بعيدا عن روتين الدراسة ... حبيت نرجع لزمن الطيبين شوية گبل چا | English For Iraq Primary للاستاذ صلاح
بعيدا عن روتين الدراسة ... حبيت نرجع لزمن الطيبين شوية گبل چان مصروفك ٢٥ دينار ب اليوم و چنت من تاخذ ۱۰۰ دینار تحس روحك ملك زمانك
تگعد ساعه 6 و نص الصبح و تطلع ب ال 7 ونص و تروح مشي للمدرسة
چنت تنتظر امك و هيه تحطلك اللفه ب الجنطه و تطلع
چانت المدرسه 6 دروس و تعب بس ما چنا نحس بشي و اذا غاب الاستاذ اکبر فرحه تصير
چان حایط الصف نكتب عليه اسامینا و راسمین قلب حب عليها
چان الخوف من حل الواجبات اکبر خوف لان الاستاذ چان عنده رهبه چبیره
چانت الفرصه اکبر فرحه عدنا چنا نركض نطلع من باب الصف عبالك طالعين افراج من السجن
چنت احط ايدي على چتف صاحبي و نروح چانت ظحكتنا راس مالنا و ماکو مكان للهموم جواناچان الواحد يروح تعبان للبيت و يذب الجنطه الباب و يصيح يووومه شمسويه اکل
چانت الطوبه مال منطقه نایلون و بس الطاگ عنده طوبه كبس و الگول طابوکتین و واکف وراه واحد يصغر و يكبر بي بكل هجمه و الملعب بنص الشارع و السمين يوگف گولچي
زمااان العشا خفيف
زمااان جنت من تروح لجيرانك وتكلك ام جارك اليوم يمنا تتغدى والكل يفرح بجيتك
زمااان من جان الجار يامن ع بناته من جاره و يزاورون والغيرة موجودة