#منذور_عمري منذور عمري الچ يَ ام البنين ... يا بسملة قرآن من | قصائد سيد فاقد الموسوي المكتوبة والصوتية
#منذور_عمري
منذور عمري الچ يَ ام البنين ...
يا بسملة قرآن من يقرونچ تسهيل أمر بالمجلس يخلونچ يا ام البنين حسين عندچ غالي مجلسنا رايد نظرة من عيونچ
أم الوفة هنانه .. بالمجلس ويانه ..
منذور عمري الچ يَ ام البنين ... ــــــــــــــــــــــــــــــــــــــــــــــــــ
يَ ام البنين اعله الدمع حزمينا مايخسر الينطيچ دمعة عينه احنه المجالس عدنا بيهن غاية غايتنا كون حسين يرضى اعلينه
والمالطم خاسر .. ع الطشره الحافر ..
منذور عمري الچ يَ ام البنين ... ــــــــــــــــــــــــــــــــــــــــــــــــــ
محسودة چي جبتي الگمر محسودة والبخت ماينشد علگ بزنوده لو مشتهي يشيل النهر بچفوفه چا هسه غرگت كربلا من جوده
عباسچ الهيبة .. مو كل مرة تجيبه ..
منذور عمري الچ يَ ام البنين ... ــــــــــــــــــــــــــــــــــــــــــــــــــ
عباس لليوم الشعر ماكاتبه من نكتب يطيح القلم يم شاربه يمخلفة واحد لو رسمنا عيونه ينشاف ذو الفقار يشبه حاجبه
ياحيدر الثاني .. غير انت قرآني ..
منذور عمري الچ يَ ام البنين ... ــــــــــــــــــــــــــــــــــــــــــــــــــ
يَـ ام الكرم والكرم عندچ عادة عزبتي بالطف اربعة من السادة عباس بالدنيا الشدد گاضيها والجنة باچر تاخذ من مراده
ادخيله عباسچ .. مات ورفع راسچ ..
منذور عمري الچ يَ ام البنين ... ــــــــــــــــــــــــــــــــــــــــــــــــــ
الف انعم الله ام الوفة ومشكورة خلفتي زلمة يخوف من الصورة الوادم تزور حسين بالمشاية وحسين يطلع للكفيل يزوره
مشكورة ع الكافل .. نسجدله يستاهل ..
منذور عمري الچ يَ ام البنين ... ــــــــــــــــــــــــــــــــــــــــــــــــــ ✿ اداء : سيد فاقد الموسوي ✿ الشاعر : سيد محمد الموسوي ✿تليگرام : قصائد سيد فاقد الموسوي المكتوبة @facdy
