* Autonomic nervous system (ANS) * الجهاز العصبي الذاتي ال | Future pharmacists👨🔬
* Autonomic nervous system (ANS) * الجهاز العصبي الذاتي الاوتونوميك يتحكم بالنشاطات اللاإراديه في الجسم يعني مو احنه نتحكم بيها ع عكس الاعصاب الحركيه الي نتحكم بيها احنه يتكون الجهاز العصبي الذاتي من جهازين متعاكسان في الوظيفة: الجهاز العصبي الودي (Sympathetic Nervous System). الجهاز العصبي اللاودي (Parasympathetic Nervous System).
هذني القسمين واحد عكس الثاني بالوظيفه مثلا السيمبثاوي يسرع القلب يجيه رد فعل من الباراسيمبثاوي يبطء القلب مثل ماعندنا بالفيزيا لكل فعل رد فعل
منو يتحكم بالسيمبثاوي والباراسيمبثاوي ؟ اكو مراكز عليا خاصه بالدماغ وتتحكم بيهن مثلا Medulla و cortex... الخ
تبدا الاعصاب الجهاز الذاتي تخرج من المراكز العليا (الي بالدماغ) وتمشي بالحبل الشوكي وهنا اعصاب السيمبثاوي تخرج من المناطق الصدريه والقطنيه اما اعصاب الباراسيمبثاوي تخرج من المناطق القحفيه والعجزيه وهذني اعصاب السيمبثاوي والباراسيمبثاوي يرحن ويتصلن باعضاء الجسم ويؤدن وظيفتهن تمام
واغلب اعضاء الجسم بيه اعصاب سيمبثاوي وباراسيمباوي مثلا القلب بيه سيمبثاوي (يسرع القلب) وبيه باراسيمباوي (يبطء القلب) ملاحظه مهمه اكو اعضاء بالجسم بيها بس نوع واحد من الاعصاب مثلا الغدد العرقية sweat glands تستقبل بس اعصاب السيمبثاوي الغدة الكظرية Suprarenal Gland تستقبل بس اعصاب السيمبثاوي معلومه حلوه الاوعيه الدموية Blood vessels تستقبل اعصاب السيمبثاوي بنسبه عاليه مقارنة باعصاب الباراسيمبثاوي يعني الباراسيمبثاوي تاثيره اقل ع الاوعيه تمام
