للصادق اشواگي جبيرة لأرض البقيع الشوف اديرة كل مرة ازورنك من ابعيد لـزيارتك كل عام حيرة كلما تمرني وكلبي حن .. لا اشوف گبة ولاصحن .. گبرك غريب بلا وطن .. غريب هيام .. غرام .. ياخذني الشوگ وملهوف وصال .. بخيال ..وبصحنك اتخيل اطوف بشعور .. ازور .. بس الكه روحي مچتوف ااه لـزيـاتـك حنينه ااه يالصادق اشتاگينه ** ترابات گبرك حدمن ألگاه لا يمه ناعي گاعد احذاه لا بي ضريح انشدله العلوگ من ابعيد كلمن راح زاراه هالشوگ كاتلنه گتل .. امنية عدنه وما تزل .. مو دمعه يم گبرك نهل .. دموع يصير .. چبير .. كل شوگ اليعبر مکتوم الوصال .. محال .. هم تعمه العين من اتصوم بحياة .. وممات .. مولاي انشوفك مظلوم ااه بس چلمه يمك جينه ااه يالصادق اشتاگينه ** هذا الجرح بيش ايتداوه العل الگبر واگف بي عداوة لازم الزورك يبچي بهداي حسرة العل نوگ بهداوة كل حسرة بيها انفجع .. الما الها صوت ويسنمع .. اليحترگ يثغب بي طبع .. يصير بسكوت .. ايموت .. كلمن زارك بس ما صاح بالشوگ .. محروگ .. تطلع من اعماقه نياح المحتام .. يلتام .. من تلكه بدموعه جراح ااه چم حسرة الك تآذينه ااه يالصادق اشتاگينه **** و اربع مراقد يمك نزور وعله المناير نلگه الطيور يمته المواكب يمكم تطوف تلفي بعزاها وگلب مذعور ننصب خيام بكل كتر .. نطبر ندگ عله الصدر .. نتطين ونسحگ جمر .. حُفات عزاء .. بكاء .. وتلوح القامة عله راس نطوف .. تشوف .. نكسرها شوكة الارجاس و اكيد .. نريد .. الغيرة بأسم العباس ااه للعزه حيل انطينه ااه يالصادق اشتاگينه * هاي امنيات وظلت احلام نلفي البقيع ونلطم الهام جم عاشر يكفي لهل الگبور ومشايه كون تصير كل عام من كربلة يصير المشي .. لمضيف ابو القاسم نجي .. ونسمعه وياكم علي .. يصيح حياك .. وياك .. حيدر يالگاصدني وجاي يالبيك .. بيديك .. نشتم ريحة جود وماي مطينين .. جايين .. انتم خطاري بعيناي ااه وبمضيفك تخلينه ااه يالصادق اشتاگينه ** حسين علي التقي قنوات مؤسسة فاطميون قناة الرجوع الى الله @h_ameer1 قصائد منبريه مكتوبه @h_ameer2 مجالس خادم الحسين @h_ameer3 قصائد حسينيه مكتوبه @h_ameer4 345 viewsحسين علي, 17:22
