#لقاح ما راح اسولفلكم بالعلميات واكلك اثبتت الدراسات وقالت منظ | Future pharmacists👨🔬
#لقاح ما راح اسولفلكم بالعلميات واكلك اثبتت الدراسات وقالت منظمة الصحة العالمية …..
اسولف بالمنطق والعقل، ٩٠٪ منكم يستخدم العلاجات بدون استشارة طبية وما شاء الله بسبب وضع البلد الحالي الحصول على الادوية وحتى المخدرات سهل كلش … فانتم يا عمي تبلعون بهل العلاجات وترجعون لورة وببساطة اذا نسوي احصائية للكميات الي تُباع من حبوب الدكسن والشرابات -على سبيل المثال- للاستخدام الخاطئ راح نشوف ارقام فضيعة وبنفس الوقت نتائج كارثية على البشر ولكن محد ينتبه الها
انتم تدرون كم طفل جاي يصير بيه متلازمة كوشنغ بسبب استخدام العصارة الصفرة (نستاكورت)؟!
انتم تدرون كم شاب او شابة يصابون بالسكري وهشاشة العظام والامراض الاخرى نتيجة الافراط في الستيرويدات (الدكسن)؟!!
انتم تدرون اعداد الناس الي همه منكم جاي يستخدمون (مسمن البوما ) الي هو ما معروفة كرعة ابوه منين؟!!
وتجي توصل للقاح يحميك ويحمي عائلتك من مرض يفتك بالعالم وما اكلك بعد ما تنصاب انما راح يخفف عليك الاصابة لو انصابيت وما تدخل مستشفى ولا تحتاج اوكسجين ومجااااااااني وهم ما تقبل وتصير خايف على صحتك منه !! جا هاي الادوية التاخذها بكيفك شنو شكلها ؟!
لقح قبل لا يخلص اللقاح وتبقى حاير بزمانك وتتندم يوم لا ينفع الندم.
#منقول من الدكتور الصيدلاني ياسين عدنان رابط قناتنا ..... @Future_pharmacy1
