الباب من اندفع .. جن ضلعي انشلع .. الحنان وخيرنه راح حسيته بد | قصائد منبريه مكتوبة2

الباب من اندفع .. جن ضلعي انشلع .. الحنان وخيرنه راح
حسيته بده .. يطلع وحده .. ضلع ام الحسن ااخ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يدفعون باب الزهره وانه انضرهم
والطيحوا محسنهه منهه اعرفهم
منحني ضهري مثل حنية شياب
يافاطمه والرحمه ابد ماعدهم

،،
الدنيه من دونج عدم .. يافاطمه وكلشي نهدم
ضليت احسّن بالندم .. حيدر قوي بساع نثلم


راحت ماترد .. ام كلب العذب ...حيدر عكبج انزاح
صينية ورد .. وتنام بلحد .. عكبج دنيتي صياح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بفراك زهرة عمري ابد لا ماعيش
ضليت مثل الطير ضل بلا ريش
شالع البوب انهدم حيله بهلباب
ضلت مجلبه بحلكي بس جلمة ليش

نسوان يتشمتن اجن ... بالدار فاطم مادرن ؟
وضلوع فاطم حومرن .. والمحسن شحاله نطعن


ادفنها رحت .. مكسوره شفت .. وبدياتي الضلع طاح
كون انه المتت .. ولا عني رحلت .. الهوه بفراكج الشاح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من هّلت الاتراب ع فاطم ياريت
مهدوم كون الباب فوكي والبيت
رديت محني مثل بسمار الباب
ياريتي للبيت ابد مارديت

رايح بعد مني الهوه ... حسيت نفسي بنينوى
كلبي ع فاطم انجوه ... ميفيد وياي الدوه

نعيش اكثر ردت .. وبدفنج حرت .. ياخذني الهوى الراح
شمعتنه نطفت .. من راح البخت .. بقت توجعني الاصفاح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طبيت للبيت وشفت بس ام عون
تكلي يبويه مابقت بيك عيون
كلتلهه فاطم راحت ومدري شصار
يطلع من الريه النفس مدري شلون


اوكع كمت مثل المطر ... وانرش مثل رشت عطر
ام الحسن ماتت قهر ... ماراح اكمل هل شطر


ما عبر كمت ... بفاطمتي حرت ... علي تارسته الاجراح
بعيوني درت ... شفت باب وكلت .. انت الخذت تفاح

،،،،،،،،،،،،،،،،،،،،،،،،،،،،،،،،،
-#عباس القلعاوي

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4