،، ﷽.قصائد.. محرم شــبوها الخــيم خــويه يعباس اشيط لوحدي ولطم عله الراس ................، ،................. تمــطر ياجفيــلي اغيــوم همــي يفيــض الحـــزن ياعــباس مني انـــوحن والجــروح اهــواي يمي اجـــرن گــوه تطلع منــي لنــفاس ................، ،................. خــريف الحزن ذبّل هرش كلبي يحــط الدهــر بحــزاني ويعبـي لــوعات الكــلب يعلـــمها ربــــي بشجرة حزني لا مايرحم الفاس ................، ،................. برمــاد الخيــم مغشــيه العــيون وطفــالي عطاشـــه ابر يهيــمون ياعباس نحلـــت منــي لمـــتون وحيده بغربتي ابوليت ارجاس ................، ،................. الكيــد ايحــطم بعظـمات ايـدي سيف الحزن خوية ايحز وريدي وسياط العده اتخط عله جيدي ناس بلا رحم وبلاية احساس ................، ،................. اجــرع ياهظم من هالمصايب تاليــهـه يكــعدونـــه بخـرايب ذايب هالكلب عبـــاس ذايـب تالي نصير فرجه بعين هالناس ................، ،................. تتــمايل جــروح الهظــــم بينه يخويه الفــركتك بالهم بجينه بيـــن اجــناب تاليــهه صفيــنه مثيلك يا اخو بالغيره ينقاس ................، ،................. تمت بعون الله تعالى* الشاعره مريم العبوديه اسيرة الاحزان نسالكم الدعاء بتعجيل الفرج لصاحب العصر ولزمان ع غير مبري الذمه من يحذف الاسم https://t.me/gddaogt 1.5K viewsedited 20:51
