البلد واتجهنا على الخرطوم باز کردن / نظر دهید

2019-10-16 18:34:16 #مجنوني23
بقلم:فاطمة إبراهيم

وأمي مصرة تنادي جات فدوى نعم امي من شافتها طلعت لها برا امي وين المجنونة اختك فدوى قالت عندها مغص ونايمة في غرفتها امي دا يوم يجي فيهو مغصها اجي يا أمي حتى في دي عندك اعتراض فدوى انا بقدم ما تشيلي هم يا أمي تمام سريع طيب جيبي الموية والعصير وجات رجعت قعدت سامعة صوت مرة بتقول والله سعيدين بأنكم ادوتنا بتكم يا رحمة وان شاءالله بنشيلها في عيونا اجي يا خواني متين لحقتي يا أمي حتى ما تسالي البت الله يستر وما تطبق النظرية دي فيني واطلع من المولد بدون حمص امي واهنا كمان بس ما اوصيكم على بتي وسمعت صوت مرة تانية بتقول ما تشيلي هم نهائي اعتبريها كأنها معاك امي يعافيكم طمنتوطي مالك شكلك عندك رطوبة المرة لا لا عندي قضروف والله والقعاد ما بنفع معاي امي طيب اطلعي السرير فتحت خشمي أي سرير يالله اوعا يكون دا وبس حسيت بشي تقيل والسرير ما باقي إلا يتقد وانا دي خلاص بقيت لا قادرة اتحرك لا أتنفس الله لا جاب باقيك ياخ شحمانة كدا لي لو فضلت بالطريقة دي هتجيبي أجلي وشغال تقول والله إلا النوم السرير مريح ولسة تقعد زي الناس وانا خلاص فاض بي ما باقي إلا اصرخ وأقول الله يهدك ياخ كتلتيني بس حسيت بشوية هواء عرفت أنها نامت ياخ لو فضلت قاعدة لقايت تمش كان طلعوني فطيسة الله بريدني ياخ سمعت فدوى جات خاشة بالعصير المرة شغال ماشاءالله الصلاة على النبي وفدوى تشيل وتتخجل وانا خلاث وصلت حدي ما باقي إلا انفجر ضحك بس قلت يا تونة الضحك ملحوق سامعة صوت المرة بتقول والله شهاب مجهز أي حاجة بس إلا يعمل المناسبة امي مبسوطة طبعاً كويس شديد غايتوو هسى مبسوطة كدا لشنو تقول قالو العرس بكرة وبس سمعت صوت مجتبى بنادي امي وأمي مشت ليهو وجات راجعة المرة ولدك مالو يا رحمة رسلوه ولى شنو حشرية خلاث هسا هي مالها ولد وأمو غايتوو جنس شي امي أي قال لي الرجال منتظرنكم برا طوالي قامت البقرة النايمة في السرير حسيت نفسي كنت ميتة وحيت وطلعو وأي ياخ بحياتي تاني ما بغامر مغامرة زي دي وطلعت أخدت لي نفس طويل وفكيت الطرحة قعدت في الكرسي وخلفت رجلي قررت أبطل الشمار ات من الماساة العشتو قبل شوية قدموهم وجو خاشين امي لقتتي لمن خالفة رجلي وبشرب قب العصير لمن استعوذت خلعتها ياخ امي كنتي وين انتي كنت تعبانة شوية ونايمة وكلهم جو قعدو ابوي طبعاً شايفين قبل شوية كانو في ضيوف ايوة شايفين ابوي زي ما عارفين البت مصيرها راجل يسترها يالله هسى في داعي للمقدمات الطويلة دي أنجز يا حاج اول مرة أقولها حاج دي ابوي لو سمعها هيكتلني لانو شايف نفسو لسة شاب وفدوى حسيت بها من الخجلة هتدخل تحت الكرسي ابوي دا شهاب ولد خالتهم لخطيبة حسام شذى وطالب ايد فدوى للزواج وقال جاهز واهنا حددنا الأيام متين كدا يا ابوي حددتو ابوي أي حددتا وقلنا الأفضل يكون عرس حسام فدوى يوم واحد بس يا ابوي تلحق تجهز متين عرس حسام وفدوى فاضل لها خمسة أيام بس ابوي هي هتعمل شنو يعني اشان خمسة أيام ما يكفيها تمشي تشتري شنطة مع حسام يوم واحد وتأتي ما عندها شي بتعملو بصراحة ما افتكرت هيعرسو يوم واحد البيت هيبقى فاضي ياخ على قدر ما فرحت ليهم زعلت بقينا مدروشين بس في البيت يومي من الصباح حتى حبوب بقت شغالة معانا وفدوى عروس ماف طريقة ياخ انا لمن اشتقت للأهبل مازن طول اليوم ما بشوفو حبوبة قررت تعمل حنة لحسام في النيل الأبيض حسام على الرغم من انو بكره النيل الأبيض ما رفض طالما يوم واحد حبوبة ربنا يخليك يا حسام ولدي طبعا متكيفة مازن وانا هتحنن متين يالله وبعاين لي ساي امي لازم تختار عروس قبل تسافر تاني اجي يا أمي شنو الخفة دي مازن انا اخترت خلاث بس منتظر الزمن المناسب باز کردن / نظر دهید

2019-10-13 08:25:38 #مجنوني22
بقلم:فاطمة ابراهيم

امي ختي الصفرة واتحركي وانا متنحة امي تونة وسريع سريع مشيت احي انا شنو الشمار الحالف يتم دا وسمعت المرة بتقول لها دي بتك الصغيرة امي ايوة المرة ماشاءالله ربنا يحفظها وصلت المطبخ وانا زعلانة ما تميت الشمار فدوى قامت على حيلها اها النساوين ديل منو من طرف شهاب بس ما عارفة صلة القرابة الظاهر واحدة امو والتانية ما بعرفها انتي ما تتصلي لشهاب اشان تعرفي الحاصل فدوى صحي ما خطرت على بالي وشالت التلفون وانا جنبها حارسة هي افتحي الاسبيكر شنو عايزة تسمعي براك هه حشرية زيادة عن اللزوم شهاب اهلين فدوى كيفك فدوى بخير وانت شهاب انا تمام طول ما انتي بخير اشي اشي على الرومنتكية اها أن شالله امي وخالتي وصلو فدوى ما كلمتني ليه شهاب اكلمك ليه والا هم جاينكم البيت وأمك هتكلمك وبعدين هنجي لعمي يوسف المساء بحياتي ما شوفت زول جادي للدرجة دي فدوى شهاب بتقول في شنو انت البت اتصدمت يا حليلا شهاب زي ما سمعتي يلا هسا مشغول موعدنا المساء سلام خلي بالك من نفسك وفصل الخط بختك ياسجم حسيت بها هتزغرد عديل مبروك مقدما يا قلبوشتي امي جات خاشة رجعنا لحالنا الطبيعي امي اسمعوني عايزاكم تنضفو البيت وتفرشو ليه يا أمي الجاي منو امي بعدين هتعرفي يالله وليه ما اعرف هسا في داعي لسل الروح دا هسا امي بتقولي في شنو لا ولا حاجة يا أمي قلت ليك ثمح وامي طلعت شوفتي يا فدوى الظاهر الموضوع نجض فدوى تتبسم ساي معووووووفنة خلاث ما مصدقة الرمة امي يا مازن يا ولدي أمشي لي السوبر ماركت وجيب لي الحاجات دي شكلي هشبع اليلة امي وحسام انت نضف الصالون مع مجتبى امي واقفة على رجل وانا لافة زي ضنبها مباريها من محل لمحل شأن اسمع بتقول شنو لحدي ما الساعة 6 جات وابوي شرف يالله بكون عارف ومشيت عليهو حمدالله على السلامة ابوي ابوي الله يسلمك يا بتي ابوي أمك وين يا بت ولله يا ابوي امي دي مدروشة في البيت نضافة واوامر عندك اجتماع في البيت ولى شنو يا ابوي ابوي اجتماع شنو اعملو في البيت هسى خلي التحقيق أمشي نادي لي أمك اصلا دي الأشغال البتنفع معاي ولى كضبت رجل واحدة ووصلت يا أمي ابوي قال عايزاك امي طيب جاية وجات وانا وقفت في النص وماسكة ابوي وين يفوتني الشمار امي تونة مالك أن شالله في شنو واقفة لي كدا امشي ساعدي اختك في المطبخ كرفست وشي وقلت ليه التفرقة العنصرية دي امي عنصرية شنو الظاهر جنيتي سجمي امي دي اضنيها ديل اضنين شنو عفيت منها ومشيت سريع قبل ابوي يسمعني ردو كمان ياست ومليت مشيت المطبخ قعدت في الكرسي وبديت أكل أكل هستيري مجتبى جاء خاشي دمرتي اقتصادنا ياخ زي البقرة طول النهار بتاكلي زعلت زعل زاد الطين بلة حسيت نفسي عايزة اتفقع عديل كويس اليلة اوريك تدمير الاقتصاد تفتش الأكل ما تلقاهو اليلة مجتبى اشوف يا بقرة وطلع فات كلمة بقرة دي بتقوم عفاريتي فدوى ما عرفتي هيجو الساعة كم هيجو الساعة سبعة فدوى يالله هنعرف كيف ما تشيلي هم انا قاعدة بس بعدين لو امي سألتك مني كذبي أي حاجة بس اوعا تعرف فدوى تعرف شنو اني تحت السرير فدوى ما جادة يا تووونة لا جادة فدوى ولو كشفوك يكشفوني كيف إلا لو انتي كلمتي امي فدوى لا لا ما هلمكها طبعاً ايوة كدا انتي الزيت ومشيت اتجسس هيقعودو وين بالضبط امي هتكون مع النساوين في الهول بس ظبطت لقيت المكان المناسب ما بفكر اصلا اجسس في الصالون محل ناس ابوي والا هجيجيبو نهايتي وسريع سريع مشيت أجهز لبست بجامة وربطت راسي لانو ما هينفع أشيل مخدة تحت السرير وبقيت اعاين بالباب متين الجرس يضرب شأن امشي الهول وانا بعاين بقدة الباب بس اسمع ليك الجرس رنا لمن نططا من الفرحة طبعا الضيوف كتيرة وكلهم اتجهو للباب اشان يستقبلوهم بس فرصتك يا تونة وجري مشيت الهول اصلا في سريرين بس مقاصدات بعض وبس اخترت السرير المناسب المستحيل زول يشوفني فيها ومشيت دخلت تحتها واخترتها لاني مطمئنة ماف زول هيجي يقعد فيها ويتسالمو لمن جو خشو الهول وأمي من قعدت شغالة تنادي تونة ياتونة اول مرة قربت اقول نعم أتذكرت انا تحت السرير ومسكت خشمي وانا بدمع من الضحك الجواي وما قادرة اضحكو وأمي لسة تنادي اتعلمت أقدم لها العصير تقول حبشيتهم وأمي لسة تووونة مصرة اليلة كتمت فيني باز کردن / نظر دهید

2019-10-13 08:23:06 #مجنوني21
بقلم:فاطمة ابراهيم

فدوى عيونها رقرو وبقت قاعدة في محلها زي المشلولة وبتعاين لي ساي وأمي تشيل وتتكلم وتعاين لفدوى حسيت بها هتموت البت ومشيت شلت الصينية منها وبديت اوزع ليهم وأمي تعاين لفدوى وتتكلم لمن طلعت برا الحوش الموضوع خطير اليلة امي تقريبا ساعة بتتكلم اموت واعرف بتقول شنو بس خلصت مكالمة امي أن شالله خير عاملة فيها مفتحة بس اشان اتأكد المتصل شهاب امي لا ما في شي خليكي مع شايك ادتني في رأسي عاد سكتا اقول شنو هاعرف المستخبي قريب يا أمي فدوى تعاين لأمي وتعاين لي البت أفكارها اتشتتو ونست كباية الشاي حتى هسا دا كلو اشان عريس البورة قاتلة ياخ وناسية نفسي طبعا يوم مازن اعترف لي وقلبت غرفتي كبريه صدق القال الجمل ما بشوف عوجة رقبتو حسام يا أمي متين تبدو تجهزو للعرس امي نهاية الأسبوع دا بس انت اتفق مع شذى على الشنطة اشان تمشو سوا ومعاكم زول كبير شفقان على العرس مالك هتعرس هانت ما فضل إلا القليل حمر لي احرجتو مع امي بقى قدر السمسمة امي وانا همش معاهم صاح تمشي وين انتي كمان معاهم للشنطة شذى مش صحبتي قبل يعرفها هو لازم امش امي ولازم دي شنو كمان قصدي يا أمي ما حلوة في حقي ما امش معاها اشان تختار شنطة ونسمة سافرت يعني ماف إلا أنا على أساس ما بعرف العريس اصلا وحسام شغال يحمر لي ساي امي طيب امشي معاها وأي جادة يا أمي بحبك ياخ وبديت أرقص نسيت مازن قاعد وبس اتذكرت ماف داعي للهبل الزايد وروميو موجود وشذى من ااجزنا واتحبست يومي في بيتهم عاملة وجع وش لغاية ما زهجت مني قالت لي عديل ما تجيني يا توونة إلا يومين في الأسبوع شوفتو بت الكلب كويس لمن تجي بيتنا فدوى متنحة وسارحة مشيت همست لها في اضنيها ما تقلقي كل شي تمام اطمنت شوية وانا طالعة غرفتي أشيل تلفوني الجرس دقة حسام فتح الباب وانا واقفة اشان اعرف منو بس اشوف ليك نسوانين وسماحة الدنيا عليهم في الاربعينيات يالله ديل منو حسام اتفضلو امي جوا ودخلو وجريت لفدوى المطبخ الغبي حقك دا كلامك انو مرسل نساوين ولى لا فدوى قلعت عيونها نساوين شنو ما تقولي لي ما عارفة الظاهر ببقو لشهاب حسام فدوى امي قالت ليك اعملي كبايتين عصير شوفتي ما قاعدة اكذب انا وهي بتعمل في العصير وايدها برجفو ههه انا ميتة من الضحك هتفضحنا بالطريقة دي لو ودت العصير شلتو انا صاحبة المهام الصعبة عاد عصير شنو أوصلو بس الموضوع خطير لازم اعرف شلت العصير وطلعت وانا ماشة وبقول النساوين ديل منو مازن عايز يشيل كباية العصير يسلمو ايديك مجنونتي وأي اوع تشربها هسى الموووتخلف دا ظهر من وين مازن يعني ما لي امي عندها ضيوف وحارساني ياخ بطل فضايح وخت الكباية طيب بختو بشرط يالله دا زمن لاقياتو هسى موافقة بس هسا خت الكباية ثقيل خلاث خت الكباية وصلت باب الهول سامعة المرة القاعدة علي اليمين بتقول والله شهاب دا من يوم الخطوبة مجنن ابوهو وانا واهنا ما مصدقين انو اخير هيعرس والتانية بتقول منى عينا نفرح بيهم ودا كلو انا ماشة سيسي سيسي اشان أسمع كل الكلام أمي يا تونة ما تمشي يا بت وختي الصفرة من ايدك. ... باز کردن / نظر دهید

2019-10-13 08:22:22 #مجنوني20
بقلم:فاطمة ابراهيم

يا الله الجن دي تكلم امي شنو حست كانو في زول في الباب وانا جرية واحدة وصلت غرفتي ولسة في باقي شمار ما تميتو دخلت غرفتي وقفلت الباب وفتحت الواتساب يارب ود خالة شذى يكون رسل الشمار جنني دا نهاية حب الشمارات لقيت مازن مرسل لي نسيت أي شي باقي عمري ياناس مازن مجنونتي العسولة شفوعتي البكاية يالله منو هسا في داعي لدا مازن كدا بزعل والله وما برد ليك تأني مازن في زول يزعل نفسو بس الولد دا اتعلم الحبكانيات دي من وين ياربي أي في انا أهون عليك انوم وانا زعلان لا لا ما بتهون علي مازن قلبوشتي ياناس قريباً هتكوني ملكي برأي وابكيك على كيفي موووتخلف رمة ياخ ما بقدر أخلي النبز تصبحي على خير مجنونتي وأحلامك انا اجي يا البرقش وانت بخير ياخ نفسي يتكلم لسة بس مامشكلة بكرة أحلى وانا سارحة وبفكر شهاب دا موضوعو شنو جاتني رسالة في الواتس فتحتها رقم غريب اهلين عفوا معاي منو معاك شهاب ود خالة شذى قلبي عمل شحح اها الشمار جاك برجلينو يا توونة اهلين كيفك شهاب بخير آسف على الإزعاج بس لابد منو اجي يا الدفنو قام فرفر لا عادي ما يهمك قول موضوعك شهاب والله ما عارف اقول ليك شنو بس انا والله عجبتني فدوى ونفسي فيها وانا لي زمن بفتش عروس بس اختك دي البت الأنا بفتش فيها من زمان صدمني ما اتخيلت المرحلة المتقدمة دي والتلفون وقع من أيدي بجد فرحتا لها والله بس مش تتعرفو على بعض الأول شهاب اتعرفنا في الخطوبة دي بتكفي نتم باقي تعارفنا في بيتنا كرعلي دا صنفو شنو طيب فدوى ردها شنو شهاب ما عندها مشكلة موافقة بس قالت ما بتقدر تكلم أمها عايزاك تساعديني اساعدك كيف شهاب تديني رقم أمك وابوك التطورات دي كلها وما تكلميني يا بت اللذينا ولا بقصر اديتو الرقمين شهاب تسلمي يا ذوق ولو العفو ونمت الصباح من الصبح مشيت لفدوى غريبة الصباح الجايبك شنو جابتني رجلينيني وبعدين كيف ما تكلميني بموضوع شهاب يا خسيسة انا ما كلمتها بمازن شان ما تتحسس لانها أكبر مني فدوى وعرفتي من وين شهاب كلمني أي حاجة واديتو رقم امي وابوي فدوى كيف تعملي كدا من دون تساليني واساليك ليه مدام انا متأكدة انك عاوزاهو والولد جادي فدوى توووونة جنيتي من يومي مجنونة ماف شي جديد وطلعت خليتها مازن توونة صباحك خير لانو عيب يقول لي مجنونتي قدام ناس البيت والا طردهو قاعد في نص بيتهم وبدلع بتهم صباح النور أحيي انا من غمازتو يالله متين أصبح بيهم يومي بس اشوف ليك ابوي امي يا يوسف اشرب الشاي ابوي لا لا ما بقدر مستعجل بشربو في البنك حبوبة حسام ولدي عرسك متين انا زهجت من البلد دي راجعة النيل الأبيض حسام قربت يا حبوبة ما فضل كتير كلها أسبوع وانتي لازم تحضيرهو مجتبى يا أمي نازل امتحانات عليك الله ادعي لي اتفوق تتفوق بوين وانت مقضيها لف مجتبى انتي اسكتيي خالص غلطانة انا اصلا أن شالله يجيبوها صعبة مجتبى حقد دفين ناتج عن طفولة مشردةة زعلتني الجملة دي شديد وبديت ابكي انا ما عارفة أعقل متين وابطل بكى مازن هههههههه انتي وقت ما بتستحملي خلي الناس في حالها غلظ خلاث ومشيت لحبوبة شوفتي يا حبوبة بقولو فيني شنو حبوبة معليش يا حبيبة حبوبتك تكبري تنسي اجي اعمل قرون ولا شنو ولا ما صدقو اشان ببكي ليهم النهار كلو طلعوني شافعة صحي مازن بس بعاين لي ساي كل ما ارفع عيني بلقاهو بعاين لي وصراحة نظراتو دي بتلخمني وانا بدنقر في رجلين حبوبة زي الشافع لمن تشاغليهو ويخجل بفتش محل يدس رأسو ونحن قاعدين جات فدوى شايلة صينة الشاي وانا بعاين لها وبرفع في حواجبي بشاغل فيها صراحة الحركة دي عملني لها مازن وهي بتكب في الشاي تلفون امي رنة امي آلو مرحبا معاي منو .......معاك شهاب امي شهاب منو. ......... باز کردن / نظر دهید

2019-10-13 08:22:15 #مجنوني19
بقلم:فاطمة إبراهيم

مازن دا منو دا الكنتي بتتكلمي معاهو وبتعرفيهو من وين كتمت فيني اليلة صوتي راح دا دا وانا بتمتم مازن بصوت قوي منو حسيت نفسي طرت من المقعد وتأني رجعت قعدت واخدت لي نفس هسا دا انا حبيتو كيف مازن انا بتكلم معاك يا جنو شكلو الغيرة كاتلهو لاني طولت ما سمعت جنو دي دا شهاب ولد خالت شذى مازن داير منك شنو حسسني في تحقيق عديل ما عارفة والله قال عايز رقمي لانو عايزني في موضوع ضروري مازن شنو رقمك وموضوع وتديهو كيف انتي جنتي طوالي دموعي جرت مازن يابت مجنونتي بس أتلفت لقى وشي مليان دموع وقف العربية وشال طرحتي ونضف لي الدموع هسى الببكي شنو شفوعتي الحلوة دموعك دي بموت فيها انا ياخ ما عايزة اتكلم معاك وبقيت ابكي زيادة مازن مجنونتي والله ما قصدي ازعلك بس غرت عليك لمن شفتك بتتكلمي معاهو انا ما بستحمل زول غيري يتكلم معاك انتي حقي برأي عارفة يعني شنو حقي وقريباً هتكوني أحلى مجنونة في دنيتي يووخ من دون احس لقيت نفسي بتبسم مازن أي عايزة مجنونتي تضحك على طول ما عايزة اشوفك زعلانة اححححي يا قلبي كنت وين من زمان اتاكدت اني فعلاً فاقدة حنان يا حليلك يا أمي بتك جنت رسمي وقانوني والغبي دا شال قلبها وصلنا البيت اغسووم ولا حسيت بالزمن مجرد ما دخلنا حبوبة اها خلاص حسام خطب فضلتو مازن ومجتبى عقبالك مازن امين يا حبوبة وان شاءالله قريباً ومسكها لمن وصلها الكرسي بتاع مصالح عاد لازم يوطد علاقتو حبوبة ربنا يخليك يا مازن ولدي ويديك بت حلال مازن شغال يعاين لي ويتبسم خجلني الواطي يالله متين يجي اليوم دا مجتبى حبوبة ما سمعتي امي قبل كدا قالت لي شنو شافع متين يعني ما أفكر في الموضوع دا هسى صحي انت شافع متين في عينك كدا انتي وانا منو الأكبر هسا انا طبعاً ومسكني من شعري وانا اصرخ ابوي فك البت دي هتعمل لها صداع وأي احوووبك ياخ يا ابوي ومازن شغال يعاين ساي عايز يتكلم بس هيتفضح لو أتكلم فضل ساكت وبعاين امي تصبحو على خير ومشيت حضنتها مالك يا أمي ما طبيعية حاصل عليك شنو طبعاً فرحانة فرح مستعدة أتكلم للصباح
امي مصدعة شوية بس مازن انا معاي حبوب في الشنطة وطلع جابهم ياخ في سرعة البرق ود لذينا من متين مهتم كدا مازن ابلعي الحبة دي حتخليك يا عمتو وجاب كأسة موية واداها بلعت انا شوية وهنفجر من الضحك امي تسلم يا ولدي ربنا يديك العافية عاد اليلة ماف زول ما دعا ليك يا رمة امي طيب انا طالعة ارتاح شوية ابوي رحمة وانا كمان طالع معاك يا وأولاد اطفو الأنوار معاكم وطلعو يالله توم وجيري مالهم اليلة الظاهر في شمار من العيار الثقيل حسام انا ماش انوم تصبحو على خير ومشى ومجتبى كذالك وانا قاعدة بعاين في فدوى اليلة النوم غلبها ولا شنو ما عوايداها والله اليلة كمان إلا اعرف حارسة شنو مازن تصبحو على خير وبعاين لي ساي عاين ساي اليلة ما طالعة معاك مازن توونة ما عايزة تنومي الزمن اتاخر لا لا ما نعسانة انا تصبح على خير طلع خلاني فضلنا انا وفدوى بعاين لها وتعاين لي فدوى انتي يا سهر اليل حارسة شنو امشي نومي لا ما بقدر انوم وانتي صاحية جنس حنك لو ما الشمار شي بقعدني ماف فدوى طيب مشت على المطبخ يالله الزفتية دي عندها شنو في المطبخ نص اليل دا قلعت نعالي ومسكتها في أيدي تابعتها براحة براحة لمن وصلت باب المطبخ ووقفت بس اسمع ليك بتقول ما قدرت كلمت امي يا شهاب
تكلم شنو. .....كمان باز کردن / نظر دهید

2019-10-13 08:21:37 #مجنوني18
بقلم:فاطمة ابراهيم

وانا عايزة أمش مسكني من أيدي مازن لو سمحت فك لي أيدي مازن ابيت الا تسمعني وكمان ابيت غايتتووو تقول شافع انا خليتها ما يخجل على طولو ويقول ابيت أخلاقي في نخرتي زعلانة زعل شديد لو سمحت زح من طريقي خليني أمش مازن لل لاما هزح دا شنو اللصقة دا بس عليهو هسى الناس تقول شنو طيب فك أيدي هسمعك مازن أي خليك عاقلة كدا أنجز ما فاضية انا وبدون مقدمات مازن طيب زعلتي مني قبيل صاح وازعل بصفتي شنو انت حر مازن والله انتي زعلتي وغرتي كمان احلفي قولي ما غرتي صراحة غرت وما بقدر احلف واغير لشنو يعني وبصفتك منو مازن بصفتي مجنوننك وأي دا حاسي بشنو بطل خرفك دا دا هسى الموقفني اشانو مازن لا وطيب في شنو مازن عايزة اقول اعترف ليك بحبك يأتونة سجمي اضنيني بسمعن غلط ولا بتخيل ووقفت متنحة مازن انا من يوم ما جيت السودان وشوفتك وانتي واقفة في السلم اول يوم قلبي دقة وما دقت النوم بعيوني بالي معاك انتي وبس مازن انت بتقول شنو مازن بقول الكنت عايز اقولو من زمان وما قدرت كدا احلفي قولي ما بتحبيني وانا ما مستوعبة لأي شي ونزلت مني دمعة مسح لي دموعي بالمنديل مازن مجنونتي الحلوة حتى وأنتي فرحانة بتبكي أحلى شي فيك براءتك دي هدت قلبي ياناس ما عارفة اوصف احساسي حسيت نفسي ملكت الدنيا كلها وكل السعادة ادوني ليها مازن يعني ما فتحتي خشمك ولا بتكرهيني رفعت راسي وهزيت بلا ياخ اندمجت وما عرفت الحصل لي شنو كانو تقول كنت في غيبوبة وفتحت إحساس جميل يوخ الله يضوقكم ليهو طوالي جاء مجتبى توونة مازن وافقين هنا ياخ واهنا منتظرنكم عايزين نتصور صورة جماعية يلا بس عليه الفقر قطع أحلى لحظات عمري شميتو وقلبي اباهو مازن طيب يلا نمش وهو بعاين لي وأنا بعاين ياخ قاعد يخجلني بعيونو وبعمل حركات بحواحبو مجنون ياخ ياخ مبسوطة انبساط ما تتخيلو وصلنا واتصورنا أحلى صور وصورنا تاني بتلفونو ياخ كان يوم حلو بشكل تقول انا العروس ما شذى وسنوني نهائى ما دخلتها جوا طول اليوم وانا بتبسم لمن فكي وجعني الخطوبة انتهت والمعازيم فرت فضلنا اهنا وناس بيت شذى أمها وابوها واخوانها واختها وود خالتهم الكان بتكلم مع فدوى الظاهر قاعد معاهم واهنا كمان ودعناهم لانو الزمن اتاخر ومعروف العرس بعد شهر لانو من الأول اتفقو على كدا يعني بعد نعجز واهنا هنعجز بعد أسبوع واهنا طالعين جاء ولد خالتهم داك معليش انتي توونة صاح ايوة اتفضل انا شهاب ود خالتها لشذى ممكن تديني رقمك عفوا أن شاءالله خير في حاجة الولد بطمانينة لا لا ماف حاجة بس عايزاك في موضوع اديني الرقم وبعدين بكلمك موضوع شنو يالله كترت المواضيع اليلة الله يهون واديتو تسلمي كتير العفو ومازن شغال يحمر لي ساي نظام اصبري لي سجمك يا توونة وانا خوفت من نظراتو صراحة وقلبي بدأ يدق ابوي يلا مع السلامة ونتلاقى في ساعة خير وطلعنا طلعنا ومازن لسة بحمر لي اليلة ليلتي سودا بعد ما احلوت الله يستر ومشى على العربية امي تونة انتي اركبي مع مازن وفدوى تركب مع مجتبى امي طيب وحسام خلي يركب حسام مع مازن وانا بركب مع مجتبى وفدوى امي طيب وأي طرت من الفرح هشرد منو نفسي اتكلم معاهو بس خوفني بنظراتو مازن لا يا عمتو خليها تركب لانو مجتبى قال عايز حسام في موضوع ضروري وقعت وماف حدا سمى علي بس يا أمي. .... ابوي خلي الكلام الكتير الزمن اتاخر اركبي وبطلي نقاش طيب ضحو بي للأسد دا الله يعيني وركبت. .... باز کردن / نظر دهید

2019-10-13 08:20:36 شوقك ومن الصباح ما تتصل دا نهاية شوقك مجتبى بطلي كلام عايز اعرفك ديل أصحابي في الجامعة مهند ومحمد ووائل دي مجنوننتا الصغنونة يا شباب كرفست وشي لو سمحت اسمي تووونة واصحابو قعدو يضحكو متكيفين طبعاً مجتبى آسف طيب شباب دي فاطمة أصغر البيت وبندلعا تووونة اصحابو تشرفنا تشرفنا كلامهم كتير ياخ بس حلتني منهم نسمة أشرت لي بايديها ما صدقت عن اذنكم شباب وفرصة سعيدة وطوالي اتحركت ما عايزة أمش لنسمة وانا بضبضب اشان ما تشوفني وبس اسمع ليك صوت حبوبة يا تووونة يالله دي كارثة شنو دي مطنشة وحبوبة مصرة تسمعني حسيت الناس كلها سمعت غايتوو و جنس فضيحة استسلمت ومشيت لها وانا مصارين بطني بتغلي من جوا نعم يا حبوبة حبوبة وين انتي يابت يالله هسى جايباني اشان تسالني السوال دا دقيقة يا حبوبة أجيب لي موية واجي اقعد معاك وأخيرا اتحليت منها طوالي سريع مشيت لشيماء الف مبروك لشذى وعقبالك يا شيماء شيماء الله يبارك فيك ومبروك لحسام كمان وعقبالك اللهم امين جمعا شيماء عايزة أسألك شيماء اتفضلي الود الابس قميص أسود جنمب فدوى دا منو شيماء دا شهاب ود خالتي تسلمي يلا ماشة لحبوبة شيماء أن شالله خير هسا الشمار لها شنو لا لا خير ما تشيلي هم ومشيت خليتها إلا أجيب زيتو واعرف فهمو شنو وبس صادفني مازن كرمشت وشي وجيت ماشة كأني ما شايفاهو مازن تووونة عايزاك في موضوع ولا كأني بسمع قبل كدا مازن تووونة انا ينادي فيك وانا أصلي ما قلت بتقول في شنو وجاء وقف قدامي تووونة لازم تسمعيني........ باز کردن / نظر دهید