2021-10-01 09:30:54
قصيدة السيده زينب. لأخاهه الحسين عليهم السلام
{صدك يحسين}
____
ياخويه ياخويه. شويه اصبر شويه. بكلبك تره علويه
ياخويه ياخويه. لتغمض اترجاك. روحي مجلبه بكفاك
ياخويه. ياخويه
________
صدك يحسين طايح صدك ما تكدر تكوم
صدك هاي الحوافر منك سالبه هدوم
ردت اجيك ونزل دمعي وبيه تفور لاهموم
لا يا عيني مو وكتهه حسين كدامي ملجوم
ياعيني ياعيني. شوفي يأشر لاخته. يدريني ناطرته
عوفيني عوفيني. طفي. دموع العين. خل اركض اعله حسين .
ياخويه. ياخويه
_____
ذبلت حجاياتي خويه والوكت كلش كصير
لكدر اجيك ولاتجيني. اثنينه نبقى نحير
اوجوه ذبلانه تسولف تكرب يعتهه المصير
جفوفي تريد التلمك وعدائك كبالي تصير
ياحيلي. ياحيلي. حسين اليكسر الخاطر. خل نعينه ونخاطر
تجيلي. تجيلي. خل اركض اشيلنه. الخيل حسين طشرنه
ياخويه. ياخويه
__________
صدى ونينك الي يوصل. وينوح بكلبي لاصياح
وتيه بسجة احلامي وشوفك شابع اجرااح
ورسمك تمشي كدامي. وصوت يكلي هم طاح
اثاغب وادري المثاغب يطلع بس لانياح
من مثلي من مثلي. اخوهه سابح بدمه. ما تكدر تشمه
من مثلي من مثلي. علويه تعبوهه. وخوانهه عافوهه
ياخويه. ياخويه
________
تدري يحسين بجفاك تدري شتسوي الشماته
كلهه تسبني يخويه.وحك عباس وغلاته
كلي لو غمض ضواك الليل بيمن راح اباته
كوم ياروحي. وجبدتي. طولك كبالي شحلاتك
هم تدري هم تدري. كلهه تعاين بمتني. ترضى احد اليضربني
مااكدر وشكدر. مااركض بحالي. ما اعوفن الغالي
ياخويه. ياخويه
_
حسين خل اني. الاموتن شلون اشوفنك ذبيح
تشوفني ومابيك حيل وحتى ماتكدر تصيح
تصيح ردي ومارد يادوى كليبي الجريح
شنهي بيك يصير خويه زينب كبالك تطيح
عافيتي عافيتي. ماتقبل تاذيني. لو رحت من عيني
ياكلبي ياكلبي. شيب نضر عيني. شما باوع حسيني
ياخويه ياخويه
____
كلمات خادم الحجه. يوسف الموسوي
701 viewsالشاعر يوسف الموسويً خادم الحجه, edited 06:30
ق
