2022-07-19 17:39:05
يتعثر رجع للخيمه مهظوم
ياعباس لم جفوفك وكوم
صاح ودك على الراس.. زينب راح عباس
اخونه.... اخونه
........... ١.........
شايب رجعللي من النهر وكلمة الخوه تعثره
وعرفت من رد منحني طايح حسينك ظهره
علخيام.. يكول حسين ظل كلبه على الخيام
والسهام. واحد نبت بعيونه من السهام
والاحلام. وي جوده تبدت كل الاحلام
مترب رد الي ودمعه على الخدود
واشارلي على جفينه وعلزنود
صاح بكطع الانفاس.. زينب راح عباس
اخونه.... اخونه
........... ٢..........
يلتارس الطف مرجله شو خالي صار مجانك
شافو اخوك الوحده وستوحدو عدوانك
يكربون. شافو وحده وصارو يكربون
يهجمون. جنهم علخيم بعدك يهجمون
يسحكون. لوهجمو على اطفالك يسحكون
رد من عندي اخذ عباس الجفوف
على حسين العساكر صارت تحوف
دمعته تصيح بحساس. زينب راح عباس
اخونه.... اخونه
........... ٣.........
وجهك نهر يم النهر غيره على كاع الطف صب
لوخيروني بيانهر اركض لكصتك واشرب
علتراب. يخدري الثاني شو طايح علتراب
الصواب موبعيونك ابنص كلبي الصواب
الخضاب. وسفه على الكمر يتخله الخضاب
رد عباس هاي اطفالك اتخاف
رد لحسين هوه حسين ينعاف
يصيح وتسمع الناس. زينب راح عباس
اخونه.... اخونه
.......... ٤...........
الفاكد اخو اتعرفه الخلك بلمشي يظل يتعثر
وحسين لمن غمضت كل خطوه عنك يكبر
بعيدات. جفوفك علجسد صارن بعيدات
غريبات. بنات حسين من بعدك غريبات
صرخ مات. هدم خيمته حسين وصرخ مات
يطك جفوفه بعدك صار الحسين
يكول اشلون اخوي ابلايه جفين
بغدر اسهام الارجاس. زينب راح عباس
اخونه...... اخونه
........... ٥...........
عباس توه بطيحتك بين حسينك ظامي
يلتارس الطف مرجله من النهر لخيامي
يكفال. بعدك راح نتفرهد يكفال
الحبال. تكرب صارت على جفوفي الحبال
للعيال.. كفيله انه صرت بعدك للعيال
بنص الجيش طاح حسين ويصيح
ومن جروحه كل مايوكف يطيح
يصيح وجسمه ينداس.. يزينب راح عباس
اخونه..... اخونه
............
بشار السامي
1.3K viewsedited 14:39
د
