ليلة الاكبر .... (في ليلة الحادي عشر من محرم اشتاق الولد لوا | ديوان (في سبيلك) بشار السامي :شعر منبري

ليلة الاكبر
....
(في ليلة الحادي عشر من محرم اشتاق الولد لوالده وهم ضحايا مقطعين الرؤس فكان هذه حديث علي الاكبر لأبيه الحسين ع وهم مقطعين على رمضاء كربلاء)
..............
بياوكت يمك وماتلكاني
صرنه واحد مايشوف الثاني
هيه المصيبه بلا روس
وليل الطف بلافانوس
يابويه.... يابويه
......... ١..........
هاي اول ليله بويه مانصلي المغربيه
انت موكتلي يلأكبر نلتقي بعد المنيه
ماطحت جاليش يمي ننسحك خاطر سويه
بويه كمت ازحف وادورك خافن اتلجمك اديه
رايد وريدي يشم وريدك
هاي اول ليله مابوس ايدك
كالو خناجر متروس. وليل الطف بلا فانوس
يابويه.... يابويه
.......... ٢.........
شلون اوصل جسمي يمك لاتجي الخيل وتدفعه حتى اشيلن خنصر ايدك بويه والجفك ارجعه
ليش متغطي بحجرهم والسهام عليك فزعه
ارد اعينك بس يبويه جسمي مااكدر ارفعه
امنيتي يرجع راسي واتعناله
ليش جسمك سحكته الخياله
بظلوعك الخيل ادوس. وليل الطف بلافانوس
يابويه.... يابويه
.......... ٣.........
ارد احط نحري على نحرك بس اطمن كلبي رايد
والله ماهاظمني ذبحي الهظم فاكدلي والد
بويه حتى الماي ضدك كلشي ضدك وانت واحد
صدرك الحاظن بناته الشمر شو فوكه كاعد
سهام وسيوف علجسمك كاعده
وانه كلبي يريد شوفت والده
مذبوح وانت القدوس. وليل الطف بلافانوس
يابويه... يابويه
......... ٤.........
حركو الخيمه يبويه وانه وسط الخيمه جسمي
وعن جمر نار المخيم كوه جرت جسمي امي
كمت اصيح النحري انزف بلكي يوصل ليك دمي
والله جا شابكني هسه لوطحت يابويه يمي
تدري الك اشتاك حتى بموتي
بلايه راس شلون يطلع صوتي
تمنيت يطلع كابوس
وليل الطف بلافانوس
يابويه..... يابويه
.......... ٥.........
انفض اجروحك يروحي وخل نكوم بلايه منحر
انه اصيح حسين بويه وانت صيح وليدي الاكبر
حتي اذا مابينه ننهض خل نحاول بلكي نكدر
جسمي جواك ارد افرشه والله وسفه تنام بلحر
من الشمس واحد يغطي بواحد
ونلتم ونكسر اعيون الحاقد
شجره انه وفراكك فوس
وليل الطف بلافانوس
يابويه... يابويه
...............
بشار السامي