الهوس الشبقي أو هوس العشق Erotomania هي عبارة عن متلازمة بعتق | ـ آيـة/2019ـ2022

الهوس الشبقي أو هوس العشق
Erotomania
هي عبارة عن متلازمة بعتقد المصاب فيها أنو في شخص معجب فيه من الجنس الآخر و بعبر عن اعجابو بطريقة غير مباشرة مثلاً بالتلميحات و الإشارات.
و بأغلب الحالات بكون هالشخص مشهور أو عندو مكانة اجتماعية ،يعني ممثل/ة أو مذيع/ة و كذا.
المتلازمة نادرة الحدوث و من الصعب تشخيصها، و في دراسات أثبتت أنها بتصيب النساء أكثر من الرجال ( مع أني بحس بالعكس ) المهم
أعراض المتلازمة :
ـ المريض بصير يتبع الشخص المهووس فيه عالواقع و المواقع و حتى ممكن يعرضو لمضايقات .
ـ خلق علاقة وهمية و تخيلات في عقل المريض و محاولة التحدث مع الشخص المهووس فيه و ارسال هدايا .
ـ الاقتناع التام انو هالشخص معجب فيه بشكل سري و كل كلمة بحكيها هالشخص المريض بفكرها موجهة الو.
الأسباب :
ـ ممكن يصاحب أمراض ثانية مثل : الفصام و اضطراب الفصام الوجداني و اضطراب ثنائي القطب و الاكتئاب و الزهايمر.
ـ أسباب وراثية.
ـ خلل في تركيز المواد الكيميائية في الجسم. ( يعني مرتبط بمرض عصبي)
ـ و حديثاً شبكات التواصل الاجتماعي كسرت الحواجز بين الأشخاص و صارت سبب لزيادة الهوس.
العلاج :
مثل ما حكيت المتلازمة صعب تشخيصها لأنو أول شي نادرة و ثاني شي مترابطة مع أمراض ثانية.
التشخيص يكون من قبل طبيب مختص عن طريق فحص سريري + معرفة التاريخ المرضي للعائلة (احتمال كبير يكون وراثي).
العلاج بكون بأدوية و جلسات علاج نفسي و حتى ممكن يستخدم صدمات كهربائية و أدوية مضادة للذهان.

لا أحلل النقل دون إعادة توجيه
@foray7a