فاضل عباس الخزاعي

2022-07-18 18:12:45 يحسين ... اجيتك
مذبوح ... لكيتك
والخيل ... تدوسك
بلا صوت ... بجيتك

جيت اخبرنّك يا نده الخيم
الخيمة محتركة على الحرم
فرن ابهالصحرة النسه برعب
مامش الهن لا حامي لا علم

إن قلبي من أنيني انفطر
بل كرأس الكافل القلب انشطر
يا غياثا قم ولبي ندبتي
اختكَ الحوراء إني في خطر
.
.
شيل ايد... يعزنه
اكبال ... عدونه
اعداك ... تراهي
بالنار ... اجتنه

شيل جفك حتى العده ترد
يلي مطحون الصدر والجبد
اعداك بالنار اعتنت للخيم
وين يبن امي نشرد أو نصد

قم وردّ الجيشَ هذا مطلبي
يا وريث الرعب من كف أبي
خيلهم داست يتامى لكمُ
يا شيوخ الحرب يا ولد النبي
.
.
بسياط ... اجونه
يحسين ... ولونه
جا كوم ... الحمانه
اعداك ... سبونه

كوم لطفالك ماتت بسحك
أو منها تركض والجسم محترك
الحك على ايتامك خويه بالفلا
الناس عكبك بيهم صفت تطك

أيها المرفوعُ رأسا في القنا
إن شمرا من يتاماكم دنى
ضاربا بالسوط طفلا لكمُ
ثم نحوي صد في عين الخنا
.
.
حد وين ... نناظر
انشوف ... عساكر
يردون ... سبينه
بيا حيل ... أكابر

منين ما كلب جسمك الترف
توكع أو ما جنك يالأخو الكلف
شرد اكلك يل نحرك انذبح
يمك أو هدت ناس مو عرف

إنني الحوراءُ أشكي لوعتي
من تسميها أخاهُ مهجتي
حرتُ بين الخيلِ والنارِ معا
فالعدى قد أحرقوا لي خيمتي
.
.
يحسين... جبيرة
ام عون ... أسيرة
وبنوك ... هزيلة
تنكاد ... الاميرة

احسين صاحوا نسبيها زينبك
فوك ذبحك بيها نِعذّبك
شفتك اعله الرملة أو تكلّبت
ساك ظعنك نفس اللي سلّبك

كنتُ فوق الهزل لكني معك
يا سحيق الخيل أنَّى أُودعك
ليتني كنت سحابا يا أخي
من هجير الشمس أحمي أضلعَك
.
.
فاضل عباس الخزاعي
https://t.me/fadlkuzay باز کردن / نظر دهید

2022-07-16 15:24:14 اخت عباس وكفوها بدواوين
.
.
عكب ذيج الكفالة أو صيت الاحيود
اخت عباس وكفوها بدواوين
بحبال اجتِفُوها الكوم وكيود
اخت عباس وكفوها بدواوين
جبدها من السبي والنوح ممرود
اخت عباس وكفوها بدواوين
وكفت بالغصب ما بين الاحشود
اخت عباس وكفوها بدواوين


غريبة الحرة وتنوح .. أو جبيرة بيها الاجروح
أسيرة يا وسف عكب المامين
اخت عباس وكفوها بدواوين
.
.
خذوها بناكة هزلة الديرة اعيون
اخت عباس وكفوها بدواوين
محد من أهلها الفزع لام عون
اخت عباس وكفوها بدواوين
بل بلدان بالحرة يطوفون
اخت عباس وكفوها بدواوين
يهاشم للعقيلة هاي ترضون
اخت عباس وكفوها بدواوين

تسوك الناكة الارجاس ... عكب اجفوف عباس

افزعوا يآل هاشم كون عدلين
اخت عباس وكفوها بدواوين
.
.
مشت للشام تربات الاجاويد
اخت عباس وكفوها بدواوين
يا حيف اوكفت وبمجلس ايزيد
اخت عباس وكفوها بدواوين
تتلفت تدور هاشمي اتريد
اخت عباس وكفوها بدواوين
يسحك روس كل هاي العرابيد
اخت عباس وكفوها بدواوين

رادت هاشمي ايكوم ... يقلع منحر الكوم

عكب ذيج الاسود البل ميادين
اخت عباس وكفوها بدواوين
.
.
يرضاها الكفيل الوادم اتكول ؟
اخت عباس وكفوها بدواوين
ظل بكربلا العباس مچتول
اخت عباس وكفوها بدواوين
أو راسه اعله الرماح اوياها محمول
اخت عباس وكفوها بدواوين
تلكوها ابيسرها الناس بطبول
اخت عباس وكفوها بدواوين

يسيره بت الاطياب ... تطب الديرة اجناب

سبيه الجانت ابعز المحامين
اخت عباس وكفوها بدواوين
.
.
الأميرة الهاشمية أو ستر الاسلام
اخت عباس وكفوها بدواوين
عليها اتعاين الشمات بالشام
اخت عباس وكفوها بدواوين
أو عين الناس جنها رمْي الإسهام
اخت عباس وكفوها بدواوين
يم راس الكفيل اتسبها الاقزام
اخت عباس وكفوها بدواوين

تدير الوجه لا وين ... الزينب مامش امعين

وحيدة أصبحت بت خير النساوين
اخت عباس وكفوها بدواوين
.
.
فاضل عباس الخزاعي

https://t.me/fadlkuzay باز کردن / نظر دهید

2022-07-14 10:55:47 #موشح

النار شبت بالخيم يابطالها
أو ترست البيده الحرم وأطفالها
.
.
يا ليوث الحرب يسباع الرجال
النار شبت والخيم بيها الاطفال
أو طوّكتنه اجيوش بيديها الحبال
كوموا يشراس الوغى أو زلم الثكال
جتنه وادم مدري شنهي أشكالها
.
.
وين نشرد نار واسياط أو سيوف
أو من غبار الخيل ما كمنه نشوف
نريد ليكم والعده اعلينه تطوف
أظلمت وكت العصر كاع الطفوف
واحنه نسوه امچتلين ارجالها
.
.
الخيل تسحك والعده امكشره النياب
تركض اعله الحرم يليوث الحراب
لحكوا بينه يله نفضوه التراب
هاي وادم صوتها صوت الذياب
وارعبت كل النسا بحبالها
.
.
موش وكت النوم يا هاشم تره
اطفالكم تحت الخيول امكسره
صار زلمة الجان بالحومة مره
وأيده بالسوط بمتنه اموجره
اجيوش اجت تسبي النسا بسربالها
.
.
صفدونه أو كيدوا چفنه بحديد
أو شدوا الاطفال من ايدن لايد
أو كوطروا بينه عليكم جالعبيد
اجسادكم شفناها چواها الصعيد
زلم هاشم حيف هاي أحوالها
.
.
جدموا روس الهواشم عالرماح
والمصيبة الحادي يمها اعلينا صاح
واحنه مثل اطيور مكسورة الجناح
انريد نبجي لجن ممنوع النياح
روس هاشم رافكت چتالها
.
.
فاضل عباس الخزاعي
https://t.me/fadlkuzay باز کردن / نظر دهید

2022-07-12 14:44:01 رجز
مولانا قمر بني هاشم صلوات الله عليه
.

إنه العباس لا يخشَ القتال
ضاربًا في السيفِ هامات العربْ
إنه من والدٍ فحل الحروب
جاعلُ الأعداءِ حصْبٍ وحطبْ
.
لٱسْمِهِ قد سجدت عظمى الجيوش
سيّدُ الحربِ لها شيخٌ وربْ
أرجفَ الميدان عند الملتقى
للعدى عزريل والله اقترب
.
.
مسَّ طرفَ السيف أركان الوجود
رجّ أرض الطف بل رجَّ الفضا
إنه العباس في أرض الطفوف
جعفرًا كان وكان المرتضى
.
.
بٱسمِه قد قسمت كل السماء
كفّه كفّ العليّ المقتدر
ما له ندٌّ بحربٍ ونزال
فانيُّ الأعداء دوما منتصر
.
.
قمر الأقمار ربٌّ لا يقاس
قاب قوسين بأن يمحي الوجود
مرجفُ الدنيا بكفٍّ كالحديد
ملكٌ في عرشهِ يحلو السجود
.
.
فاضل عباس الخزاعي

https://t.me/fadlkuzay باز کردن / نظر دهید

2022-07-10 14:12:34 #فزاعي
مولاتنا زينب تخاطب مولانا القمر صلوات الله عليهما
.
.
ها يبن الابو وينك تَحاجيني ؟!
صحت بسمك يخويه كوم لاكيني
هدّت عليّه الكوم جا ياهو اليحاميني
كوم ابداعة اختك يا نظر عيني

عباس انهض .... اجت ليه العساكر
.
.
اتلاحك خدرك البلهيمة متفرهد
اول تالي اندهك يالأخو أو مترد
ثجيلة بقلبي عباسي عَلي مبعد
اريد اشرد لجن اليا كتر أشرد

نيران أو خيل ... طبّت للمخيم
.
.
ركضت الكترك أو منعت ركضتي الخيل
او يبعد اعيوني تدري العطش باك الحيل
كمت أعثر وأشوف الكاع بيه اتميل
او جدمي ابجدمي من التعب كام ايعيل

الفرهد حيلي ... شفت راسك على الرماح
.
.
أدور اعليك طايح يا كتر بالبر
لا بيه آنه اجيك او لا الي تحضر
ترضى اختك عليها الشمر يتبختر
أحشمك بالخدر تفزع اذا تكدر

كفالي الحك ... اجتني الكوم بحبال
.
.
جابولي النياك الهزل الهزل
اعليه الشرد منك كام يتمرجل
مدري شلون قلبي الهاي يتحمّل
أو شدة الحبل لأرض الشام ما تنفل

اخت العباس ... صاحوا بسمي بالسوك
.
.
فاضل عباس الخزاعي
https://t.me/fadlkuzay باز کردن / نظر دهید

2022-07-08 11:01:57 #القاسم صلوات الله عليه


قاسمٌ ... لا يقهر
فارسٌ ... كالحيدر
مرعبٌ ... في الطعنِ
أسدٌ ...إن زمجر

سرفن اردانه أو تمرجل
عالكتايب من حمل
آنه ابن ذاك الدحاها
بالجمل وام الجمل
آنه جدي الليث حمزة
فحل من ظهر الفحل

عزمي ... من أبي
ليثٌ ... طالبي
سيفي .. لا يرد
ضربي ... كالنبي
.
.
ظيغمٌ ... من ظيغم
شامخٌ ... لا يهزم
كاسرٌ ... كالكافل
سيفُه ... يجري ابدم

شبل هاشم فرعلها
أو ساك خصمه للنهر
لف الاعمامه اعله ظهرة
داس عدوانه أو عبر
الخيل وأهل الخيل شردت
الحسن كالوا قد ظهر

شبلٌ ... للحسن
صامد ... بالمحن
دايس ... عالعده
عابر ... للزمن
.
.
.
قل هو ... بالحومة
فانيٌّ ... لخصومه
كفّه ... كالصارم
أمن الحسن ... تعلومه

كربلا عجت بأهلها
يوم قاسمها دِوه
أو موش بس الروس كصها
الرية جر منها الهوا
مثل سعفة بالعجاجة
هيج رجها نينوى

القاسم... بالعده
يطحن ... امهنّده
ناذر ... منحره
فدوه ... السيّده
.
.
راعبٌ ... عدوانه
من شمر ....ذرعانه
يغتَدي ... عالعسكر
كالصقر ... عنوانه

فوك روس الكوم يسحك
عابر بطوله الحرب
مو زغير الجده حيدر
عيش اعداه برعب
بالحرايب جنه طه
جفه ابد ما ينغلب

سيفه .. بالوغى
بالدم ... صابغة
خصمة .. بالحرب
منه ... ناشغة

مرديٌ ... للخصمِ
ثابتٌ ... في العزمِ
يا علي ... قد نادى
وانبرى ... للردمِ

امجلجل الحومة بزلمها
جنه حيدر من يهد
يبست أمن الخوف كلها
أو سيفه طاحلهم حصد
بجدمه يسحك عالشوارب
لا يخاف او لا يرد

زلمة ... بجبهته
ندّت ... غيرته
ادخيله ... بالحرب
تذبح ... يمنته
.
.
فاضل عباس الخزاعي
https://t.me/fadlkuzay باز کردن / نظر دهید

2022-07-06 14:27:43 #علي_الاكبر صلوات الله عليه


فارس الفرسان
مرديُّ الشجعان
ذَل نينوى الأكبر
سيّد الميدان

جر سيفه اتخيّر وين القادة
أو حز منحر جيش الروم أو نادى
"آنه الضاري ال من ظهر الضاري "
آنه الفرسان الكون أجداده

فحل فحل . هوّ..سيفه بدمه.. اتروه .. منهو عَليه .. يكوه ... هالضرغام
نزل نزل ... مدرع ... صوب الحرب مسرع ... جنحه الكوي مشرع ... لاهل الشام
.
.
طاحن الأعداء
ظيغم الهيجاء
للكوفة خلاها
توصل الأشلاء

دار اعله الكوم ابصمصامه
وصّل روج الدم فوك الهامه
قادر أن يمحي الجيش بسيفه
الشد اسمه الكرار اعله احزامه

صكر صكر .. كوّر ... فوك العده الأكبر ... سوه علي .. المحشر
بالطف صار
علي علي .. أمن ايهد .. خيل أو زلم تشرد .سيفه بركبها ايحد ..
هالصكار
.
.
قابض الأرواح
عالعساكر راح
مهيوب من هاشم
جن أسد لو صاح

هجّت من بين اجفوفه العسكر
دايسيها اخشوم اعداه الأكبر
وراث طه ابصولاته الكبرى
أو من هَد جنه الضرغام الحيدر

أسد أسد... غاضب... بسيف أو رمح ضارب ... ساحك على شارب
كل اعداه
دوه دوه ... الهيثم .. بالمعركة دمدم الزلمة الكلف .. غيّم
يا حياه
.
.
هَد علي الجيدوم
كسر ظهر الكوم
طكاته ما ترحم
فوك نحر الروم

جر ذاك الجيش بكبره بجفه
ماتت مرعوبة الناس الصلفة
مهيوب أو لابس درعه الاخضر
دم اعداه أمن الخوف امنشفه

لوه لوه .. بيده ... صيد الزلم صيده خله الفلا ارعيده
ابطك يمناه
حرب حرب .. دارت .. كل العده احتارت .. من شافته صاحت
وا ويلاه
.
.
وارث الكرار
سيفُهُ البتّار
سبحانه من يهجم
فارسٌ مغوار

يفري الكوم ابنظرات اعيونه
شايل حيل الكرار اعله امتونه
مو هين خلفة حيدر هذا
صوت السطرة الموته ايسمعونه

گوي گوي ... الأكبر ... بوكت الحرب زمجر زلمة أو علي قسور
ما ينصاد
سحك سحك ...خصمه .. عزم النبي عزمه ... غيرة علي بدمه
بروحه اعناد
.
.
.
فاضل عباس الخزاعي
https://t.me/fadlkuzay باز کردن / نظر دهید