((بصايتك)) بصايتك أمنت عمري الباقي بيه .. مولاي حسين كون جرح | قصائد منبريه مكتوبة2
((بصايتك))
بصايتك أمنت عمري الباقي بيه .. مولاي حسين كون جرح مصيبتك يلتف عليه .. مولاي حسين ما اريدن وكتي يمشي بغير حزنك .. مولاي حسين كون انه وجرحي انشيب سويه .. مولاي حسين
كلشي عنه درت وجهي .. ردت بس بيك التهي لان شفت الخير كله .. بخدمتك يابو علي
انته الخير بينه .. ومن فضلك بچينه بس للخدمة مولاي عله هالدنيا جينه _ خلني متحزم لجرحك بلكي اعينك .. مولاي حسين ما اريد ابتعد عنك وانه طينك .. مولاي حسين لا تبعدني اخاف ذنوبي تاذيك .. مولاي حسين حجارة كلبي وخاف اصيبنه جبينك .. مولاي حسين
ما اجيلك بس مواسي .. جاي اقرلك بالذنب اصلحني بيدك يابو الاكبر .. هم عليك انه انحسب
يرازقني بنعمتك وقف خلني لخدمتك اغلط ما عفتني شكبرها يارحمتك __ خاف تلگه گلبي بهالدنيا ينغر .. مولاي حسين وبمتاهاته عن الخدمة يتأخر .. مولاي حسين وگف بعيني صور روس عالرماح .. مولاي حسين خلني مصلوب بعزائك لا اتغير .. مولاي حسين
شكو جروح التآذي گلبك .. كون تلچمني واحسها نفسي لاتدنه عله دنيا .. بس بالمصيبة نفسها
اذا جرحك يجرني كلشي ما يغرني بروحي مصابك يصير وللطف أفني حزني _ رايد افني العمر بس حزنك يلمني .. مولاي حسين وخاف امشي بغير دربك لاتخلني .. مولاي حسين بكلشي عثرني اذا رايد اعوفك .. مولاي حسين بصحتي وبكلشي احبنه امتحني .. مولاي حسين
امتحني بكلشي أملكه .. كلشي ما ينعز عليك والمهم ما أزل عنك .. وابقى عبدك بين اديك
شلون بعمري لو راح وما اخلصه بالنياح يطيح العنك بيعد والگض بيك ما طاح __ چفوف عطفك الحنينه لا تهدني ..مولاي حسين انه وين انطي الوجه لودرت عني .. مولاي حسين بوجهي كلها انسدت وگابلت بابك .. مولاي حسين من اساس التعزيه تدريني مبني .. مولاي حسين
ما برحت الباب كاعد .. وانتظر حنيتك تهل احسبني مو عبدك ذليلك .. ياحلاته ابابك الذل
طلبت جروح اجيلك و احسبني دخيلك بعد ما اريد اتعبك وزحمه من اشتكيلك ____ حسين علي التقي قنوات مؤسسة فاطميون قناة الرجوع الى الله @h_ameer1 قصائد منبريه مكتوبه @h_ameer2 مجالس خادم الحسين @h_ameer3 قصائد حسينيه مكتوبه @h_ameer4
