((لا أقره ولا أكتب)) السهـر والــشيب والدمعات ومحدب قــريــتك وآنـــــه لا أقــــره ولا أكتب واجيت المجلسك طيره وعشگ غار يالتعتب علــيه شـعــندي مـــن تعتب كـــلهم لاموني ... حتى أقرب ناسي كلهم هجروني ... مـــن شافو راسي بي طبره الـــگلبك بي حسره الــحبك بي شوغه الضعنك بي شوگ الـــدربك حـبك غربني ... حتى من أخواني حبك جردني ... حـتى مـن ألواني نســاني البسمه بس اصرخ عمه وأكتب يـازينب يــــازينب دمـه دمــك سـگه گــاع الــضميه يامن طحت وأختـك سبيه من المخيم صاحت حسين يا خويه أنه مـضيعه رقـيه واويلاه يعطر أمي ... يعطر أمي ******************** الــجـرح والـــنــوح والآهات وآلآمي وگــــلولي التــحبه مـنــذبح ضــامي بديت ومـجلسك ثوب اسود بروحي وعلى روحي ادگن مو على اعضامي وألـــطم بعيوني ... وأحساسي إيسافر لــخيام اضنوني ... ويـعــثر بـــــالعاشر بحبـــال الخيمه يــعثر بــالشيمه وبخنصر طايح يـعثـــر بـيتيمه وضعنك ومعذب ... وعيله وملچومه الوالـد ومخضب ... مـسلوبه أهدومه تــركض لهــفانه عـيله وعطشانه والخيل أتخوف وزينــب حيرانه وراسك عــلَه بســـــن العوالي وزيـنب تـگـلـك هـــذا حـــالي نوبه اركض ونوبه اصرخ النار چـــم غالي ذِبـّـحوّ ويه غــالي واويلاه يعطر أمي ... يعطر أمي ******************** بــعباتي الـــنار والـــسجاد بـالخيمه وأنه زينب عفافي أمحجب الشيمه ضِعنه والـــدرب مــايرحم الــضايع يــــاوسفه الــــيتامه أبنار وهضيمه نبچي يضربونه ... نسكت مانگدر خويه يشتمونه ... يحسين أتصور أتصور وزغـيره طفله وبالحيره يضربها الفايت ويگلها إيسيره وحبال الحادي ... خــشنه ومـضبوبه ياضيم السادي ... أمتوني ومضروبه اشــگـف ضـــرباته وأسـمـــع كلــمـاته من يحچي أعلينه تــلچم صيـــحاتـه يحسين أخبرك من مشينه عــفتك عــلى الغبره رهينه بس الجسد والرآس برماح والراس ضل يبــچي علينه واويلاه يعطر أمي ... يعطر أمي ******************** على أضهور الهزايل گوطرت دمعه بــيني وبيـن راسـك اشـهـگ وانعه أباوع والــســياط أتــلوح الــعيون محد يدري أنعه ابـسكتت الـشمعه اسكت وعيوني ... تسرح ما أدري تنضر لضـعوني ... بس تايه فكري يـــا نـــار وبـيه من تبچي أبنيه من تصرخ عمه إيـــدي مچويه ما أگــدر ألـزم ... إيــدي وتـلچمني والحيل أتهدم ... روحي وهجرتني ضايع كل حيلي لـــعيالي ويـــلي لـــيل الـمايرحم شيـخلــص ليلي يـــاخويه ضلمه أعــله الــمهازيل وبالضلمه يمـشي الحادي ويشيل خــوف ورعـب وحــبال وسـياط مـــاتــرهــم وعــنـــدي مــدالـيـل واويلاه يعطر أمي ... يعطر امي عبد زينب محمد الابراهيمي قناة الرجوع الى الله @h_ameer1 قصائد منبريه مكتوبه @h_ameer2 مجالس خادم الحسين @h_ameer3 قصائد حسينيه مكتوبه @h_ameer4 126 viewsملا ابو امير الفاطمي, 10:27
