الكادي

2021-08-06 14:34:58 روايه شارع ال 60
متوفره ك pdf? باز کردن / نظر دهید

2021-08-06 14:34:58 مساء الخير باز کردن / نظر دهید

2021-08-06 14:34:58 السلام عليكم نزلو لينا باقي روايه الخطابه باز کردن / نظر دهید

2021-07-11 07:40:39 _____
‏اقتربت رائحة الحج والشعائر المقدسة، واصوات التكبير والتهليل ،
لبيك اللهم لبيك ،
اكتب لنا حجة قريبة يا رب . باز کردن / نظر دهید

2021-07-04 14:36:25 لف يو توو متش ،،
ما جاني ليك اي صوت زي الصبت فيه مطرة ،،
الوو وسام انت سامعني ؟
عشتار انتي بتتكلمي واعية؟
اتطانشت كلامو وين انت ،، انا في المطار تعال لي بسرعة ،،
انا ا انا جاي عليك هسي ما تتحركي من مكانك انتي فاهماني وكان بتكلم بسرعة وبقطع في الكلام ،،
اتفقعت بالضحك وقلت ليه بشويش انا قاعدة ما طايرة منك،،
انتظرتو ،، كتير بس ما كتير شديد ،، لما شفتو جيت جارية عليه وحضنتو لكن هو بعدني منو ونهرني وقال لي ما اعمل كدا تاني لانو في الاسلام حرام واني ما حلالو ،،
ام سوري وسام انا ما كنت عارفة دا..
خلاص معليش هسي عرفتي ما تكرريها تاني
اوك
قال لي تعالي وقفني وقال لي غمضي عيونك..
اترعبت اول قلت ليه لشنو لالا ما عايزة اغمض ،،
قعد يضحك قال لي ما بتعمي تاني انا كنت متابع مع ابوك..
بقيت بعاين ليه بابا ما جاب لي سيرة ،، عشان كدا طلب مني اسافر ليك ،، انا بحبك كتير بابا،،
يلا بطلي اسئلة غمضي عيونك بي يديك خلاص،،
اها غمضتهم..
بقي سايقني وفجأة وقفني وقال لي فتحي
فتحته وختيت يدي في خشمي اووو ماي قاد دا شنو وسام؟
رفع لي اكتافو وقال لي شوفي
فتحت الصندوق ،، غمضت عيوني وبقيت اتحسس فيهم واتزكر اول حاجة اداني ليها عايزة اعرفها ياتا ،، لمستها ،، شلتها وفتحتها ما اتوقعته المفاجأة كانت دبلة ومن جوه فيها ورقة ..
تعرسيني؟
والله في اللحظة دي بكيت من الفرحة ما من شي تاني ،، مع كل هدية كنت بفتحها كانت في ورقة وعليها لحظاتنا الحلوة في الجامعة ،، تراهو طلع مراقبني وبحبني مووووت وداسي مني ..
عاينت ليه وما عرفت اقول اي شي لانو كل الكلام راح مني ،،
ها ما اديتيني رايك،،
بدون اقول ليك انا موافقة موافقة يا وسام موافقة ،،
بقي بنطط زي الشافع الصغير الناس دي بقت تعاين لينا والبصور بصور والوقف اتفرج ،، غايتو بقولو مجانين او ساطلين في المطار ،،
دخل يدو جوه بنطلونو ومدا لي كرت ،، شلتو وعايزة افتحو ..
قال لي انتي عارفة ،،
رفعت راسي بسرعة و قلت ليه شنو..
رفع لي حواجبو جهة الكرت
.
.
انتي قفة فرحي .

#النهاية

من الكاتب:
في احداث جاية تاني ،، لانو عشتار لسه ما اتزوجت وسام وبقت مواجهاهم مشكلة عويصة ،، الزواج بين مسلم ومسيحية ،، واهل وسام الاعترضو عي الزواجة دي ،، واهل ابوها العرفو انها مسيحية وضاغطين عليها وعلي ابوها انها لازم تسلم،، وكمان طلع طرف تاني ،، بت اهلو ل حاتم ...
وعدتني تديني احداث جديدة ،، وهي وقفت لي لحدي هنا وفي انتظراها ....
...
كل الحب
فاطمة قسم الله باز کردن / نظر دهید

2021-07-04 14:36:00 #قفة_فرح
[الحلقة الرابعة] [الاخيرة]

سافرنا لندن ،، ونسيت كل شي وراي ،، الا حاجة واحدة ،، وسام ،، والحاجات ال كل يوم بديني ليها ،،
بابا انا نسيت شي..
نسيتي شنو؟
الصندوق الاداني ليه وسام خليتو في الغرفة ما شلتو معاي ،،
وانتي هسي زعلانة عليه لشنو لو كان هاميك ،، كان حا يكون اول اولوياتك،،
انا ما زعلانة عليه
طيب متزكراه لشنو؟
ساي..
علي العموم انا رجعتو لي وسام ،، طالما انتي ما عايزاه احسن تستفيد منو واحدة تانية..
عاينت بي جهة بابا وكنت صارة وشي غضبانة ،، وقلت ليه انت كيف تعمل كدا بدون اذني تاخد حاجتي وترجعها ليه تاني..
انتي لو كنتي عايزاه اول شي حا تعمليه انك تدخليه في الشنطة بس انا شفتك شلتيه ودخلتيه في الدولاب ،، يعني مستغنية منو ..
سكته وما رديت عليه ومن جواي كنت فايرة بغلي كيف بابا يتصرف التصرف دا،،
قال لي نحن زاتنا تاني ما راجعين منها حا نمشي كندا علي طول مش دا الدايراه انتي؟
بابا انت بتقول شنو ما حا نرجع يشوفوني يعني ،
يشوفوك؟؟ قالا لي بإستنكار كدا..
يشوفك منو؟
حبوبتي يا بابا تطمن علي ،،
حسيتو انو مبتسم بضحك علي كأنو كشفني ،، زوغت ليه الكلام ،،ورقدت في كتفو بقينا ساكتين..
وصلنا لندن ومشينا علي طول المستشفي ..
الصراحة الدكاترة بعد الفحوصات اتحيرو فيني ،، واولا قالو يساعدوني كيف لانو كل شي كان كويس ما عارفين سبب العمي الحصل لي ،،
خفته شديد وفكرت اني حا ابقي كدا وحياتي تتوقف لحدي هنا وبس ،،
لكن الامل جا من تاني لما قررو الدكاترة انهم يزيلو العدسة التمت زراعتا لي ،، بس ما كانو متأكدين انهم بعد يعملو كدا اني اشوف او لا ،،
العملية اتعملت لي وشالو العدسة المزروعة ،،
اها بعد صحيت اشوف ليك كل شي قدامي اسود بالخلعة قعدت اكورك انا برضو ما بشوف ما بشوف واني خلاص انتهيت ماف امل تاني معناها..
في النهاية طلعت خوافة لما الدكتور مسك يدي وطمني وقال لي شايفة اسود عشان نحن لافين ليك عيونك لسه ما شلنا الشاش منها ،،
دخلو فيني خلعة قطعو قلبي لكن ..
بقيت في حالة توتر والدكتور بفك لي في الشاش واني حا اشوف او لا ،، الغرفة كانت صااااانة ولا نفس ما سامعاه غير يد بابا الكنت بضغط عليها بقوة ..
فتحت عيوني وبقيت منفعلة انفعال فرح انا بشوف انا بشوف يابابا ،، ما كنت مصدقة اني حا اشوف من تاني ،، يااااه احساس ما بقدر اوصفو بعد المعاناة الحصلت لي ،، واني كنت مهددة بالعمي مدي الحياة ،،
صاح كنت شايفة طشاش طشاش بس الدكتور طمنا شديد وقال الرؤية حا ترجع لي تدريجيا من شهرين ل تلاتة شهور برجع زي اول ..
سافرنا من لندن ل كندا علي طول ،، دخلنا الوضع ما كان ياهو ،، التلفزيون شغال والبيت مرتب ونضيف ،، وريحة الاكل ،، طبعا اتخلعنا انا وبابا دا منو الاحتل بيتنا ،،
انتظرتكم كتير كنتو وين اتأخرتو كدا؟
دخلنا في حالة اندهاش وبصوت واحد ماما،،كرستينا،،
جات جارية علينا وهي بتبكي وحضنتنا الاتنين وبقت بتقول لينا الحياة من دونكم ولا شي سامحوني ،،
قعدنا كلنا في سفرة الاكل وحكينا لبعضنا كل الحصل لينا ،، قررنا ننهي المشاكل لانو ماف شي بستحق نضيع عمرنا فيه ،، قررنا نعيش حياتنا بي سعادة وكل يوم بي يومو ما يعدي الا ونحن مبسوطين ،، لانو الدنيا ما دايمة لي زول ...
مشي شهر كامل ومع اني لقيت الامان والحضن الدافي من تاني في اسرتي الجديدة بس من جواي كنت فاقدة شي وشي في قلبي ،،
عرفت اني بحب وسام ...
وسام الاول كنت بستهتر بيه وانو ما من طينتي ،، بس بعد الحصل لي هو الوحيد الوقف جمبي وحاول يسعدني ،، اتزكرت جملتو انتي قفة فرحي،،
عشتار..
ها بابا
وين سارحة
ولا شي
بقيتي تدسي علي بابا
لا بس السودان وحشني
السودان ولا حد في السودان؟
ضحكته وقلت ليه بصراحة الصندوق ال في السودان ..
ضحكنا الاتنين،،
بابا قال لي ارجعي السودان وشوفي وسام كان عايزك تعرفي شنو؟
نططه عيوني انت جادي بابا يعني امشي؟
ايوااا حبيبة بابا وسام شاب طيب وزيو ما بتلقي..
عملت روحي ما فاهمة شي بس حضنت بابا شديد وجري مشيت حجزت تزكرة بالنت علي السودان ،،
وانا في الطيارة حسيت اني عشتار تانية ،، ما عشتار الجاية تشوف حالا علي السودانيين وانو هم اقلا منها ،، جيت عشتار الضيعت حبها وجاية ترجعو من تاني ليها ،،
غمضت عيوني من تاني عشان احمد ال رب علي نعمة البصر ،، عشان ما اعاين لي اي زول تاني بي شفقة ،، عرفت انو الزول الما بشوف دا هو ما زول عادي ،، هو حد بستحق مننا نحترمو ونقدرو ما نعاين ليه بي شفقة وانو حد ناقص ،،
عرفت وقتها اننا جاحدين كتييير للنعم العندنا دي ،، نعمة جفون ، ورموش ،، ودموع،، ما بنشوفا مهمة الا بعد نفقدا ،، شفتو الحاجة دي صعبة كيف ،،
الا لما تفقدا!!!
ممكن في لحظة بس حياتك دي كلها تتغير ،، جاتني رعشة قوية لما فكرت انو اللحظة التانية دي ممكن يكون الموت ،،، دقات قلبي بقت تدق وفتحت عيوني سريع ،،
وصلنا السودان واول شي عملتو ركبت شريحتي سريع واتصلت بي وسام ،، بس فتح الخط كدا ولا مهلتو زاتو دخلت شمال طوالي فيه وسام اي باز کردن / نظر دهید

2021-07-04 14:35:57 تو ولمستو كان كبير ،، دا مجنون ولا مالو ما نصيح وعايز يبقيني زيو اظن ما علينا ختيتا جوه وقفلتو في مكانو ،،
نمته فترة لكن صحيت بي صوت شكلة بره وسامعة صوت بابا منفعل ،، واصوات تانية معاه بتكلمو ،، قمت وسريع سريع مهجومة بلمس قدامي اطلع بره ،،
جا صوت خالي
مالو ود عزيزة ناس مرتاحين ومحترمين التعرسو وهم بقدرو يتكفلو بيها لي رسوم العملية ،،
سمعت صوت بابا قال ليه انت اطلع منها اخر الزمن جاي تشور علي اعرس بتي لي منو،،
جا صوت حبوبة ،، يا ولدي كدي استهدي بالله اخوك الكبير كلامو صاح ،، نحن ندبر ليك القروش دي كلا من وين ،، اديها للبريحها وبسعدا وبقدر يعالجا ،، وكل شي بجي تاني لي قدام ..
انا بتي لسه صغيرة وما عايز اعرسا لو تبقي حياتا كلها ما بتشوف ما بعرس ليها القلتو علي دا ،،
جا صوت زوجة خالي واضح وبصوت عالي هي ما بتشوف فايدتا شنو تاني ،،
كرووو رووو نطيت بالصوت العالي والحاجة الوقعت دي وبقت الكواريك اعلا ،، شكلو بابا ضرب حاجة لانو كان منفعل وبدا يكورك ..
انتي اسكتي ولمي اولادك عليك ولا اقول ليك وقت عايزة القروش ما تعرسي لي بتك اسلام دي ووقت تفلس بي تطلق تاني اصلكم معودين علي كدا ،،
الليلة وووووب سمعت السكلبة دي ،،
شكلهم بقو يتضاربو خالي وبابا بسبب كلامو القالو
بقيت ماشة وخايفة بنادي بابا بابا انت وينك بابا ،،
جاني صوت حبوبة عشتار اقيفي ابوك هدا كويس تعالي ادخلك جوه ارقدي ،،
بقيت ببكي لالا انا عايزة بابا ما اطمنت الا لما حسيت بيه وهو بحضني وكان نفسو قايم وعرقان،،
بابا انت كويس
ساقني ودخلنا جوه قال لي انا قدمت شكوي ضد الدكتور العمل ليك العملية في السفارة وانا متأكد انو حا نربح القضية لانو موقفنا قوي ،،
كان خبر حلووووو لي فرحت شديد وقعدت انطط لما بابا ضحك،،
المهم عدي شهر وطيلة الشهر دا كان وسام بديني كل يوم شي وانا اموت واعرف ديل شنو ،،
بس بديت افقد الامل وماف جديد بحصل ما اتصلو بينا ولا رسلو ايميل يورونا الحاصل ،،
كل يوم بمشي وانا حالتي بتسوء زيادة ،،
شلت تلفوني اتزكرت سامر ،، ناديت بابا يتصل لي بي رقمو الكان سجلتو منو ،، حسيت انو ممكن يفهمني واكونوصداقة معاه ،،
قال لي دا منو؟
صديق معانا في الجامعة عرفتو قبل اسافر
فتش الاسم القلت ليه عليه واتصل لي بالرقم ،،
الووو جاني الصوت اول اتوترته ..
هاي سامر انا عشتار
عشتار منو؟
عشتار ال معاك في الجامعة مرة جيت اتعرفت بي
انا؟
ياه وطلبت رقمي بس انا شلت رقمك وقلت ليك بتصل عليك انا ..
انا ما بعرف بت بالاسم دا وتاني ما تتصلي علي هنا وطق قفل الخط..

وصلني ردو وهو اكيد عرف بالحصل بي ،،
بابا حضني عليه قوي وقال لي معليش انا جمبك واقرب صديق ليك
وقتها اتعلمت انو مهما الناس عملت روحها انها حساسة لمشاعر التانين ،، برضو ما بحس بالالم دا الا صاحبو ..
زن زززن بابا انت لسه بتعمل تلفونك هزاز ..
قعد يضحك ورد عليه فجأة قام علي حيلو وزح مني ،،
وكمان فجأة سكت مسافة ،، وفجأة التالته قعد يكورك وشالني من مكاني بقي لافي بي ،،
بابا بابا حا توقعني في شنو
عشتار عشتار نحن طلبنا اتقبل خلاص حا تتعالجي حا تبقي كويسة دموعو نقطت فيني كان فرحان اكتر مني وهو شايلني بلف بي ،،
اخيرا نحن ح نسافر ،، بس ح نسافر بدون عودة تاني ...

يتبع
فاطمة قسم الله باز کردن / نظر دهید

2021-07-04 14:35:55 #قفة_فرح
[الحلقة 3 ]

منو؟
عشتار مالك واقفة هنا..
قربت اقول اح لما شلت نفس وقت سمعت صوت بابا،، ياخ دخلت فيني خلعة قلبي وقف معاها ..
عندك ضيوف تعالي
ضيوف؟؟
ضيوف منو؟؟
ريان ووسام انا مشيت الجامعة استفسر في الكلية لانك قطعتيها وجمدتي ،،
ارتبكته وقلت ليه لالا مستحيل انا ارجع اقرا تاني وانا وانا وانا عميا،،
عشتار شنو الاحباط دا بكرا بتشوفي ..
بابا ما تتغط علي وانا ما عايزة اقابل زول القال ليك تجيبهم لي منو ما محتاجة شفقة من حد ..
عشتار ديل اصحابك ومفروض يعرفو وهم حا يساعدوك في القراية كفاية الوقت الضيعتيه..
بابا وبقيت المس قدامي ادخل الغرفة وكنت زعلانة ومتوترة ما اشتغلت بي كلامو.. قعدت في السرير ولميت رجولي علي وبقيت ببكي وندمانة علي الخطوة العملتها ياريتني ما عملت كدا ياريتني وبضرب في راسي ياريت ياريت ..
يا ريت شنو؟
منو؟ قعدت اتلفت اتجاه الصوت واهبش بي يدي قدامي ...
وسام
سكته ما رديت وتاني قلت ليه لي دخلت بدون استئذان انا ما حابة احكي مع حد..
انا عايز اتكلم معاك
اتلفت بالجهة التانية منو وما رديت عليه..
دي انتي عشتار متأكدة ؟
وين الثقة وكلامك انو مافي شي بهزك ،، تتزكري لما كنتي بتغمضي عيونك وتطلعي في التلتوار وتمشي وتتحدينا انك ما حا تقعي ،، هسي الحصل شنو مالك استسلمتي بسهولة كدا؟
وساااام شت اب ،، ختيت يدي علي اضاني وكنت ببكي وقلت ليه اطلع بره اطلع بره ما عايزة اسمع منك حاجة ،، ما تجيني ولا عايزة اعرفكم من تاني ،، خليني في حالي ،،
بابا جا جاري لما سمع صوتي العالي وحضني عليه ،، خلاص حبيبي خلاص عشتار اهدي اهدي ،،
انا ماشي بس عندي ليك كل يوم شي عايزك تختيه في الصندوق الجبتو ليك دا ،،
قلت ليه بإستهتار اختها وانا ما بشوف..
قال لي عشان لما تشوفي تلقيها ،،
صنت الغرفة عرفتو طلع ،،
جاني صوت بابا قال لي اعملي القال ليك عليه وسام ومن بكرا ح يجي يسوقك ويرجعك هو من الجامعة حاضر ،،
بابا
عشتار خلاص ماف كلام تاني ،،
دا كان اصعب موقف في حياتي ختاني فيه بابا ،،
جاني كلام وسام [تتزكري لما كنتي بتغمضي عيونك]
انا كنت بغمضهم بإستهتار ،، لاني كنت لما اشوف زول عميان وبتخبط في الشارع بقول في نفسي هسي هو غالبو جد ما يمشي عديل يعني ،، لما كنت بتحداهم واغمضهم دقايق كنت عايزة اثبت لي نفسي من جواي اني ممكن اتحسس طريقي بالاحساس بس ،،
كأنو ال رب شال نظري عشان يوريني نعمة البصر هي شنو ،، انا ما كنت فاهمة اهمية النعمة دي الا بعد فقدت نظري ،، حسيت ب اني كنت بلهو بشي خطير ،، لما اكتشفت انو عيوني هم قوتي،،
واي شي في الدنيا دي مرتبط بالشوف .. لما اشوف الناس ، لما ادخل نت ، اقرا كتاب ، اقوم بي عمل او حاجة ،، كل شي كل شي مرتبطة بالعيون ،،
ﻭ ﺃﻥ ﻛﻞ البحبو ﻓﻲ ﺍﻟﺪﻧﻴﺎ ﻣﺘﻌﻠﻖ ﺑﺒﺼﺮﻱ . .
وانا سارحة في تفكيري جاني صوت
هيي انتي
كأنو صوت اسلام بت خالي
يعني حا تقعدي كدا بدون شغل ولا مشغلة ،، اقلاها وقت ما بتشوفي تجي تغسلي العدة ،،
ما رديت عليها ،،
قالت لي علي فكرة متقدم ليك عريس ..
اتنفضته من السرير ومديت ليها اصبعي بإتجاه الصوت ،، خليه يعرسك انتي حلال عليك ،،
هههههه قعدت تضحك ،،
قالت لي الطيور علي اشكالها تقع وهو زيك واحد البخليني اعرسو شنو ؟ انتي توافقي وجري لانو مستحيل واحد عاقل يرضي يعرس كفيفة تبقي عالة ليه ،،
كلاما كان زي طعن السكين في القلب ،، اتحملتو جواي وقلت ليها اطلعي بره ..
ها ها عملت لي كدا مسكيينة حننتيني ،،
سمعت صوت مشيها طلعت من الغرفة ،،
اتفقعت بالبكي براي وكنت متألمة من جواي شديد ماف حد حاسي بي ،،
عدي باقي اليوم واصبح يوم جديد كنت متوجسة وخايفة من مشيت الجامعة ،، بابا ساعدني في اللبس وسرح لي شعري ،، سمعت صوت وسام ،، كنا ساكتين طول الشارع ،،
قال لي وصلنا حسيت بي مسكة يدو كانت باردة اكتر من يدي ،، كأننا حاسين بي نفس الاحساس ونفس الشعور ،، التوتر..
كنت شايفة ان الجامعة كلها بتعاين لي وبتعلق فيني ،، شايفة؟ ما الشوف هو احساس ..
سمعت همهمات ووشوشات ..
قالو عمت فجاة
بقت ما بتشوف الله يجيرنا..
اكيد عملت ليها بلوة الله ابتلاها ..
صحي مش طلعت مسيحية .. عشان كدا الله جازاها قالو ابت تسلم ..
كنت بتقطع من جواي وانا بسمع كل التعاليق البتطقش اضاني دي ،،
قلت لي وسام عايزة امشي ،، ضمت يدو الشديدة لي ووقت قال لي انتي قفة فرحي مستحيل تمشي مني وانا جمبك ...
وقع الكلمة دي دخل جواي واول مرة من عميت انا ابتسم واحس بالحب دا ،،
اليوم مشي سريع وفعلا وسام ما فارقني لحظة ،،
وقت جايبني علي البيت ،، كنت عايزة اسألو انو امس قال لي بديني حاجة كل يوم ولا شكلو كان بقول في كلام ساي عشان يطلعني من الانا فيه ،،
بعد وصلنا ،، دق الجرس ،، حسيت بي يدو مسكني فيها حاجة ..
دا شنو؟
مش قلت ليك ختيها في الصندوق الجبتو بس ..
طبعا جاني الفضول وقدر ما هبشتها ما عرفت هي شنو بس كانت مغلفة،،
دخلت البيت قدر ما حنست بابا يوريني ليها رفض لي ،،
المهم مكان وراني بابا الصندوق بقيت بهبش بهبش لما وصلت التربيزة فتح باز کردن / نظر دهید

2021-07-04 14:35:53 اي شي للحاصل لي ،، الصراحة بابا وداني مستشفي عادي لانو ما عندنا الامكانيات البتخليه يوديني واحد كويس ،، ما عندو شي ،، زول عندو جيتار بمشي بقيف في الشارع بقعد يعزف عليه والناس بترمي ليه القروش ،، دي شغلانية بابا الانا كنت خجلانة منها ،، وعمرها ماما ما كنت مقتنعة بيها دا السبب الخلاها تهرب بعد مشاكلهم كترة وانو ما موفر ليها ولو ابسط حقوقها ومتطلباتها البتتمني تكون عندها زي اي انثي تانية ،، الحب زي ما قالت لي ماما براه ما بكفي مرات ... ما زادت لي علي الجملة دي بس قالت لي بعد تكبري وتعيشي التجربة دي حا تعرفي انا قصدي شنو وياريت تختاري بعقلك صح ما بي قلبك ،،
بابا قرر يرجع السودان تاني برغم اعتراضاتي واننا حا نقدر نلم مبلغ دكتور كويس يشوفني ،، ما قدرت اقنعو ،، واول طيارة رجعنا تاني ل بيت الاسرة قصدي بيت جدي وحبوبتي ،،
بابا شرح ل حبوبتي كل الحصل قبل نجي وهي الشجعتو يرجع يدبرو ليه القروش ويسافر بي لندن يشوف الحصل لي ،،
اول ما دخلنا وكنت مسنودة علي بابا وخايفة اني اقع وبمرر يدي قدامي ،، جاتني كلماتو عشتار اثقي فيني انا ما حا اوقعك او اخلي شي يضربك ،، حسيت بي غصة في حلقي وكنت حاسة انهم كلهم بعاينو لي بي عين الشفقة اتوجعته شديييد ودموعي نزلت سخنة مني ،،
لما دخلني ورقدني السرير وطلع ،، حسيت بالوحشة واني ابسط شي تاني ما بقدر اعملو براي ،،
في الكم يوم ديل امكن اتعلمت حاجات في حياتي كلها ما اتعلمتها ..
اعتبرت انو دخولي للسجن دا عشان اطلع منو بإنثي جديدة يكون عندها هدف في الحياة ..
كنت بردد من جواي انو ﺍﻟﻨﻘﻤﺔ ال ﺣﻠﺖ بي دي هي نعمة من النعم الاداني ليها ال رب ،، عشان ابدا حياة جديدة احسن ..
نمته وانا متفائلة بانو بكرا احلا ،، تاني يوم صحيت بقيت بنادي في بابا بابا بس ما جاني ،، اتشجعت ونزلت براي كنت بحس اني حا اقع في اي لحظة كأني في هاوية مضلمة مخيفة ،، اتشجعت اكتر واقنعت نفسي اني بلعب في غميضة وبفتش لي بابا القاه ،، بقيت بتزكر في وضع البيت وماشة وبلمس حوالي ،،عرفت اني طلعت من الغرفة حسيت بي براح لفيت علي اليمين عشان امشي برنده المطبخ فجأة سمعت كلام زوجة خالي من صوتها عرفتها..
البركة العمت الله اخد ليك حقك يا اسلام عشان تاني تفتنك مع ابوك وبسببا هسي قعدك غصب من الجامعة ..
اي اي يا امي انا شمتاااانة فيها ان شاءالله ما تشوف حياتا كلها هي قايلا روحا شنو ولا سمحة زاتا لونا الشين دا الناس شرقانة بيها في شنو ما عارفة..
اصبري لي يابتي خليني اخد ليك حقك منها النكلم ابوك يعرسها لي ود عزيزة ما بشوف امو بتفتش لي في عروس ما لاقية ،، هن دايرين ياخدو القروش كدا ساي ،، حاتم عندو معانا شنو حياتو دي كلا طاشي ما اتزكر اهلو هسي وقت الشدة جا جاري جري ..
دموعي نزلو غصبا عني ،،
ووقت حسيت بي يد زول اتخت في كتفي اتهجمته وبي خلعة قلت

منو؟...

يتبع
فاطمة قسم الله باز کردن / نظر دهید