تک آغاجلاری
تک ائولری
تک آداملاریی
و حتی
تک نفرلیک زندان حجره‌لرینی داها چوخ سئویرم،
تک‌لیک اینام دئمک‌دیر!!
اوزونه اینانمایان آغاجلار
مئشه‌لرین قولتوغونا سیغینیر،
اوزونه اینانمایان ائولر
شهرلرین قوجاغیندا گیزله‌نیر
و اوزونه اینانمایان انسانلار
توپلوملارین چیرکابیندا ایتیر باتیر.
□□□
من تکلیگین، تنهالیغین باشقا آدی‌یام،
منه اینان
سنین اوچون آغاج اولوم
ائو اولوم
آدام اولوم،
هئچ اولماسا تک نفرلیک بیر زندان اولوم،
ایچیمدن گونشه گوزلرینی تیک.
#تورکجه_شعر #فرمان_فرضی
https://t.me/farmanfarzii
