2022-02-24 19:53:41
#قصةومعلومة
قصة الـ DKA
اكو بنية إسمها cell عدها صديقة سمينة دبية بس كلبها طيب إسمها adipocyte
هاي الـ cell عدها صديق ثاني إسمه insulin هذا دائما يجيبلها الكلوكوز لداخل الخلية ويجيبلها هدايا وسوالف
فال cell الخاينة عافت صديقتها ال adipocyte علموده
يوم من الأيام تعاركو ال cell والـ insulin وصارت بالجلاليق وزعلوا على بعض
( اما الأنسولين أصلا ما اجه للخلية Diabetes Mellitus type 1
أو اجه بس لكه receptor مالته ما يشتغل insulin resistance بالنوع الثاني من ال DM )
فشنو صار ... وره فترة الخلية جاعت ماكو كلوكوز وبعد طاقتها خلصت وصديقها الانسولين زعلان ما اجه فشنو تسوي حتى تحصل طاقة وتعيش ؟
فهي شنو عبالها كلوكوز ماكو ما تدري بالانسولين فخابرت على مدير المصنع مال الكلوكوز ال liver
وكالت اله شو ماكو اليوم ما اجاني كلوكوز متت جوع يمعود
فهو الاثول شسوه كام يصنع كلوكوز اكثر وأكثر بعملية gluconeogenesis رغم هو أصلا الكلوكوز زايد بالدم وهذا زاد الطين بله بس هو هم حقه شمدريه ماكو انسولين
فالخلية انتظرت هم ما اجاها شي
ففكرت بصديقتها العافتها adipocyte وكالت خل اخابرها لأن أعرف كلبها طيب وما تردني
الخلية: الو السلام عليكم شلونج خية اكلج اعذريني لان تركتج وادري انا ما استاهل بس هسه محتاجه طاقة وتعاركت انا والانسولين وما قبل يجيبلي كلوكوز وراح اموت
والكلوكوز هسه كله متجمع بالخارج بس ما اكدر استفاد منه وراح يسوي مشاكل إذا بقى فترة هواي
ال adipocyte: هله خية شلونج، ولا يهمج هسه راح اموت نفسي علمودج بالlipolysis واسويلج free fatty acid وادزهم للliver حتى يحولهم ل3 keton bodies ويدزهم الج هم صح مو نفس الكلوكوز بس دبري حالج بيهم علما يوصل المريض للطوارئ
وفعلا الcell تبدي تستخدم الكيتون حتى تحصل على الطاقة وحتى تكدر تقوم بوضائفها
بس هم صارت مشاكل لأن نعرف الكيتون هو عبارة عن acid فراح يتجمع بالدم لأن الكبد جاي يصنعه بكميات كبيرة اكثر من حاجة الخلية وراح يسوي acidosis وهاي حالة خطرة
فالخلية شتسوي حتى تتخلص من ال acidosis ؟
راح تسوي شغلتين:
اولا هي عدها شي اسمه K_H ATPase pump فحتى تتخلص من الH الهوايه الموجودة بال circulation راح تدخلها داخل الخلية وتطلع ال K خارج الخلية
وثانيا راح تخابر على شيخ عشيرتهم ال respiratory centre الموجود بال medulla oblongata بالدماغ حتى يسوي hyperventilation حتى يقل نسبة ال Co2 بالدم وبالتالى تقل ال acidity
زين هسه نرجع على الكلوكوز المتجمع خارج الخلية ويكول ماكو ما ادخل واروح للخلية إلا يجي الأنسولين وراح اسويلكم مشاكل ترى ديروا بالكم مني ...
شنو راح يسوي الكلوكوز ( hyperglycemia ) ?
راح يزاد بالدم ويوصل إلى حد معين يجتاز قدرة ال kidney على إعادة امتصاصه لأن ال kidney عدها threshold معينة إذا تجاوزها الكلوكوز بعد يضل يطلع مع الادرار
والمشكلة أن جزيئة الكلوكوز خبيثة تحب الفلود فراح تسحب وياها فلود اكثر وتطلعه osmotic diuresis فراح يصير dehydration وأيضا البوتاسيوم وباقي العناصر هم راح تطلع
وبعدين وصل المريض للطوارئ
انطوه فلود فعالجوا ال dehydration
وبعدين اجه المقيم صالح insulin وال cell وخله الانسولين يروح للخلية غصبن عليه ويدخل الها الكلوكوز وهو الممنون وايضا يدخل البوتاسيوم للداخل
وبعدين ينطون بوتاسيوم حتى يعالجون ال total potassium deficiency لانه صح هو الk مبين هواي بالدم بس هاي الزيادة جذابية لأن هذا البوتاسيوم الجان داخل الخلية وطلع فمن رجع لمكانه وره ما انطينا الانسولين بين النقص فلازم نعالجه ببوتاسيوم
#صيدلانيه
-
249 views𝒵𝒜ℋℛ𝒜𝒜 𖠇 ◔͜͡◔, 16:53