الفرق بين should - must - have to Should مجرد نصيحة عادية ت | قناة التلجرام الرسمية لغاده البندارى 🎓📚
الفرق بين should - must - have to
Should مجرد نصيحة عادية تعمل بيها أو متعملش إنت حر مجرد إقتراحات وأمور جيدة تنصح بفعلها وليست ملزمة أو إجبارية مثل أنه يجب أن تذهب للطبيب أذا كنت مريضا لكن ليس المريض أمامك بالشدة التي تستوجب الذهاب للطبيب يجب أن تذاكر دروسك جيدا لكن ليس هناك أمتحان في وقت قريب يستلزم المذاكرة مجرد نصائح أو اقتراحات عادية وليست من الضروريات أو في الأمور الشديدة —————————- must وركز كويس في الكلام ده لها استخدامات كتير أولا : النصائح القوية في المواقف الشديدة اللي مينفعش تتأجل يعني لازم تتنفذ نظرا لأهمية الأمر مريض حالته قدامك تستوجب الذهاب للطبيب مينفعش ينتظر أكتر من كده يبقي نصيحة قوية نستخدم must الأمتحان قرب جدا فأصبح ضروري نذاكر النصيحة في الوقت ده ضروري تتنفذ تبقي نصيحة قوية ونستخدم must ولو نصيحة قوية بحاجة ضروري جدا منعملهاش وإلا فيه خطر أو غرامة أو عقوبة أو مشكلة يبقي mustn’t ممنوع ولا يجب ثانيا في حالة دعوة شخص علي حاجه عيد ميلاد - حفل زفاف - غذاء أو ما شابه وعايز تبين له إنه ضروري بيجي مش عزومة مراكبية يعني نستخدم برضه must
ثالثا اذا كنت تتحدث عن القواعد أو القوانين أو التعليمات اللي ضروري تتنفذ أي قواعد زي قواعد المدرسة أو قواعد وقوانين المرور أو حتي قواعد الأمان بس تكون بتتكلم بشكل عام مش في موقف محدد أو لسبب معين نستخدم must بكرر تاني لما يكون الكلام بشكل عام مثلا ضروري علي المسافرين إستخراج جواز سفر علشان يسمح لهم بالسفر كلام هنا عام يبقي must أما لو بتكلم صاحبك اللي مسافر بعد كام يوم وبتقوله ضروري يعمل ايه فأنت هنا في موقف معين صاحبك اللي مسافر تقوله have to
رابعا ركز في رابعا دي كويس جدا هتعرف هنا بس الفرق بين must و have to قولنا من شوية كلام عام عن قوانين وقواعد وتعليمات يبقي must طب لو موقف معين مش كلام عام هنا بقي نشوف الموقف ده أنا ضروري ومضطر أعمل الحاجة دي بمزاجي وبإرادتي ولا مش بمزاجي وده أمر مفروض عليا يعني مثلا عيد ميلاد صاحبك فأنت راجل محترم وذوق وبتقول كده لنفسك أنا ضروري أوجب معاه وأشتري له هدية شوفت ازاي انت هنا اللي بتجبر نفسك بإرادتك وبمزاجك تبقي must مثال تاني الجو النهاردة برد جدا فبتقول ضروري ارتدي جاكيت تقيل برضه بمزاجك وبارادتك تبقي must أما لو الموقف اللي انت فيه مجبر ومش بإرادتك تبقي have to ودي بقي الحالة الوحيدة ل have to مثلا العربية وقفت مني فجأة يبقي لازم اروح لميكانيكي مش بمزاجي هنا العطل اللي حصل أجبرني اروح أو البنزين شطب برضه مش بمزاجي لازم اروح محطة البنزين انا هدخل قسم علمي في الثانوي يبقي ملزم ومضطر ادرس كيمياء وفيزياء واحياء مواد علمية يعني برضه مش بمزاجي طالما دخلت علمي فاللي هتدرسه اجباري عليك يبقي have to يارب تكون استوعبت وركزت وفهمت الفرق بينهم مع تحياتي أ/غاده البندارى
للتواصل مع استاذة غاده. @Ghada_Elbendary. رابط قناة اليوتيوب. https://www.youtube.com/c/ghada4englizy?sub_confirmation=1. رابط صفحة الفيس. https://www.f...