يا عادل بقولك؟ _قوليلي -أحط مانيكير لونه ايه ؟ _أحمر -مع | GiF
يا عادل بقولك؟
_قوليلي
-أحط مانيكير لونه ايه ؟
_أحمر
-مع اني مش بحب اللون ده بس هحطه علشانك..
_مش بتحبيه بس هيبقى جميل عليكي أوي
-قولي على شويه حاجات بتحبها عشان أعرف شخصيتك اكتر يا عادل
_هقولك بحب القهوة، المكروانة، اللبس الاسود، برفنات كلاسيكية كده، اللون الأحمر، و الأهم إنتي
-أنا ايه؟
_بحبك يا جميلة
-بس احنا لسه مخطوبين مخدناش ع بعض!
_حبيتك من اسلوبك و حبيت ملامحك ال من غير ميكب و حبيت لبسك الواسع حبيت طريقة كلامك و كده
-و كده ايه؟
_اول مره أشوف ولد بيتكسف لما يقول كلام حلو، آها عايزة اقولك اني عرفت حاجه عنك او من شخصيتك
-هي ايه من اني عارف انك بتغيري الموضوع
_لأ، آه الصراحه
-عارف مبتحبيش حد يمدح فيكي، مش هبقى حد يا جميلة بعد كتب الكتاب ليكي
_لما يجيي يوم كتب الكتب بقا يا عادل
-مستنيه بفراغ الصبر يا جميله
_ده بعينك يا عادل والله
-هو ايه بقا؟
_هو ايه !
-يا ستي خلاص خلاص هيجي اليوم مستني
_استني..بتحب الخريف؟
-آها جدا برحته و هواها و جواه و شكله و مطره..و حاجات كتير كمان
_امم ماشي
-ايه مش بتحبيه؟
_آها يعني، هو مش بمعنى إني مبحبهوش كل ال ربنا خلقه بطبيعته حلو جدا بس في حاجه منعاني اقربله كده
-احكيلي يا جميلة سامعك
_ليه كله بيحب المطره و مع ان فيه ناس كتير نلهاش امامن تبات و تنام فيه و ملهاش امكان تعقد و لا تستخبى و تدفيء و زي ما بتقول كده نفسهم يعملوا زيك
-جميلة بكل ما فيكي طيبتك كلامك حنيتك
_بتكلم بجد يا عادل
-هقولك حاجه ربنا مدي لكل واحد قدرة و في ناس بتستغلها و ناس لأ، يعني ف ناس ربنا مدبها فلوس و مش بتتصدق مش بتساعد معندهاش رحمة و لا قلب كل الناس أنواع يا جميلة متشغليش نفسك بمخاواف الدنيا و مشاكلها حبي الدنيا بطرقتها و أنواعها..حبي بقلب خايف ربنا و بس
_إنت بتصلى؟
-هتكتشفي لوحدك من غير ما تسأليني
_عادل!
-بس خلاص متتكلميش بحبك، انا ماشي
_مشي و قفل الباب و خاد قلبي معاه كنت هغلط و اقوله انا كمان.
#مريم_حمدي|زُمُرُد|