مفيش حد فينا وحش و ميتحبش في حد طبعه مختلف حبه و محدش كتير بيف | جبر الخواطر

مفيش حد فينا وحش و ميتحبش في حد طبعه مختلف حبه و محدش كتير بيفهمه مش مشكله فيك ان مثلا مفيش حد بيحبك مشكلة في اللي حواليك ان هم لسه مشافوش الحلو اللي فيك مشكله فيهم أن لسه محدش قادر يفهمك مش فيك خالص ولما تحس انك وحدك و مفيش حد بيحبك فكر مع نفسك مع نفسك بس اي اللي فيك بس الانسان بطبيعته حاجتين واحد ثقته في نفسه عاليه جدا و هيشوف انه مفيش في اي عيوب وان اللي حواليه هم اللي مخطئين في واحد تاني حساس و اي حاجة بتزعله او ثقته في نفسه ضعيفه هيشوف ان الناس مش بتحبه عشان هو وحش او في حاجة وحشه بس الواحد اللي بيتعرض لكده لازم يبقى وسط لازم يبقى عنده ثقه في نفسه و في نفس الوقت يحاول يبحث عن عيوبه و يصلح منها و في النهاية الناس ممكن برضو تفضل تنتقضه بس هو عنده اقتناع انهم بس مش فهمينه ولسه في شخص ما في وقت ما هيجي و يفهمه ويحبه زي مهو بعيوبه قبل مميزاته وفي النهايه كل واحد فينا لازم يبقى عنده استعداد للأنتقاص كتير في حياته عشان مش كل الناس هتحبك فأنت عيش مع البعض و متتأثرش بالكل