2021-10-25 16:35:07
( لمّا تنزل قُنبلة على مكان بيطلع منها شظايا، الشظايا دي لو جت في أي حاجة تضرها )
الذنب كده !
أنت متعرفش الذنب لمّا تعمله " الشظايا " بتاعته هتيجي في ايه ؟! :
في حب اللي حواليك ؟
في بركة اولادك و برهم ؟
في عافيتك ؟
في نفسيتك ؟
في خشوعك ؟!
في القرآن اللي سبته ؟
في رزقك ؟!
في ورِد من الأوراد تلاقي نفسك اتحرمت منه فجأة ؟!
كان أحد الصالحين بيقول :
” إني لأعصي الله فأرى ذلك في خُلُق دابتي وامرأتي ”
علشان كده واظب على استغفار أخر الليل يوميًا، 5 دقايق تقعد مع نفسك كل ليلة تستغفر عن ذنوب يومك و تحاول تراجع يومك كله و تستغفر ربك ( بقلب حاضر)، أنت مش متخيل ورِد الإستغفار اليومي ده ممكن يحصّنك و يحميك من ايه ؟! و يكون سبب في خير شكله ايه ؟!
(( وَبِالْأَسْحَارِ هُمْ يَسْتَغْفِرُونَ ))
- ذنوبنا صعبّت علينا حاجات كتير، جدد الاستغفار يوميًا، الإستغفار يرجع لك اللي راح.
" الاستغفار ينفع، يدفع، يرفع، يشفع"
منى محسن
72 viewssσ̈̈sσ̈̈ سـارونه , 13:35