مرحبا اني فاطمة رياض الليدر الجديد بنادي كوكل الطلابي للمطورين بجامعة تكنولوجيا المعلومات والاتصالات
هدفي هو ان اخلي النادي كامل بكل الشغلات التحتاجوهة من معلومات و ورشات ودورات وخلق بيئة تعاونية وممتعة وسهلة للتعلم ونساعدكم خلال سنة كاملة برحلتكم بعالم التكنولوجيا حتى تحققون اهدافكم واحلامكم وتكونون بالمستقبل قادة ومؤثرين.
وطبعا هاي السنة راح يكون شغلنة على ارض الواقع مو فقط الكتروني وتكدرون تلتقون بينة وراح تجي هواي شغلات حلوة بالطريق...
وأكيد لازم اشكر الليدر السابق غيث والكور تيم مالتة (عمار ، دينا ، مريم ، مهدي ، نور الهدى ، محمد ، امال ) على شغلهم والشغلات الحلوة الي قدموهة للنادي وبالايام الجاية راح تنزل استمارة الكور تيم لذلك خليكم متابعين...