(الرظيع) كون انه موانت النبله ذابحته عبدالله بويه ........ ١.. | ديوان (في سبيلك) بشار السامي :شعر منبري

(الرظيع)
كون انه موانت
النبله ذابحته
عبدالله بويه
........ ١.........
شنهو ايصير لو بس كطره جابولك
يبني ابين ادي ماتت دللولك
مو عطر الخيم جانو يكلولك
ليش السهم يبني نايم بطولك
يبني بنزف دمك
شيب حظنهه امك
عبد الله بويه
.......... ٢........
كطر دمعي حد مانحرك انكع
بلكي من الدمع تتبلل وتشبع
هسه الخيمت امك كلي بيش ارجع
ودمك من بعيد ابحظني ظل يلمع
اوكف وارد امشي
جني فكدت كلشي
عبد الله بويه
........ ٣.......
شلون ابذبحك ارجع مو حرت بأمري
يبني السهم صوب نحرك ونحري
اجيت وماي اشربك جان كل فكري
وانت وسهم نحرك راجع بكتري
بحظني السهم طالع
بجدامي اخط راجع
عبدلله بويه
.......... ٤........
كون ابخيمت امك باقي تندبني
اشوه اتموت يابس موذبح يبني
نحرك والعطش والسهم دولبني
مالاحك سهمهم كون صوبني
جن هسه يوليدي
كلبي انذبح بيدي
عبدلله بويه


........ ٥.........
ست أشهور عمرك ماكمل حلمه
وصابو منحرك عبد الله جي زلمه
زغيره ركبتك والسهم موكلمه
حيلي شما المه نحرك يهدمه
الميت بديه كلبه
يوكف بعد صعبه
عبدالله بويه
.............
بشار السامي