2022-08-26 22:20:54
هل ترك المبادئ والفروض حرية شخصية؟! متوهم جداً من يعتبر ترك المبادئ والهوية والفروض هي حريّة شخصية ولازم ما نبدي أي ملاحظة ونقد، خصوصاً مع النشر والترويج والتباهي بمواقع التواصل الاجتماعي...
مثلاً اذا وحدة خلعت الحجاب، هي ما نزعته بالصالة، هي رح تنزّل صورة إلها توَصّل بيها رسالة لمتابعيها أنو أنا صرت بحلّة جديدة... وهنا تبدي عدّة خطوات:
الأولى هي التأثير كونها شخصية مشهورة وقد تتأثر بيها بعض البنات، وهذه النقطة مو مهمة لأن ما أعرف شنو من عقل اللي يتأثر بناشط على مواقع التواصل في قضية تتعلق بدينه!
تجي الخطوة الثانية اللي تدافع بيها عن فعلها، وتوصّل رسائل من كل كلامها أنو احنا تحت قيود المجتمع والدين وتمردي وثوري، وتشرعن الفعل بإعطاءه طابع خصوصي، فهي اذا كان عندها عقل واعي وذرة مصداقية تگدر تگول أنو الحجاب واجب بس آني ما أريد ألبسه وما عاجبني، بدل ما تگول: (حريتي وحياتي وأنتو معليكم). وتطلعه من كونه فرض إلهي إلى مجرد دولمة، إلچ الحرية تلفيها بورق العنب لو بالسلگ.
ثالثاً: تبدي تهاجم الاعتقاد المخالف إلها، وتبدي تطعن بالحجاب وتجيب أمثلة شخصيات محجبة سيئة في سبيل إسكات الآخر وإغراق ضميرها بالتبريرات، ثم يكون مجمل الكلام عن عدم الحكم بالظاهر والإيحاء بأن الحجاب مجرد قطعة قماش، والستر مو بالحجاب.
رابعاً: المحتوى الموجه بمجمله رح يكون فيه تسفيه لأحكام كثيرة وقيود متعددة، حتى وصل الأمر بوحدة من الشخصيات الى القول بحرية العلاقات لدى المرأة والمهم أن ترضي ذاتها!
هذا التطور حصل لكثير من الناشطات، وما حصلت استهانة بالأحكام الشرعية إلا بمثل هذه التبريرات الناعمة اللي يممرنها، بدون وجود رادع من النقد والرد لكلماتهن.
_ #زهراء_حسام
قناتها على التليجرام
https://t.me/ahrofy
4.8K views19:20
ق
