علشان التوهان اللي بنبقى فيه في موضوع صيام 6 أيام من شوال وال | أِقلآمـہ. زَرَقَآء
علشان التوهان اللي بنبقى فيه في موضوع صيام 6 أيام من شوال والقضاء
بصوا
١- صيام ال ٦ من شوّال = كصيام سنه كاملة
٢- يجوز صيام أي ٦ أيام من شوّال ( أول الشهر .. وسط الشهر .. آخر الشهر )
٣- يجوز صيام ال ٦ من شوّال مُتتابعين أو مُتفرّقين
٤- يجوز تستنّي كل إثنين وخميس من شوال .. أو الأيام القمريه ( ١٣ و ١٤ و ١٥ ) وتصومهم بنيّتين نيّة صيام ال ٦ من شوّال .. ونيّه صيام الإثنين والخميس والأيام القمريه ( في الحاله ده يجوز الجمع بين نيّتين لإن كلاهما صيام تطوع )
للبنات
٥- لو عليكي أيّام من رمضان ما ينفعش تصومي ال ٦ من شوّال قبل ما تقضيهم ...في الحديث ( من صام رمضان أي أكمل صيام رمضان .. ثمّ أتبعه بستٍ من شوّال كان كصيام الدهر ) .... فالحديث إشترط إكمال صيام رمضان .. إزاي هتصومي ال ٦ وإنتي اصلا مكمّلتيش صيام رمضان ؟؟ ...
٦- الشهر طويل .. إقضي اللي عليكي الأول ... وبعدين صومي ال ٦ من شوّال ..علشان يتكتبلك أجر صيام الدهر كاملاً إن شاء الله
٧- ما ينفعش تصومي اللي عليكي بنيّة القضاء ونيّه صيام ال ٦ من شوّال مع بعض ... كل عباده من دول مستقلّه لذاتها ... مينفعش الجمع بين نيّتين فرض وسنّه
ملاحظة : للأمانة العلمية..قال فريق من اهل العلم أنّه يجوز صيام ال ٦ من شوّال قبل القضاء .. في حالة وجود عارض قوي كمرض أو خشية انتهاء شوّال .... ولكن ما عليه الجمهور والراجح إن شاء الله صيام القضاء أولا .. لإنّه أولي وأبرأ للذمّه .. ولإن ربنا هيسألك عن الفريضه وليست النافله .. ..ووافق هذا الرأي ابن عثيمين وابن باز رحمهما الله
"يريد الله بكم اليسر ولا يريد بكم العسر ولتكملوا العدة"
