شوف انت ممكن تقضى عمرك كله مغفل بتدور ع الشخص اللى يبقى صحبك و | جبر الخواطر

شوف انت ممكن تقضى عمرك كله مغفل بتدور ع الشخص اللى يبقى صحبك وانتيمك وقريب منك اوى انت طبعا مش لانك وحيد بالشكل اللى ممكن الناس تبقى ملاحظاه لا لا خالص انت عايش حياة لذيذة وموجود ف كلية لذيذة فيها ناس لذاذ او مدرسة وحواليك صحاب كتير معاك دايما بتهزروا وبتضحكوا وشغالين لايكات وكومنتات ع الفيس وتاجات ومنشنات لدرجة تظهر للناس ايه دا دول صحاب اوى فعلا ياريت ابقى مكان فلان بس انت ف وسط كل الزحمة ديه عاوز شخص حنين عليك شخص يسمعك ويفضيلك نفسه شخص ميحسسكش انك تقيل عليه ف يستناك كل مرة لما انت تكلمه وتشكيله هو محتاجك زى ما انت محتاجله ف قبل ما تفكر انك تكلمه او تحكيله بيكون بيفكر فيك وعاوز يحكيلك ف بتفضل يا عينى غلبان بتدور ف وسط الناس الكتير اللى حواليك ع الشخص دا ف عشان تبدا وتاخد عليه بتاخد خطوات وبتقرب من الشخص اللى انت اخترته واللى انت ظنيت من بعيد كدا ان ايوة هو دا الشخص المناسب ف تعانى من بعض الاضرار بطرق مختلفة انت طبعا بتجرب اكتر من واحد ف تلاقى واحد حس انك بتقرب منه ف يتنك عليك وواحد يلاقيك بتقرب ف يفكرك مستغل وواحد مش قابلك اصلا وانت بغبائك وطيبتك فكرت انه شايفك زى ما انت شايفه وشخص تفضل تكلمه تكلمه تكلمه وهو عمره ما يبدا عمره ما ياخد ويدى معاك ف الكلام دايما محسسك انك انت محتاجه وهو بيعطف عليك وبيسمعك انت الفترة مع كل شخص بيرفضك بشكل مباشر او غير مباشر بيتسحب منك ومن طاقتك بتستهلك نفسك جامد اوى وممكن النهاية توصل للشخص اللى بتدور عليه وممكن متوصلوش لو وصلتله مش بتعرف تبقى مخلص ف علاقتك معاه ولا بتديله كل اللى محتاجه بسبب انك استهلكت نفسك جامد قبل كدا وبتبقى انت عبء عليه لما مش بتلاقيه بعد. كل الذل والاستهلاك النفسى والعاطفى والمعنوى دا لما انت ممكن ترضى ب شوية الزيطة اللى حواليك اللى دايما مخلياك باين مبسوط ومش وحيد وحياتك زى الكنافة بالقشطة ولو مكتوبلك تلاقى الشخص دا هتلاقيه بالصدفة ولقاء الصدفة هيبقى احلى لان لو حصلت الصدفة هتعرف تدى الشخص كل الاخلاص والوفاء لان لم يتم استهلاكك ف حاجات فاشلة قبل كدا واذا الصدفة محصلتش ف انت مخسرتش حاجة اديك عايش حياتك وراضى بالزيطة وبتحكى ف كتبك وورقك سواء بكتابة او برسم او بشعر ولكل مننا طريقته ديه خلاصة تجربة حية كلام كاتبه فعلا من جوايا مقعدتش افكر فيه ولا ارتبه ولا اى حاجة انا بدات وهو اتكتب لوحده وقررت اكتفى بالزيطة وابطل ادور ع الشخص دا لان كتير حسيت الشخص ولما قربت اتوجعت ف كفاية كدا