علي يافالق وجودي ومبدئي وتكويني علي بس انت الاحبك انت تارس عين | قصائد سيد فاقد الموسوي المكتوبة والصوتية

علي يافالق وجودي ومبدئي وتكويني
علي بس انت الاحبك انت تارس عيني
علي أول واليضدك جوة من رجليني

ومااجيب اسم النذل وافعاله
علي يشرف الكون شسع نعاله
علي واليعشگ علي هنياله

علي يا قرآني .. مايصير الثاني ..

يا حيدر يا حيدر مدد
يا حيدر يا حيدر مدد ...


مهدك الكعبة يحيدر والعرش من دونك
چي رضا الزهراء بيهن الله سوة عيونك
من صفاتك علي الاعلى حگهم يسمونك

علي الوادم موش يم افعالك
اكبر من العقل هل ما شالك
علي بكلشي منفرد هنيالك
الله طينه لوحدك سوالك

علي محد شابهك .. زود ربك شاربك ..

يا حيدر يا حيدر مدد
يا حيدر يا حيدر مدد ...


علي الشال الكون بيده والفلك واسراره
مو ولائي الماتبره ولعن من صياره
واليحب حيدر يصيح ارزقني ربي زيارة

علي اعلى من الفلك بهوايه
علي نازل بس نزل بالاية
علي الرافع سيفه وي الرايه
علي الذل نهر الفرات ومايه

علي دخيل احساسك .. طلع بي عباسك ..

يا حيدر يا حيدر مدد
يا حيدر يا حيدر مدد ...


علي قرآن الجلاله بالسمه وتوحيده
علي اسمه بي عبادة ولازم احنه نعيده
شيل چفك يالموالي النبي هم شال ايده

المايحب حيدر شحصل بيها
خسر اولها وخسر تاليها
علي النعمة المحد يجازيها
علي الركعة اللازم نصليها

يا غياث وراهب .. علي انت الغالب ..

يا حيدر يا حيدر مدد
يا حيدر يا حيدر مدد ...


علي يمسطر الكواكب والشمس ونجومها
علي گبل الانبياء وهو حاضر يومها
علي يندل المجرة وجازي حتى علومها

الله بصيارك علي شحاچيته
صاح تدلل وشگلك بيته
علي گلبك يا كبر حنيته
محبسك وكت الصلاة ونطيته

محد مسويها .. بس علي راعيها ..

يا حيدر يا حيدر مدد
يا حيدر يا حيدر مدد ...
--------------------------------------------
✿ اداء : سيد فاقد الموسوي
✿ الشاعر : سيد محمود الموسوي
✿تليگرام : قصائد سيد فاقد الموسوي المكتوبة
@facdy