ياعلي ابن موسى الرضا ((حنت عيوني)) حنت عيوني وشيگضها العيون التحن لحضنت ضريحك يالضامن أشتاگ الحضن عمري گضه هاا يالرضا واطلب وصآلك ذبلت مهج يمته الفرج و أوصل لبابك أشتياقي الك ماينوصف المشولك حچولي بالوصف طريقك جنة من العطف گبرولي شوگي الك .. وانه جنة اتخيلك فدوه خلني اوصلك .. واشوفنها المنارة من عليه عبدك ومشتاگ الك .. يبن موسى يمته اكدر اصولك .. يمولاي الرؤوف أرزقني بشوفة أعتابك ___ خايف اموتن وشوگي لضريحك زايد بالصورة ازورك واحضنها حضنت فاگد جمر البعد يمرد مرد وابقى اشتكيلك ماشي العمر خاف الگبر يمنعني اجيلك بحسرتي مشه بيه العمر بدمعتي باااقي انتظر الزيارة امنيتي بكل فجر خلي اشوفك لو حلم .. گافي كل ليله انلچم بالصور زرت الرسم .. گلبي ماتطفه ناره أمنيه لو حته بحلم تزقني اجيك .. وانه سلمت الأمر كله ابأديك .. ___ كل الي راحو موصل سلامي وياهم يمك يذكرون بس اسمي صرت انخاهم من الواصلك وصلت علک اطلبها طلبة يشدها بضريحك لو اجه واشتمها صعبة واعدها مو وصلت علک بعطرها نفس بيه شهک اشتياقي محيرها الخلک صرت اموت بفرگتك ..يمته اوصل حظرتك حلم عيني گبتك .. حلم طال انتظاره خاف اموت وما اجي لزيارتك .. حلم عيني بس اشوفن گبتك .. ____ سهلها مولاي خليني اصول بابك تسوة حياتي بس سجدة يم اعتابك تگول البعض ما بيه حظ وتطلبني ازورك وانه بأمل دمعي النزل يبشرني اطوفك امنياتي ياريت بسجل حرضتك هيج وتنقبل حبيبي الصعب يمك سهل يا انيس لكل نفس .. حسرتي صارت همس عبدك بغربة يحس .. يلي بيدك قراره يا حنين وتنطي للخادم اليريد .. ألتفلت للكله شوگ ومدلك ايد .. ____ ولـقم حنيني ما ينوصف تعبيره لجنة أخيتك ياكون اطب هالديرة والمحترگ بس بالعشک لازم يفهمه بقم الهوى من نينوى يحس اليشمه صحنها جنة من الضوه يكولون بي محله الهوه دخيلج يا اخت الرضا يمولاتي خادمج .. امنياته يوصلج محلفج بداعت هلج .. تزرقينه الزيارة جنه صحنج بي هنياله الحضه .. سهليلي زيارتج يأخت الرضا .. ____ حسين علي التقي قنوات مؤسسة فاطميون قناة الرجوع الى الله @h_ameer1 قصائد منبريه مكتوبه @h_ameer2 مجالس خادم الحسين @h_ameer3 قصائد حسينيه مكتوبه @h_ameer4 325 viewsحسين علي, 11:10