ياشيخ ..حلفت على حاجه إني مش هعملها بس عملتها أو عاوز أعملها.. | 💌فتاوى المرأه المسلمه💌

ياشيخ ..حلفت على حاجه إني مش هعملها بس عملتها أو عاوز أعملها...ايه الحل؟؟
......عليك كفارة يمين لقول النبي ﷺ : (مَنْ حلَف عَلَى يَمِينٍ فَرأَى غَيْرَها خَيْرًا مِنْهَا، فَلْيُكَفِّرْ عَنْ يَمِينِهِ، ولْيَفْعَل الَّذِي هُوَ خَيْرٌ)

طيب ايه هي كفارة اليمين؟؟
الكفارة ربنا ذكرها في القرآن في قوله (فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ ۖ فَمَن لَّمْ يَجِدْ فَصِيَامُ ثَلَاثَةِ أَيَّامٍ ۚ ذَٰلِكَ كَفَّارَةُ أَيْمَانِكُمْ إِذَا حَلَفْتُمْ)
يبقى معانا كفارة اليمين بالترتيب ده
أول حاجه إطعام عشرة مساكين
خدبالك !!!!الصيام مش أول حاجه

طيب الإطعام هيكون ازاي ؟؟
لكل مسكين هتطعمه كيلو ونص رز ...يبقى عشر مساكين هتطلعلهم 15كيلو رز
أو....تتطلع وجبة غداء زي اللي بتأكلها لكل فقير ((مثلا رز وفراخ ))

طيب ينفع بدل مااطلع رز أو وجبات أطلع فلوس ؟؟؟
....لا كفارة اليمين ماتنفعش فلوس

طيب مش معايا فلوس لاطعام عشر مساكين أعمل إيه ؟؟؟
يبقى هنعمل الكفارة التانية ...اللي هي صيام 3 أيام
بس ركز معايا ....الصيام لو مش معاك فلوس للإطعام
الصيام مش أول كفارة لليمين

طيب هصوم 3 أيام ..لازم يكونوا متتابعين ؟؟
لا....مش لازم يكونوا متتابعين صومهم براحتك بس المهم تكون فاكرهم وتصومهم

طيب لازم أطلع الكفارة أو أصوم قبل ماأعمل الحاجه اللي حلفت عليها؟؟
لا....مش لازم تقدر تعمل الحاجه اللي حلفت عليها الأول
بس خليك فاكر ....
الكفارة دين في رقبتك لازم تعمله ويستحب تعمله في أسرع وقت

طيب ياشيخ ...أنا بحلف كتير وعاوز نصيحة
النصيحة ربنا ذكرها لينا في القرآن بعد اية اليمين على طول قالنا ((وَاحْفَظُوا أَيْمَانَكُمْ))
فنصيحتي لك ....
لاتتسرع في الحلف واحفظ يمينك زي ماربنا قالك ..