ليلة القاسم ع ....... لاعرس جان وحنه جانت بواجي اونه تحنت الكا | ديوان (في سبيلك) بشار السامي :شعر منبري

ليلة القاسم ع
.......
لاعرس جان وحنه
جانت بواجي اونه
تحنت الكاع بكربله بدم جسام
........١.........
علكاع نجمه وطايحه
والخيمه جادر فاتحه
الهلهوله تطلع نايحه.
من كلب الخيام
رغم الفرات ومايه
العطش فارض رايه
صح راحته محنايه
من دمع الالام
موتوه ابو الاكبر رجع طيح عمود الخيمه
الميتله عباس الكمر ياحنه تلفي الظيمه
موتوهه ميته الخوه
وحسينهم يتلوه
جانت الزفه بصفنة الراوي اوهام
تحنت الكاع بكربله بدم جسام
........... ٢........
بس عمه جان بنيته
وياشمع المخليته
شالت جفن صينته
بوداع العزاز
مثل الظوه مطشرينه
شلال ومكطعينه
على ارض مثل حسينه
هم ماكو جناز
كالو ذبحنه احنه الشذر شافو يلصف دمه
جاسم طلع كاظي العمر الشذره البجف عمه
َالروح جانت. مو روح
طلسم الخيمه المذبوح
موشاب جان الظهر الحسين حزام
اتحنت الكاع بكربله بدم جسام



.............. ٣.........
دمع امه يركض حسره
ماتت يصيح الكمره
ينزف عطر من نحره
من كل كتر صار
توكع اذا شالوهه
كطره بجمر بدوهه
موهوه لا ذبحوهه
برباهه الاشرار
كد ماتكطع بلحرب كلب امه ظل يتكطع
والحسره للتفكد ولد من الكلب روح وتطلع
وي النفس شيب الفكد يطلع كام
تحنت الكاع بكربله بدم جسام






............ ٤...........
هوه اليبس دلاله
هم تمر زفه اباله
عمه يلوج اكباله
ولاناصر وياه
هد جاسم وي خياله
موت الشرف يحلاله
الدم نزل شلاله
من نحره وافاه
تسبيحة من جف الحسن وتوذرت بلعاشر
الحسن حتى بكربله وي ابو الاكبر حاظر
هاي الامانه الجانت
من الحسن بلطف طاحت
ماعاف اخوه الوحده وي الظلام
تحنت الكاع بكربله بدم جسام




............ ٥..........
دم وبواجي اخيامهم
والماي كل احلامهم
طين وتفطر حالهم
خابصهم الماي
ياحنه اليحظروهه
بياماي اليدوفوهه
دمعتهم ايشربوهه
عطشو تره هواي
موكبله ابو فاضل وكع اشلون جاسم ينزف
وعبد لله شافه بلمهد من العطش ظل ينشف
بلفاتحه بدلو العرس يلخدام
تحنت الكاع بكربله بدم جسام


............
بشار السامي