2022-07-31 23:59:58
..،، ﷽.قصائد محرم( للعليله ع. )
ياكلب يالتهواهم . اتبع اثر ممشاهم
بلكي اعاين لآثار . وتجلب بركباهم
ـــــــــــــــــــــــــــــــــــــــــــــــــــــــــــ
وحدي اصدن بالعين متعلعله ومحتاره
حزن الكلب كاتلني للحزن مامش جاره
وضعن الأهل طر البيد وتكطعت أخباره
راحوا هلي وخلوني طوفان دمع عيوني
عالدرب مشبوحه انظار بلكي اعاين اثار
وتجلب بركباهم
❖═══❖◎◎❖═══❖
يسأل دليلي الملجوم ونار الفجايع تسرة
المهــد وياهم راح. وبروحي باتت حسرة
جلـــد وعــظم انه غديت. من الهظم منكسرة
شوك الهلي وللغالي. ولبعد عذب حالي
ماعندي كل استقرار بلکي اعاین الاثار
وتچلب برکباهم
❖═══❖◎◎❖═══❖
فكد الاهل خله جروح. اشلون الكلب يتصبر
كمت انهطر من ممشاي. بالدرب كلسا اعثر
كلبي ذبل ماتدرون. دم ولحم مو مرمر
مكسوره حته اعظامي. مليانه حزن ايامي
الوجع صاير طشارب..بلكي اعاین اثار
وتچلب برکباهم
❖═══❖◎◎❖═══❖
سالت دموعي بنص ليل وتذكرت لمتهم
جرح الكلب مايلتام يوجع سهم فركتهم
غبشه ورحت يم الباب مامش خبر منعدهم
منتظرة منكم مرسوم. بالنوح هالروح تحوم
اتلفت ايمين ايسار بلكي اعاين اثار
وتجلب بركباهم
❖═══❖◎◎❖═══❖
تهــمل ادمـــوعي ومتــهيد. لفركــة هلي واحبابي
انتــجي بلوعه واحزان. وعينــي تصد لبابي
لامخبر لمنهــم جاي .وين الیودي اكــتابي
خطوات امشي وارجع. تاليتي افيض بمدمع
ولكلب مني محتار. بلكي اعاين اثار
وتجلب بركباهم
.
❖═══❖◎◎❖═══❖
تمت بعون الله تعالى*
الشاعره مريم العبوديه اسيرة الاحزان
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم،
https://t.me/gddaogt
1.5K views20:59
ا
