سيدي يابن موسى ... قاسمُ العطاء .. مدد مدد درّة السما | فاضل عباس الخزاعي

سيدي يابن موسى
...
قاسمُ العطاء .. مدد مدد
درّة السماء ... مدد مدد
مهجة الرضا ... وروحهُ
وارث السخاء ... مدد مدد

اجيت اطلب مدد للخدمة يا مولاي
أعوذ أمن البرود بحيلك اتحزم
يساكي اسكيني بجروح أو دمع لحسين
اريدن حيلي للخيمات يتهدّم

اخو السلطان ... باب الله الجبيرة
اخو السلطان ... جن قمر العشيرة
تجيه اصفوف ... مزدحمه الملائك
اخو السلطان ... للخدام ديره
.
.

سيدي الكريم ... مدد مدد
واهبٌ رحيم ... مدد مدد
قد قضا غريب ... بلوعةٍ
شامخٌ عظيم ... مدد مدد


فرشت ادموعي يم بابك واريد الحيل
اكسّر صدري عاللي صدره متكسّر
يكاضي ابغربه غربني العيال احسين
واعيشن كون بس للخدمة متوزر

اخو السلطان ... معجزة الهواشم
اخو السلطان ...سيد عالعَوالم
خصاله اهواي ... وتحير اليوصفه
اخو السلطان ... بالاوصاف كامل
.
.
قاسمٌ غريب ... مدد مدد
باكيُ السليب ... مدد مدد
ساقي القرى .. كعمه
أيها الحبيب ... مدد مدد

يباذل نفسك السبي العلاوي انخاك
الك مديت جفي لا ترد جفي
عيشني ألم علوية وسط السوك
أو جمر الخيمة البنص قلبي لا يطفي

اخو السلطان ... باخمرا ضواها
اخو السلطان ... ومغيّر هواها
نزل بيها نور ... بعيونه العطوفة
اخو السلطان ... جن طه او اجاها
.
.
دائم الانين ... مدد مدد
ناعي الحسين ...مدد مدد
قاضي الصعاب ... بكفه
سيدي الحنين ... مدد مدد

اخو الضامن شريد احجي بعد مولاي
وهو الحاجي اليجيلك رايح المشهد
اجيت امحمل بشوك أو دمع وارجوك
من زوار ابو محمد يكون انعد

اخو السلطان... بعيوني دمعتي
اخو السلطان ... ازورنه طلبتي
واطوف اهناك ... شباجة بنياحي
اخو السلطان ... اقبلها دعوتي
.
.
.
جوهر الوجود... مدد مدد
صاحبٌ لِجود ... مدد مدد
رحمة الرضا ... وعطفه
نبرة الخلود ... مدد مدد

يماي الكل القلب عطشان للخدمة
سجدت ابعتبتك يل قاسم أو ادعي
احرگني ابطواري الخيمة والخدّر
أو نزّل موك عيني من يجف دمعي

اخو السلطان ... برهان الولاية
اخو السلطان ... سلطان الهداية
جفوفه ماي ... ترويها العطاشه
اخو السلطان ... من المصطفى آية
.
.
.
فاضل عباس الخزاعي
https://t.me/fadlkuzay