في شهادة أنصار الحسين ليلة السادس محرم وصية أبن عوسجه إلى حبيب | قناة الشاعر علي الأحسائي

في شهادة أنصار الحسين ليلة السادس محرم وصية أبن عوسجه إلى حبيب ابن مظاهر عليهم السلام ...


بالطف لوله عارف بعدك اُقتل
وصيه گلتَ توصيني لك احمل

يبنه عوسجة... يبنه عوسجة


أنا اليمك حـبيب أبنه مظاهر
وحبيبك هذا ابوسجاد حاظر
يعـزَّ اعلـيـها فرگـاك النـواظر
حسين ابروحي ودمي افديه ناذر

واعدني الشهادة والده احصل
ونجله المرتضى بعد العقل حل

يبنة عوسجة ... يبنه عوسجة


محل القلب رسمه يبن عمي
بحال اجروحك وعالوالي تومي
وصـيتك بالوفا لحسين حلمي
نجل الزهرة جيت افديه بدمي

مثل ماقلتَ له الأرواح نبذل
ولو سبعين قتله لجـله نُقتل

يبنه عوسجة...

نصرَها كنّه نتحرّه البريّه
وكتبنا الله من أنصاره الوفيّه
بعد ماخذلو مسلم بالوصيه
أهلها الكوفه خذلو ابن الزجيه

ياأوّل شهيد ابكربلا هل
يامسلم جنّته بشراك تدخل

يبنه عوسجة .. يبنه عوسجة

تنادي ابنصرة المظلوم وتصدح
سعيت ابحث عشيرتنا وتنصح
إلى أن منه كل فد صوت له بح
بالطف ماتمنينا العدد شح

الأسديين حضرو ريتهم بل
معانا المشرعه وقفو فرد ظل

يبن عوسجة ..


مشيئة الله تبقى اعله الإرادة
دنيا مانطـالب عالشـهادة
قائدنا الحسين ابّو القيادة
وحاشا انبدّله نجل السيادة

رضا الله نشتري برواحنا انفل
ولانرجع مع والينا نقتل

يبنه عوسجة...


سلامي الفاطمه الزهرة الحزينه
سلامي المصطفى الهادي نبينه
سلامي للوصي حيدر ولينه
سلامي للحسن نبعث حمينه

سلام امن القلب للرحلو نرسل
وصيّه اوياك مني قبل ترحل

يبنه عوسجة... يبنه عوسجة

علي الأحسائي
محرم ١٤٤٢هـ