فضفضة من الأعماق

2019-01-25 12:32:43 صوتو هنا رجاء باز کردن / نظر دهید

2019-01-25 12:32:30 المشترك رقم
#يقين

أجمل صورة لخلفية التلفون ️

الفائز الأول : 70 جنيه رصيد

بقية الجوائز في قناة المسابقة هناا ⇊⇊⇊⇊⇊
https://t.me/joinchat/AAAAAEOMU-6fav1PEO32dQ

للإشتراك ادخل القناة . باز کردن / نظر دهید

2019-01-13 14:20:52 شعبي المحبب كثيراً ، من خلال الفضفضات الكتيرة جاتني كانت كلها عن الحب و التعلق و الخذلان ، بس الناس كانت ناسية جملة جميلة شديد #وإن_الساعي_إليك_حلالا_سيجره_الله_إلى_قعر_دارك ، في أجمل من كدة ؟! ، نحن حالياً أغلبنا شباب ، كل همنا إننا نلقى زول يحبنا و يقدرنا و يهتم بينا و يكون كل حاجة بالنسبة لينا ، بس بصفة شنو علاقتنا ح تكون بيو ؟ #الزول_الفرحة ؟! ، #الزول_السند ؟! ، #حبيب ، #صديق_عزيز ؟! ، و غير ذلك من المسميات القاطعنها من راسنا ؟! ، عارفين ليه بخذلونا و ليه بنتكسر ؟ عشان نحنا قربناهم لينا أكتر مما قربنا لي ربنا ، و عشان لما تحصل لينا مصيبة بنمشي نبكي بين ازرعتهم و كان من باب أولى نبكي بين يدي الله الجبار المعين السند ، علاقتنا ما فل الفل مع ربنا و عايزين عباد ربنا يكونو معانا ! ، طيب موش كان من باب أولى نحسن علاقتنا مع ربنا عشان ديل عبادو و عشان ربنا قااادر بأنو يقول ليهم #كن فيكونو في حياتنا ، طول ما إنت مسكت درب ربنا و تبت الحاجة دي أنفع ليك ديناً و دنيا والله ، و أما عن الحب فلا تستعجل قلبك فيه ، #إحفظ_قلبك ، و الله سيعوضك الله على قدر صبرك و على قدر إستعانتك به حبا كبيراً جما ف #أستقم ، #أصبر ، ثم أدعو الله أن يرزقك حبا حلالا و سيرزق لأنه الرزاق باز کردن / نظر دهید

2018-10-07 10:19:59 جلسات علاجية
@Tmaytr_bot باز کردن / نظر دهید

2018-08-21 01:19:38 كل عام و أنتم بخير شعب القناة الطيب ، أعاده الله علينا وعليكم باليمن والبركات و أتمنى لكم كل الخير ، و أن يحقق الله لكم كل أمانيكم و يجعلها و اقعا بإذن الله ، كونو سعداء دائماً ، أعفو و أصفحو و أفرحو ، فنحن سنعيش حياة واحدة ، فلنعشها و نحن راضون عنها ، فخورين بما فعلنا فيها ، أتمنى لكم كل السعادة
#حنين باز کردن / نظر دهید

2018-07-05 15:12:32 السلام عليكم انا بحب صحبتي شدددديدد و بحب احكي ليها كل تفاصيلي بس هي ما مبادلني نفس الشعور والله بحبهااا شديد و نفسي احكي معااها كل لحظة بس كمان م عايزة ابقى تقيله عليها و كا مرة اسأل اناا م عاارفة اعمل شنووو باز کردن / نظر دهید

2018-07-05 15:01:00 السلام عليكم والله ما عارفة ابدا كيف بجد نفسي زول ينصحني اعمل شنو انا بحب لي واحد ببقي لي و من زماان شديد الكلام ليهو تقريبا 8 او اكتر بس نهائي ما بتكلم مع بعض و دايما بدعي ربي انو ما اتعلق بيهو اذا ما ح يكون عشاني في يوم و دايما بلقى للان بحبو رغم اني بتغاظ… باز کردن / نظر دهید

2018-06-29 15:00:13 أستغفر الله العظيم الذي لا إله إلا هو الحي القيوم و أتوب إليه باز کردن / نظر دهید

2018-06-29 14:58:44 سلام عليكم ي بنات انا في اولى جامعه و عندي مشكله م قادره احلها و بقيت بكره الجامعه بسببها و كل م امشيها بكون منفسنه و صحباتي بشاكلوني عشان طوالي بكون سرحانه و ساكته ، في واحد معاي في الدفعه بحبني و انا اصلا كنت شايله الموضوع دا من بالي و م مفكره فيهو و هو بحبني شديييد و شاريني عديل وفي عيد ميلادي جاب لي سلسل فضه يلا انا كنت بحب قريبي وانفصلنا قبل سنه وشويه ونسيتو خلاص بس مرات بتحصل لي حاجات بتذكرني بيها وبشتاق ليهو بس كارهاهو في نفس الوقت .يلا الود البحبني دا طيبااان شديد وقلبو ابيض و م عندو علاقه مع بنات الا بس بنات الدفعه بهظرو معاهو وكدا . وهو بدلعني شدييد وبعاملني كاني ملكه وبقو اصحابو يكاووني ويشغلوها لينا وانا على اساس الموضوع هظار بقيت بتماشى معاهم في الموضوع وهو قال لي بحبك بس م سالني من رايي انا تجاهو .وبعد فترره بقى مصر اني اوريهو بحبو ولا لا وانا كان عاجبني صحبووو وصحبو دا معانا في الجامعه وللاسف صحبو من هم شفع وساكنين في بيت واحد يعني اخوان عدييل وانا اتعرفت على صحبو بواسطتو هو لانو كان بحكي ليهو عني وبقيت بتونس معاهو في الواتس اكتر منو وكنت بحكي ليهو اي شي وهو زاتو وكان بحكي لي عن علاقتهم مع بعض ووريتو انو بحبني وسالني من رايي وانا متردده .. سالني قال لي في زول في بالك قلت ليهو بالتاكيد لا... وبقى بنصحني ارتبط مع صحبو داك لانو م ح القى اطيب منو وزول يحبني كدا ... قمت ارتبطت معااهو وبعد اربعه ايام ولا خمسه مشيت لصحبو دا وقلت ليهو انا م قادره اواصل معاهو وسالني من السبب قلت ليهو م اسي والسبب كان اني كنت مفتكره نفسي بحبو هو وبعد م كلمت الكنت مربطه معاهو قلت ليهو نرجع اصحاب وسالني ليه وجبت ليهو اعذار واسباب م بتقنع شاافع حتى كلمت صحبو اني بحبو هو وصحبو الكنت مربطه معاهو عرف الحاجه دي وقال ليهو م تخليها وامسك فيها قوي وهو معجب بي بس مع انو هو برضو قال بحبني وانا بعد فتره اكتشفت اني م حبيتو بس كنت معجبه بيهو ووريتو الحاجه دي و م زعل ولسسسه اصحااب واكتر من اول بس المشكله بقت في صحبوو دااك الانا كسرت قلبو عشان قلت ليهو بحب صحبك وفي النهايه طلع اني م بحبو .وهو زعلان لسه وكل م يشوفنا مع بعض ملامحو بتتغير والغيره بتظهر في عيونو ونفسي اوريهو الحقيقه بس خايفه يقول عني بتاعت لعب ولعبت بيهم الاتنين وانا نفسي اخليهو مبسوووط ويضحك واتونس معاهو زي اول ولو بيدي والله اجييب ليهو نجوم السماء واخليهو مبسوووط زي الشافع لمن يجيبو ليهو ملابس العيد بلعباتو انا بريدوو شدييييييد لانو طيوووبي وقلبو ابيييض زي اللبن بس م نفسي ارتبط معاهو ... وروني اعمل شنووو والله تعبت خلاص وعارفه نفسي غلطانه وندمانه شديد باز کردن / نظر دهید

2018-06-29 14:57:45 مرحب صراحه انا فعلا محتااجه احكي لي زوول ويوجهني اعمل شنو
انا بحب ود عمتي وهو كمان بحبني والله ومن سنيييين ونحن بنحب بعض وعاايزين بعض بالحلال بس المشكله هو كل مره بقوول لي انو خاايف ابوي م يوافق عليه مع انو هو ود اختوو
والسبب( هو بقول لي ابوك ح يرفض لاني م قاري جامعه ) هو صراحه م قرا بس شغاال وشغلو حلوو ومستوور والحمد لله وانا بقرا طب ف المستوي الثالث وهو شاايف انو دي المشكله وفعلا انا نااس البيت كل م يحكو معاي بقولو لي عايزينك تتخرجي كدا وتعرسي لينا دكتوور ولا مهندس بس م واحد م قاري انا اعمل شنوو. لكن والله انا بحبوو وهو بحبني
بس عليكم الله افيدووني سريع لانو هو كل مره بحكي لي وخاايف م عاارفه اقوول ليهوو شنوو وهسس من يووم العيد هو زعلان وشايل هم باز کردن / نظر دهید