صباح الخير انا دائما من اشوف شي يستوجب نصيحة انزللكم نصيحة | English Department 1
صباح الخير انا دائما من اشوف شي يستوجب نصيحة انزللكم نصيحة هنا. صح موتخصص القناة هيج بس حب الخير للغير لازم ينتشر بكل مكان.
ياطلاب اكو شي اسمه التسويق الهرمي او التسويق الشبكي هل شي خطر وعبارة عن عملية نصب واحتيال. تكدرون تبحثون بيوتيوب وتشوفون تجارب ناس اخرين.
باختصار الموضوع هو. يجي شخص واحتمال كبير جدا ان الشخص هذا مقرب منك قد يكون صديق او اخ او حتى ابنك. يجي هل شخص ويدعوك لفرصة لعمل ويغريك بالارباح وهل امور ويحسسك بانك راح تحقق كل احلامك وميحتاج منك جهد ولا شي بس تسمع كلامهم وتطبق. زين السؤال هنا ليش هل شخص المقرب يسوي هل شي معقولة يريد اذيتك؟ الجواب احتمال كبير لا لان هو اصلا ميدري بنفسه مغشوش ومنصوب عليه لان الشخص يلي قنعه يكون اما صديق مقرب منه او شخص يعرفه ف بنفس الاسلوب يلي هو قنعك بيه همة قنعوه بيه. وبالتالي يستغلوك ويخلوك تسوي اليريدو واحد من الامور الي تسويهة هو تروج الهم سواء كانو شركة او منظمة او اي تحت اي مسمى كانو. وكذلك راح يطلبون منك تجيب ناس الهم مثل ماجابوك وبنفس الاسلوب تقنع الناس بحجة اليجيب اعضاء جدد الهم راح تزيد ارباحه وكذلك يطلبون منك مبلغ مالي ويغريك بمرور الوقت راح تربح كذا مبلغ بداله.
والسالفة طويلة جدا وكلهة اغرائات مادية ومعنوية بحيث يخليك تقنع وتتسوي اليريدوه. ومرات يدخلولك من باب التنمية البشرية والتشجيع ع انك كدها وشاب طموح وهل كلام ومرات ترويج لمنتجات وكثير اساليب ومسميات.
والطامة الكبرى ان بعض القنوات التلفزيونية تروج الهم مادري يعرفون بيهم شنو لو يستضيفوهم بدون معرفة نواياهم الله اعلم.
لكن الموضوع منتشر بكثرة من زمان بس حاليا تقريبا دايظهر بشكل كبير.
تجربة لاحد الاشخاص وكيف تم النصب عليه عبر التسويق الهرمي
احد الفيدوات لاحمد البشير يلي تتكلم عن الاشخاص يلي يستحدمون التسويق الهرمي في العراق.
عذرا على وجود بعض الاغاني بس كون الفيديو توعوي والهدف منه توضيح هل شي و ك نموذج لاساليبهم.
