بیز اوز گونوموزو یازدیق، یاشاتدیق ...
بویوک فضولینین آد گونو و #تورکجه_شعر_گونو آدلانان ۲۰ اردیبهشت، سایقیدگر ائلیمیز طرفیندن ائله قارشیلاندی کی، منیم اوزومو حیرته گتیردی. هئچ اینانمازدیم گون گلر و بئله گونول اوخشایان اولای لاری گورمهیه طالع منه امکان وئرر. الیمیزده اولان یگانه امکانیمیز سانال دونیا و اجتماعی شبکهلر ایدی و بو شبکهلر کئچن گون تقریبا باشدان باشا بویوک فضولی آدی ایله بنزنمیش و بیر گونلوک ده اولسا
بو قارماقاریشیق دونیامیزی بزهمیشدی.
بیر چوخ خبرگزاریلرین واسطهسی ایله سسیمیز و سوزوموز یاییلدی و کولتوروموزو، مدنیتیمیزی قوروماغا یئنی اومودلار یاراندی. بو بویوک، غرورلو و شرفلی ایشده چوخ انسانلارین امهیی اولدو، هر بیریندن و باشدا باشی اوجا خالقیمیزدان تشکر ائلیرم. آتا-بابالاریمیز دئییب: ائل منیم آرخام، من کیمدن قورخام. عشق اولسون ادبیاتیمیزی و مدنیتیمیزی یاشادان بویوک خالقیمیزا.