2022-07-18 14:07:18
للامام علي ع… .. (بمناسبة عيد الغدير)
*****
كثر حزن الليالي بس علينا
حسدونة اوگعنة بس علينا
بغدير الي تنصب بس علينا
والباقي طرد كلهم سوية
**وحق الليل اذا عسعس واذاجن
اشكي الحيدرة همومي اذا جن
اليغث حيدر اذا انساً واذا جن
يلعب بية فلك حامي الحمية
****
يبركان المراجل بــيــك نامن
عيون ايتام بحضانك كثر نامن
بحضرتك من نطب ياحيد نأمن
لانك ياعلي خير البرية
***
(هوسات)
نقدم آيات التهاني الصاحب العصر البشير
والله الف مبروك هذا اليوم جدك صار امير
عيد عدنة اليوم هذا وعيدنة كلش جبير
(تنصب حيدر مولانه)
****
مو يا هو الي جان وطة يطية الخلافة
الخلافة تريد قائد حوك مهيوب وكلافة
كل الجيش اذا طب الحرب لازم تخافة
(وذني بحيدر تلكاهن)
*****
(القصيدة)
بيوم الغدير تنصيب الامير
علي حامي الحمية
امــيــر الجعفرية
;;;;;;;;;;;;;;;;;;;;;;
(بلغ) امر نازل على طــه نبينه
بس(بعلي)الباري ترة يكتمل دينه
من بعدي علي والي على كل المدينه
بالنار اليخالف علي يكضي سنينه
الميطيع الامر مأواه سقر
خليفة اعله البرية
امير الجعفرية
;;;;;;;;;;;;;;;;;;;
واعلنهه طــه على كل المسلمين
بعدي خليفة عليكم هذا ابوحسين
كلمن يخالف علي ما عنده كل دين
تنصيبة من رب السمة حقاً مبين
بعدي علي هو الولي
ابو روح الابيه
امير الجعفرية
;;;;;;;;;;;;;;;;;;
وابتهجت املاك السمة بهاي القيادة
حيدر اخذ بعد النبي دور السيادة
حب الوصي عد الله من افضل عبادة
والوالة حيدر نال بالمحشر سعادة
حبك بالكلب يا اجمل محب
نتباهه المسية
امير الجعفرية
;;;;;;;;;;;;;;;;;
بعيد الغدير الليلة خل تفرح الشيعة
وي الــوصــي هالليله نجدد البيعة
امر الله هذا اواجب علينة نطيعة
نبيع ارواحنه وحبة ابدا ما نبيعه
خير العمل هو الامل
حب حيدر هوية
امير الجعفرية
;;;;;;;;;;;;;;;;;
: الشاعر محمد الهاشمي
659 views11:07