__ هو مين إللي خلق ربنا ؟! _ د/ ذاكر نايك في محاضرة من محاضرا | 𓄼 Ë𝙻 3𝙰𝙻𝙰𝙼 ..🖤🪐 _ العالم
__ هو مين إللي خلق ربنا ؟! _ د/ ذاكر نايك في محاضرة من محاضراته واحد سأله إن ربنا خلق كُل دَ .. طيب مين خلق ربنا ؟! - رد وقاله: صاحبك خلف تتوقع يجيب بنت ولا ولد ؟ _ الراجل قاله: معرفش أي حاجة !! - د/ ذاكر قاله: عايز إجابة واضحة للسؤال ولد ولا بنت ؟ _ الراجل قاله: بنت .- د/ ذاكر رد ساعتها بإبتسامة وقاله: يا أخي هل الرجال تُنجب ؟! _ الراجل ضحك وقاله: لأ - د/ ذاكر قاله: يبقى أنا سؤالي من الأول مغلوط وانتَ كمان سؤالك مغلوط لأن الخالق لا يُخلق .. " لم يلد ولم يولد ولم يكن له كفوًا أحد " • السؤال دا خلى ناس كتير تلحد لمجرد عدم الوصول لإجابته .....!السؤال دَ بييجي في بالي وأكيد بييجي في بال أي حد .. وبنحاول نستغفر ونبعد التفكير دَ عن عقلنا .....!
_ د/ مصطفى محمود جاوب على السؤال دَ إجابة منطقية جدًا .. قال: السؤال دَ فيه ( مغالطة منطقية ) يعني إيه ؟ يعني لما أسألك مين خلقك وخلق الكون دَ ؟ هتقولي "ربنا"إذن انتَ معترف أن ربنا خالق .. يعني انتَ بتسألني ( ربنا إللي خالق الكون وخالقك ، مين إللي خلقه ؟! ) انتَ كدَ حولت ربنا من خالق لمخلوق في نفس الجملة !! ، انتَ كدَ بتناقض نفسك .. وبعدين تعالى نمشي معاك للآخر ولنفترض جدلًا أن في إله خلق ربنا .. هتقولي طيب مين الخلق الإله دَ ؟!هقولك إله أكبر هتقولي مين خلق الإله الأكبر وبالتالي هندخل في حلقة مفرغة زي بظبط الحلقة المفرغة الوقع فيها علماء الرياضة لما بحثوا عن أكبر الأعداد لو قولت أكبر الأعداد ديشيليار هقولك خليها ديشيليار وواحد ، ديشيليار وإثنين وهكذا هتقولي تريليون هقولك تريليون وواحد إلخ..!!إذن الحلقة المفرغة دي لازم يبقي ليها أول مفيش قبليه .. وربنا هو الأول والاخر .
• مش عيب ولا حرام إن الواحد يسأل لكن العيب إننا نخاف نفكر أو نسأل لا نوصل للإلحاد .. بالعكس الإمام الغزالي كان هو مؤسس منهج الشكوقال: الشك طريق الوصول إلى اليقين " العيب إني لما ييجي طفل يسألني أقوله ماما بتنادي عليك " #كن_ذا_أثر_طيب
