نصيحة اخرى اعرف القناة مو اختصاص نصائح ولكن التوعية مطلوبة بكل | English Department 1
نصيحة اخرى اعرف القناة مو اختصاص نصائح ولكن التوعية مطلوبة بكل مكان ومن خوفنا عليكم ومن كثر عمليات النصب يلي جاي يتعرضولهة الناس لهذا دا ننشر.
الي دا اشوفه هو ان حتى لو انت محافظ ع نفسك ومتخذ اجرائات الحماية ممكن يخترقوك او ياذوك بطريقة غير مباشرة شلون؟ فرضا البنات عدهن صور يم صديقاتهن المقربات صديقة تثق بيهة وعشرة عمر الخ... لكن هل صديقة مواعية كفاية بامور الحماية او صدفت ثقت بشخص ك حب او غيرها ونطته حسابهة ع انترنت او امور تخصهة الخ...
ممكن بسبب عدم خبرتهة يخترقوهة او بسبب حبهة يستغلوهة وبهل حالة صور البنت وصديقاتهة واي شي بجهازهة قد يوصله الشخص الاخر سواء كان حبيب او مخترق.
ف بهل حالة يفضل على كل بنت ان يكون بعلمهة ان اي صورة او اي فيديو الهة عند اي جهاز اخر ممكن يكون عرضة للااختراق والنشر.
ف اي بنت تصور وي صديقة او تبقي اشياء تخصهة يم صديقة خل يكون بعلمهة ان هاي ممكن مستقبلا تنشر حتى لو صديقتهة خوش ابنية وخلوقة وثقة ممكن متعرف بامور النت ويخترقوهة ف كل البنات لازم تحاذر.
الصراحة طرق النصب كثيرة جدا ف يحتاج من كل شخص يكون واعي كفاية.
ممكن البعض يكول محد يتقربلي ومنو باله يمي او كذا بس لاسامح الله قد يجي يوم وتتعرض لهل مواقف. لان الي مرو بهل مواقف من اختراق او نصب مجانو متوقعين هل شي مثلك.
