مرحبا
اني غيث احمد
مسؤول نادي گوگل الطلابي للمطورين
وطالب مرحلة ثالثة(رحت للرابعة) بقسم الـISM بالجانب التكنولوجي فااني احب اكون متعدد الاختصاصات لذلك تلگاني مشتغل مشاريع باكثر من تقنية واكثر من تخصص (هذا الشي مو معناتهه صحيح) بس اني مو من النوع اللي احب اقيد نفسي بالمطلق بدائرة وحدة لكن خلال هالفترة جاي احاول اضيق دائرة التخصص ..
عندي حب كلش چبير للتدريب ونشر المعرفة لذلك شاركت بالتدريب بهواي امور وسعيت ان دائماً احاول انقل المعلومات اللي عندي لان هالشي مو بس جاي يفيد اللي ادربهم بس وانما جاي يفيدني من خلال تعزيز هاي المواضيع عندي وتعزيز مهارة التدريب هم وكذلك الشعور بالرضا النفسي اللي ممكن يحصله الشخص من يقدم شي
من ناحية الادارة فااني سابقاً چنت ليدر باكثر من مكان واكثر من فريق واخرهن چانت تجربة نادي گوگل اللي فخور بيهه كلش مو من ناحية الارقام والانجازات بگد حجم التأثير اللي خلقنا واللي جاي اشوفه بالناس داخل هالكوميونتي
مااعتقد بوست واحد راح يكفي حتى انقل بي كمية الفرح والفخر باللي صار بالفترة السابقة فشكراً لفريقي وشكراً الكم لان چنتوا جزء من هالشي.
