نزله ولائيه ،،،، كل الخير من عدهم ميعوفون خادمهم ......١...... | ديوان (في سبيلك) بشار السامي :شعر منبري
نزله ولائيه
،،،،
كل الخير من عدهم
ميعوفون خادمهم
......١........
يلماعندك اجبير وجنحانك كسيره
طب بخيمة حسين بلخيمه الجبيره
جلب بلعزائات وجهك لاتديره
شيخك خله الحسين شيخ اكبر عشيره
والعادوك جاوبهم
ميعوفون خادمهم
............٢..........
الكالو كافي تبجون مايخلص لطمكم
كلهم دمعي بلكيف وشحارك كلبكم
احفاد الذيج الاجداد مايخلص حقدكم
بس وكت العزائات تتمرد لسنكم
الينتقدون شنكلهم
ميعوفون خادمهم
..........٣......
دايخ بينه ويلوم بس ينقدني طبعه
جي حس كلب الحسين يهوه اليجري دمعه
ورتبه اعلى من الملوك وزعهه على ربعه
الخادم عند الحسين فوك الكل يرفعه
َالخدام اسالهم
ميعوفون خادمهم
..........٤........
الحلوه بخدمة حسين عيش انت العجايب
وين ايذبك الريل تلكالك كرايب
جنه الخدمه للناس والظل عنهه خايب
هنياله الوي ام عون عايشهه المصايب
دمع العين يحله الهم
ميعوفون خادمهم
........٥.......
ماعيقك بلدموع ولا اعيق التطور
خلهه ابالك وشوف هلمنبر يشور
حارم عينك النوم بحزاني شتدور
نعرفه الحارك الباب شما قلمك يزور
بلدمعات نوصلههم
ميعوفون خادمهم
..........
بشار السامي
