كَلِمَاتٌ مِنَ القلب!❤️

2023-12-07 22:30:43 "حب حياتك تحبك"

لما عملوا دراسات و أبحاث و مقابلات مع ناس كتير فى دول متعددة من أعمار مختلفة، عشان يقيسوا مدى سعادتهم و رضاهم عن نفسهم و حياتهم وجدوا التالى عند الناس أصحاب معدلات السعادة و الرضا العالية .

١ - التفاؤل
عندهم دايمُا إحساس بالتفاؤل و أن كل حاجة بتحصل لهم فى الحياة خير حتى لو مش شايفيته و بعقلهم قادرين على إدراكه و تحديده

٢ - الامتنان
ممتنين و شاكرين لكل حاجة فى حياتهم بمزاياها و عيوبها . أهلهم، شكلهم، بيتهم،أسرهم،صحتهم،عملهم

٣ - روح الدعابة و المرح
مش بيحبوا يحولوا حياتهم لفيلم درامى طويل حزين، بيحبوا يحولوا كل موقف light comedy بس مش هزلى.
عشان يخففوا إيقاع الأحداث الثقيلة فى حياتهم.

٤ - المرونة
عندهم قدرة عالية على التأقلم من الظروف
مبدأهم تقبل .. تحرك… استمر

٥ - الابتسامة
أهم ما يميز وجوههم … الابتسامة الجميلة
اللى تشبه baby smile .
ابتسامة كده تفضل طفولية و بريئة و صادقة لا تشيخ و لا تعجز مع علامات السنين

٦ - الأشياء الصغيرة
فى حاجات صغيرة فى حياتهم بيحافظوا عليها فى يومهم
لأنها بتكون عادة مُشعة لسعادة و البهجة لهم و بتعمل لهم شحن لطاقتهم الايجابية.
ممكن تكون قراءة، مشى، يوجا ،رسم

٧ - البعد عن كل سلبى و سام
بيحبوا يروحوا لناس المتفائلة الايجابية اللى زيهم و بينفروا و يفروا فررررر من الناس اللى ممكن تدخلهم فى علاقات سامة أو يشعوا أجواء السلبية المرضية فى حياتهم

٨ خارج المنافسة
قرروا لا يدخلوا السباق الدامى مع القطيع فى الحياة .
قرروا ينافسوا نفسهم لنفسهم و لا يدخلوا حلبة المقارنات.

كل السمات السابقة بتوصل هذه الناس اللى أختارت الرضا و قرروا يصنعوا سعادتهم بنفسهم بتوصلهم لمستوى روحانى عالى من التواصل مع الله
العبادة بالنسبة لهم مش فرائض، إنما جزء مهم دعاء و تواصل مع الله ، فيه تأمل و تدبر .
يركزوا فى مخلوقات الله و الطبيعة و معجزاته فى الأرض، يقفوا عن آيه و يفهموا تفسيرها بعمق.

الخلاصة:
السعادة ليست قدر …
السعادة قرار…..

تدريب:
تأملوا السمات ال ٨ السابقة ، و شوفوا لأى مدى موجودة عندكم .. عشان تشوفوا لأى مدى انتم راضين و شاكرين و سعداء زى الناس الحلوة دى اللى الأبحاث أكتشفوا سماتهم

يومكم سعادة و رضا

#ايجابيه باز کردن / نظر دهید

2023-12-03 21:45:10 لما تتعامل بالفضل مع حد وتلافيه يعاملك بالعدل بتحصل لك هزة كده..!
اللي هي
أنا غلط؟ ولا صح؟
هو انا ساذج؟
ولا اللي قدامي هو اللي ناصح زيادة عن اللزوم ؟
وقتها راجع نفسك
هو انت ليه تعاملت بالفضل؟
لو لاقيت ان الإجابة لله
اطمن على نفسك
وهديها
واقفل عليها باب الشيطان
وقل لها :
كل قرار خدناه بمقاييس الآخرة مينفعش نعيد التفكير فيه بمقاييس الدنيا ،
يعني أفضل اتعامل بالفضل مع اللي بيعاملني بالعدل ؟
لو قدرت خليك بالفضل؟ لان الاخرة خير وابقى ، وانت اساسا ربنا بيعاملك بالفضل في حاجات كتير ،
ولو مقدرتش حافظ على العدل ، ولا تلومن نفسك ، فلا تفرض عليها ما لم يفرضه الله عليك ،
رفقا بنفسك
وخليك فاكر
انت مستني من مين ؟
والتعامل بالشكل ده علشان مين ؟
تذكر النوايا يديم عليك حب التعامل بالفضل.
دمتم اهلا لكل فضل

د.أمينة خلف
#كن_مع_الله باز کردن / نظر دهید

2023-11-25 15:23:51 "عيش فى حالة تسليم مش فى حالة انتظار"

يمڪن ده درس اخد منى ڪتير عشان اتعلمه..

الأنتظار.. فيه مشاعر سلبية زى الخوف والقلق،
لأنڪ منتظر شئ معين يحصل ورافض اى حل غيره!

اما التسليم..
مليان مشاعر إيجابية زى الطمأنينة والرجاء والتوڪل واليقين بأنڪ مش لوحدڪ،
لأنڪ ببساطة عملت ڪل اللى عليڪ، وسلمت الموضوع لـ "ضابط الڪل" اللى فى أيده ڪل الأشياء..

فأنت راضى بأى نتيجة لانڪ عارف ومتأڪد ان خططه ڪلها لخيرڪ، وانه مش هيقود سفينة حياتڪ إلا لبر الأمان.

ربنا عليك توكلنا وإليك أنبنا وإليك المصير

منقول بتصرف بسيط
#أسماء_علام
#كن_مع_الله باز کردن / نظر دهید

2023-11-25 11:11:53 لن تستطيع دائما بأن تحظي بيوم جيد ولكن تستطيع دائما بأن تواجه اليوم السئ بسلوك جيد

#صباحيات باز کردن / نظر دهید

2023-11-21 10:20:40 كل ما نفسك او الشيطان يحاولوا
يخلوك تقع مع اى محنة
قول لنفسك
ياما دقت على الرأس طبول
المحنة دى من تقدير الله
و الله لا يكلف نفس الا وسعها
و الله أرحم بى من نفسي
و الله اعلم بى من نفسي
ان شاءالله
كل مر سيمر
و ساخرج منها أقوى كالعادة
و تدبير الله يكون
لخير
الدين و الدنيا و الآخرة
و اطمئن
لا تجعل الألم النفسي
يكسرك او يهزمك

#لست_وحدك

د.سمية محمود
#امرأة_متميزة
#كن_مع_الله باز کردن / نظر دهید

2023-11-16 20:43:44 من خلال تجربتي مع عالم التليجرام ..
أقدم لكم هذه القنوات من كنوز التليجرام
t.me/addlist/yZeR2l2JsZ1lNGJk
ـــــــــــــــــــ
كيف تكوني إمــــرأة متميـــــزة
هنــــــا نصائح مهمة لكل أنثى باز کردن / نظر دهید

2023-11-16 18:05:59 كانت والدتي بتلقائية بتقول لي: "اللي يتعوض متزعلش عليه"
قلتلها: طب واللي ميتعوضش...!)''
بنفس التلقائية قالت لي: "صاحب العوض موجود"
كنت حابب أسمع منها تاني..
قالت لي طول ما صاحب العوض موجود، قادر يعوضك عن اللي فات بأحسن منه..!
كلمات بسيطة لكن وقعهم على النفس مش بسيط.. ومكنتش محتاج أسمع أكتر من كده..
-"اللي يتعوض متزعلش عليه" ، "صاحب العوض موجود" ..
كل حاجة راحت..
"عسى ربنا أن يبدلنا خيرًا منها"
لو مش هنا!  يبقى هناك في دار القرار ..
"وللآخرة خيرٌ لك من الأولى ولسَوفَ يعطيكَ ربكَ فترضى"
مش هيعطيك بس .. هيعطيك لحد ما ترضى ..!
اعتدل في كل شيء .. إلا في حُسن ظنك بالله ، بالغ ..
فما جزاء حُسن الظن إلا نيل ما تتمنى
#كن_مع_الله باز کردن / نظر دهید

2023-11-15 11:43:42 10 مواقع لو أدمنتهم هيغيروا حياتك حرفيًا ‍

يلا بينا نبدأ رحلة التغير

1/موقع Canva، والموقع ده بيخليك تقدر تصنع التصميمات والصور، وكمان ممكن تقدر تتعلم منه ازاي تعمل لوجو مجاني وبجودة عالية وتعرضه علي خمسات كـ خدمة بمقابل مادي 

كل التفاصيل عن موقع Canva هتلاقيها بالتفاصيل هنا

http://bit.ly/38KD6Xc

2/خمسات، لو إنت بتدور علي شغل من البيت، التطبيق ده بيقدم ليك بعض الخدمات اللي تقدر تعملها وكل خدمة بتعملها بمقابل مادي

يعني تقدر كل شهر تعمل من عليه مبلغ محترم اوي

لو عايز تعرف اكتر عن تفاصيل التطبيق، والخدمات اللي تقدر تقدمها هتلاقي كل التفاصيل هنا

http://bit.ly/3zbWJDi

3/موقع إدراك، موقع إدراك بيقدر يوفر ليك أي كورس إنت محتاجه، وكمان الكورس هيكون باللغة العربية، وفي نهاية الكورس بتقدر تاخد شهادة وينفع تحطها في السي ڤي

تفاصيل التسجيل علي إدارك، وازاي تقدر تحصل علي الشهادة من هنا

http://bit.ly/3C0eSFd

إدراك كورساته كتيرة جدا، فعشان متهوش وانت بتدور علي الكورسات، جبتلك أفضل الكورساات اللي ممكن تاخدها وتفيدك من علي إدراك هتلاقيها هنا

http://bit.ly/3hqe5FJ

4/ كلنا بندور إزاي نطور لغتنا في الإنجلش ونتكلم زي الأجانب

عشان كدا جبتلك مواقع مفيدة جدا، وتقدر تساعدك وتفيدك في إنك تطور من لغتك بمستوي كويس

تقدر تعرف تفاصيل اكتر عن الموقع ده من هنا

http://bit.ly/3ySRTtF

5/ موقع TED، أكتر موقع بحبه جدا، وبيمثل حافز ليا وفي نفس الوقت اللي طور اللغة عندي بنسبة كويسة هو موقع TED، اكتر موقع ممكن يفيدك من كل حاجة وبنصح اي حد عايز يطور من اللغة يستخدمه

تقدر تشوف كل التفاصيل عن TED من هنا
http://bit.ly/3jHNhSC

6/ لينكدان، اكتر الناس حاسة إن لينكد إن ملهوش اي لازمة، وانا كنت زيك شايفه ملوش لازمة برضوا

لغاية ما إكتشفت لغز لينكد إن وبدأت اعدل في بروفايلي وحسيت أن في تغير بعدها

انا كنت بفتح لينكدان كل شهر مرة دلوقتي بقيت الوقت كله عليه

لو عايز تعرف تفاصيل اكتر علي لينكدان خدلك لفة هنا

http://bit.ly/3Atef65

7/ كورسيرا، كورسيرا غنيه عن التعريف، تطبيق كورسيرا هو اللي عرفني يعني أي كورسات وخدت من عليه 15 كورس فور فري

كورسيرا كان كل كورس بيبهرني بكمية المعلومات اللي فيه، غير أن شهادته كمان معتمدة وممكن تستخدمها في الـ C.V

لو عايز تعرف اكتر عن كورسيرا تقدر تاخدلك لفة هنا

https://bit.ly/3kd5wQH

8/ موقع EDX، لو إنت بتدور علي محتوي جبار، وشهادة معتمدة دوليًا من جامعات كبيرة، ارشحلك الموقع ده ..

الموقع بيقدم محتوي فوق العظمة، وموقع إيدكس مش بس بتاخد من عليه شهادة ومحتوي كمان ممكن تستخدمه في تحسين اللغة عندك

ودي كل التفاصيل اللي حابب تعرفها عن إيدكس هتلاقيها هنا

http://bit.ly/3zzS1iS

9/لو عايز موقع تنظم منه وقتك وخططك وأهدافك، متدورش كتير ..

هتلاقي هنا طرق إزاي تنظم وقتك وخطط بطريقة كويسة ومنظمة

تقدر تشوف الطرق دي من هنا

https://bit.ly/2TKMCpv

10/ مواقع لعمل الـ C.V، مفيش شغل ولا تدريب من غير C.V ..

ولازم يكون عندك C.V جاهز، عشان تكون مستعد لأي فرصة تجيلك

تقدر تعرف أفضل الطرق والقوالب اللي تساعدك إنك تعمل C.V من هنا

http://bit.ly/37sRXVK

في النهاية:))

الموبايل عمره ما كان مهمته التسلية والترفيه عن نفسنا بس، الموبايل زي ما هو للترفيه والتسلية .. هو للتعليم والتعلم فأستغله صح

#ايجابيه باز کردن / نظر دهید

2023-11-14 17:34:38 افعل شيئًا، أي شيء، وإذا لم تكن لديك الرغبة فاحمِل نفسك على فعل شيء، ومن الحركة تتولد الرغبة، ومن الرغبة يتولد الاهتمام.

#ايجابيه باز کردن / نظر دهید

2023-11-11 18:40:50 متتجاهلش الإشارات الربانية..

الفجر اليومين دول الساعة 5:00 ص
و المغرب الساعة 5:00 م
يعني ساعات الليل 12 ساعة

-الثلث الأول من الليل من 5 مساءً حتى 9 مساءً
- الثلث الثاني من الليل من 9 مساءً - 1 صباحًا
- الثلث الثالث من 1 صباحًا - 5 صباحًا

يعني اي حد بيسهر للساعة 1 باليل يقدر يصلي ركعتين قيام ليل و يدعي في الثلث الأخير من الليل ( أفضل أوقات الدعاء)

قال ﷺ: ينزل رَبُّنَا تَبَارَكَ وَتَعَالَى كُلَّ لَيْلَةٍ إِلَى السَّمَاءِ الدُّنْيَا حِينَ يَبْقَى ثُلُثُ اللَّيْلِ الآخِرُ يَقُولُ : مَنْ يَدْعُونِي فَأَسْتَجِيبَ لَهُ،مَنْ يَسْأَلُنِي فَأُعْطِيَهُ ،مَنْ يَسْتَغْفِرُنِي فَأَغْفِرَ لَهُ"

— اللهم أكرمنا بطاعتك باز کردن / نظر دهید