،، ﷽.قصیده للمشایه عله وزن خادم انه.. زاير الك.. زاير الك.. زاير الك جيت ابدمع.. زاير الك ــــــــــــــــــــــــــــــــــــ لملمت كل هظم روحي وكصدتلك يالحبيب ادري بخلافك جروحي بالعمر ماظن تطيب شمحله رايات الترفرف طول دربك يالغريب شما اصيحك ياحبيبي انته تسمعني وتجيب اشجي الك.. اشجي الك جيت بدمع.. زاير الك ـــــــــــــــــــــــــــــــــــ امشي ولمدمع اهله اطلب الحاجات اريد ولذنوب هواي تدري ولحزن بيه شديد اقسم ابدمع السبايه لاتردني ياشهيد نظره منك ياامامي انته يا لفضلك زهيد اتوسل الك. اتوسل الك جيت بدمع. زاير الك ــــــــــــــــــــــــــــــــــــــ ماخذ الدنيه بجمعها وكلها تخدم للحسين دربك الرحمه نشوفه وكل بشر كلبه يلين منهج بحبك ترسخ ثابت بمر السنين كل محب بسمك ينادي ياهلا بالزائرين فدوه لهلك.. فدوه لهلك جيت ابدمع. زاير الك ـــــــــــــــــــــــــــــــــــــــــ جيت زاير يا امامي الك ولراعي العلم طلبتي منك اريدن ابقى بوساط الخدم الفوز ندري بهالخدامه وهاي مابيها ندم العمر وياك يحله خلافك ايامي عدم مديون الك. مديونك الك جيت ابدمع .. زاير الك ـــــــــــــــــــــــــــــــــــــــــــــــــ تمت بعون الله تعالى* الشاعره مريم العبوديه اسيرة الاحزان نسالكم الدعاء بتعجيل الفرج لصاحب العصر ولزمان ع غير مبري الذمه من يحذف الاسم https://t.me/gddaogt 2.7K viewsedited 22:26
